Numeri 15:15 - Mawu a Mulluku

¹⁵ Dda athu attheene, khaya tti mulleto apaalle neetthi vikhalle lamulo nimoddamoddave, lamulo wa enthawi yoohimalla va mibado ddanyu ddittheddene. Sika nyuwaano apaalle mulleto tti amodda vamiitthoni va Apwiya.

Numeri 15:15 ပူးပေါင်းရင်းမြစ်များ

Numeri 15:29

Mukhalle ni lamulo nimoddamoddave va arive muthu oyo alakwille moohidduwella va Muisraele ni va mulleto oyo ari variyari vanyu.

Numeri 9:14

“Mulleto akhalla variyari vanyu nave anapaalla ochana Ehakallallo ya Paska a Apwiya, olliye eere ehakallallweeyo moollikana ni malamulwiiwa ni malangizwiiwa. Khaya tti mulleto apaalle neetthi, arive muthu akhalle ni lamulo nimodda.”

Eksodo 12:49

Mukhalle ni lamulo nimoddamoddave va Muisraele navettho va mulleto oophaddiwa oyo ari variyari vanyu.”

Agalatiya 3:28

Sika khawiivo ohiyana variyari va Ayuda ni athu ayo ehiri Ayuda, variyari va akaporo ni athu ehiri akaporo, variyari va allopwana ni atthiyana. Attheenenyu tti amoddamoddave mu eyaattano ya Khrisitu Yesu.

1 Samuele 30:25

Davide aalamula wi nikhalle lamulo nave ovenyera nllapo nenno Aisraele aakhalla enipharihaka mutteko.

Numeri 10:8

Anamwani a Aroni sika eniipeke mapallapata. Mutteko wa mapallapataalla tti lamulo wa enthawi yoohimalla wa mibado ddanyu ddittheddene.

Levitiko 24:22

“Lamulo na Muisraele ni mulleto nikhalle nimoddave nenno. Mi tti Apwiya Mullukwaanyu.”

Eksodo 12:43

Vano Apwiya yaamulleella Mose ni Aroni wi, “Malamulo a Paska tti awi, arive muthu oyo ahiri Muisraele ahiche.

Eksodo 12:24

Nyuwaano ni aniinyu mumusungeke Paskoolla wi okhalle mutetho woohimalla.

Eksodo 12:14

Munuupuwelleke nllapo nenna mvo munaakhallekeenyu ni ehakallallo yookititimihana miyaano, Apwiya. Mibado ddanyu ddittheddene ddisungeke nllaponna wi nikhalle lamulo wa enthawi yoohimalla.”

Akolose 3:11

Ekaamba ya yeella, khuwaavo ohiyana variyari va Ayuda ni athu ayo ehiri Ayuda, oophaddiwa ni oohiphaddiwa, athu a ellapo ddimodda, athu oohihuddera, akaporo ni athu eyo ehiri akaporo nave Khrisitu sika ari oopaalleya, Khrisitu ari mwa attheene.

Numeri 18:8

Apwiya yaamulleellattho Aroni wi, “Va ddoovelleella wa miyaano, kohuuvaha ddoohalla onasungeewe nnddo Aisraele enapatullelliiwa wa miyaano. Kohuuvaha ddenndda wi ddikhalle echigawaawo ni ya anaawo wi ddikhalle ddaanyu wa enthawi yoohimalla.

Numeri 15:14

Akhalla mulleto oyo ari variyari vanyu apaalle arive muthu oyo anakhalla variyari va Aisraele attheene nave anapaalla ovelleella mukutho wawoosiwa viikho wa nthuko nawaaddivella Apwiya, eereke wonanko mmo muneerella nyuwaano.

Eksodo 28:43

Aroni ni anaaye ewareke ddenndda enthawi ddittheddene yaayaaka o musasa wamutthukumano apaalle onikuwani wookirumeyella onipuroni naweella woova wi enaachimwe ni okhwa. Lamulo nenna noollota dda Aroni ni edduullu ddaye nikhalle lamulo wa enthawi yoohimalla.

Yoswa 8:33

Aisraele attheene ni oohoollelliiwa, attekweeniiwa, aweeruziiwa ni alleto ayo yaari variyari viwa, yahiimella va embali piilli dda nibokosi na echipanganonne moowehana ni allupa mukutho Eelevi ayo yatukhulla nibokosinno. Hafu a mulloko wa athwaayo ahiimella moowehana ni mwaango wa Gerizimu nave hafu mmodda a mulloko wa athwaayo ahiimella moowehana ni mwaango wa Ebala. Vawaambawaamba Mose oorumeyella a Apwiya ahaalamula alliwaayo wi yeereke ddenndda yaapaallaka waakhella madaliso.

Estere 9:27

Ayudaayo yahiikeraatthihella weekhiiwa mutethoolla nave yaasimikiza wi alliwaayo, edduullu ddiwa ni athu amodda ookhalla variyari viwa wi ehitiwalleke osunga mallapo meellaalla, voothwarani nnddo ddalembiwe navettho ni enthawiine yaweerella ddenndda muyakha ni muyakha.