Numeri 13:33 - Mawu a Mulluku

³³ Naawoonattho Anefili, edduullu dda Anaki. Hiyaano nooneya wonanko middope nave alliwattho yanoonattho wonanko middope.”

Numeri 13:33 ပူးပေါင်းရင်းမြစ်များ

Deuteronomo 1:28

Ethiyo ninaaphwanye ellapo yawiidde wenko? Abalaahu naarumalleehwaalle yaaniriiryiha mwiilli wi athwaayo tti amasiva ni oorekama onikhwaranya hiyaano. Eniwattho mizinda ddiwa tti dduullupalli, dda mipanda ddoorekama. Navettho eniwa wenko yaawoonawo athu uullupalli ni oorekama, edduullu dda Anaki.’

Yesaya 40:22

Ellapo yavatthi yaphatusiwe ni olliye, oyo anakhalla va mpandwaaye woomwene oddullu, anawoona athu a vatthimva wonanko middope, anaanddellella mirapo wonanko ekuwo, wonanko musasa wookhallamo.

Genesis 6:4

Va mallapo yaayo naari vatulli viwattho vaakhalla athu amasiva ni oorekama va ellapo yavatthi ayo yaari edduullu dda atthiyana alle yatthelliwe ni anamwani aallopwana a Mullukwaalle. Alliwaalla yaari anamwani oodduwelliwa navettho athu oovuwa va mallapo akhallaayo.

1 Samuele 17:42

Nave Mufilisti amuwehille Davidooyo ahaamba omuvevulla vawi aari musombwe a mwiilli woofiira nave ekhove yooreera.

Deuteronomo 9:2

Athwiine tti amasiva navettho oorekama, edduullu dda Anaki munaadduwelleenywaalle. Vawi mwahiiwa ddillotiwaka wi, ‘Ethiyo ttaani anaawore ollipana ni edduullu dda Anaki?’

Deuteronomo 3:11

(Ogi sika aari mwene ookomihera a Arefaimu. Nibokosi naye naari namukoko noorekama mamita masese nave nooramballalla mamita meelli voophwanaphwanihella ni muyeso wa mallapo yaayo. Nave nibokosinno ttuunoona o Raba, muzinda wa Aamoni.)”

1 Epilli 11:23

Nave aamwiiphattho Muiguputo mmodda ooneneva ni oorekama mamita meelli ni hafu. Muiguputooyo aakhalla ni nivaka nuullupalli m'mattani mwaye noophwanaphwana ni mukoko wa muthu awoopa ekuwo. Koma Benaya aaphiya wa olliye akusalle ekopo nave aamwaakha Muiguputoolle nivakanne amwiiphana.

Deuteronomo 2:10

“(Khallekhalle waakhalla athu amodda amasiva ooromolliwa Aemimu. Athwaayo yaari anchichi nave yaarittho oorekama wonanko Aanaki.

Numeri 13:22

Vawaamba yaweelle ettilla yoomwera yaphiya o Hebroni nko wakhalla Ahimani, Sheshai ni Talimai, edduullu dda Anaki. (Muzinda wa Hebroni wamakiwe miyakha mitthanu ni miilli muzinda wa Zowani o Iguputo ohinamakiwe).

Numeri 13:28

Komathi athu amwiillaponimmo tti amasiva, mizinda ddiwa tti ddawaapheelliwa ni mpanda navettho tti dduullupalli. Woonjerera vaavo naawoonattho edduullu dda Anaki.

Numeri 14:1

Vano Aisraele attheene yaakhuwa wunchichi nave yahinlla mahiiyu yaayo.

Yoswa 11:21

Vano enthawi yeeyo Yoswa aawoononga Aanaki. Alliwaayo yakhalla mu ellapo dda miyaango dda Hebroni, Debiri, Anabu ni ellapo ddittheddene dda miyaango dda Ayuda ni dda Aisraele.

Yoswa 14:12

Vano mukikawelle ellapo yamiyaango moollikana ni mmo Apwiya yakilonjezelliiwa. Valle mwahiiwa wi Aanaki, athu amasiva, aakhallawove wenko m'mizindani dduullupalli ni ddamipanda. Koma apaalle Apwiya ttuukhalla ni miyaano nave kineerowiikariha moollikana ni mmo Apwiya yallotelliiwa.”

Yoswa 15:14

Kalebe aawiikariha malloko mararu a anamwani a Anaki mwiillaponimmo. Manddiniiwa yaari Sheshai, Ahimani ni Talimai.

1 Samuele 17:24

Aisraele emonne muthooyo yaathawa kaambiiwa yaanamoova wunchichi.