Numeri 14:24 - Mawu a Mulluku

²⁴ Koma ekaamba yawi Kalebe oorumeyellaaka ookhalla ni murima woohiyana ni amodda nave ookithwara ni murimaaye muttheene, kineeromwaakhullella wi avollowe mu ellapo eyo ayizondilleeye. Nave eneerokhalla ya edduullu ddaye naari Aamaleke ni Akanani enakhalla mutapo mwemmo.

Numeri 14:24 ပူးပေါင်းရင်းမြစ်များ

Aefeso 6:6

Muheereke ddiiddo yaawonakanive kaambiiwa munapaalla mwaahakallallihe koma mweereke yoopaalla ya Mulluku ni murimaanyu muttheene wonanko akaporo a Khrisitu.

Mitteko 11:23

Aphiyalleeyewo ahoona echisomo ya Mulluku vaathwaayo. Aahakallalla nave aallipiha mwiilli attheenaayo wi evirellelle ookhulupilila mwa Apwiya ni murimiiwa muttheene.

Deuteronomo 1:36

Koma Kalebeve, mwaana a Yefune, sika anaavollowemo kaambiiwa olliye aakhalla oororomelleya vamiitthoni vaka sika kineeroyivelleella wa olliye ni wa edduullu ddaye ellapo eyo ayizondilleeye.’

Numeri 26:65

Valle dda alliwaayo Apwiya yaallota wi, “Eneerokhwella muchipululuni.” Khaavo oyo ahallille variyari va alliwaayo omupatula Kalebe mwaana a Yefune ni Yoswa mwaana a Nuni.

Numeri 13:30

Koma Kalebe ahaalleella wi emaalleye vamiitthoni va Mose voollotani wi, “Hankoni niyeewo naanweene vaava naakhe ellapweeyo vawi moohikayika nineerewaagonjiha.”

Akolose 3:23

Erive ello muneereenyu, mweereke ni murima muttheene, wonanko munaphara mutteko wa Apwiya ohiri wa athu.

Masalimo 119:80

Murimaaka ohikhalle ni yoolakwa va malamulwaanyu wi kihiwulliwe muru.

2 Epilli 25:2

Vano aheera ddoolungama vamiitthoni va Apwiya koma ohiri ni murima woororomelleya.

1 Epilli 29:18

Nyu Apwiya Mulluku a Abrahamu, Isaki ni Yakobo makhollwaahu, keraatthihani wa enthawi yoohimalla maganizo ni makhallello yaalla m'murimani mwa athwaanyu nave ekhalle ni murima woororomelleya wa nyuwaano.

1 Epilli 29:9

Vano athu yaahakallalla kaambiiwa yaavelleella wa Apwiya mwa opaalla wiwa ni murimiiwa muttheene. Nave mwene Davide aahakallallattho wunchichi.

Deuteronomo 6:5

Nave mwaakondeke Apwiya Mullukwaanyu ni murimaanyu muttheene ni okumaanyu muttheene navettho ni masivaanyu mattheene.

Miyambo 23:26

Mwanaka kaapelle maaru ni murimaawo muttheene nave miitthwaawo eweheseseke ettilla ddaka.

Masalimo 119:145

Kinninllella wa nyuwaano ni murimaaka muttheene, nyu Apwiya kaakhulleni wi kithwareke malamulwaanyu.

Numeri 14:30

khaavo naari mmodda oyo anaavollowe mu ellapo eyo kallupenlleemi wi muneerovollowamo omupatula Kalebe mwaana a Yefune ni Yoswa mwaana a Nuni.