Numeri 13:29 - Mawu a Mulluku

²⁹ Aamaleke enakhalla mu echigawo ya omwera. Ahiti, Ayebusi ni Aamori enakhalla mu echigawo yamiyaango. Akanani enakhalla museresere mwa enyanja ni museresere mwa muhinje wa Yordani.”

Numeri 13:29 ပူးပေါင်းရင်းမြစ်များ

Numeri 14:43

Wenko muneerokumana ni Aamaleke ni Akanani nave muneerewiiphiwa vakhotoni. Apwiya khekhalla ni nyuwaano kaambiiwa moohiya waathwara.”

Oweeruza 6:3

Aisraele yaalla mmiddo ddiwa, Amidiyani ni Aamaleke ni athu a wookhuma nndduwa, yaanawa enawanana ekhoto.

Masalimo 83:7

Agebala, Aamoni ni Aamaleke, Afilisti ni aneetthi a o Tiro.

1 Samuele 30:1

Viviralle mallapo mararu, Davide ni athwaaye yaaphiya o Zikilagi. Vano yaaphwanyille Aamaleke yoonongille embali ettheene yoomwera wa Yuda ni owana ni athu a mu etawoni ya Zikilagi. Yahaagonjiha athu a mu etawoneeyo, eyihella munllo.

1 Samuele 14:48

Aheera ddamasiva nave ahaagonjiha Aamaleke. Ahaavullusa Aisraele wa ayo yawaakha ddeko ddiwa.

Numeri 24:20

Vano Balamu aamoona m'masomphenya Amaleke, aamba ollotella wi, “Amaleke aari awaamba va mitundu ddittheddene, koma wookomella wiwa oneerewoonongeya.”

Numeri 14:45

Vano Aamaleke ni Akanani ayo yakhalla mu echigawo yamiyaangweeyo, yaakittha nave yahaagonjiha ni owiikariha ophiya o Horoma.

Numeri 14:25

Osiisello muhokollweelle ochipululuni oyeella mu ettilla ya mukhwipi mwa Enyanja Yoofiira.

Eksodo 3:17

Oosimikiza wi aneerewuukhumihani o Iguputo munahoosiweenyu wuno nave aneerewuuvollochihani mu ellapo ya Akanani, Ahiti, Aamori, Aperezi, Ahivi ni Ayebusi, ellapo yooddalla ni mukaka ni enwi.’ ”

Eksodo 3:8

Kookittha wi kaavulluse wa Aiguputo ni waakhumiha mu ellapo yeeyo wi kaavollochihe mu ellapo yuullupalli ni yaphaama, ellapo yooddalla ni mukaka ni enwi. Enakhallamo tti Akanani, Ahiti, Aamori, Aperezi, Ahivi ni Ayebusi.

Genesis 14:7

Nave yaarukunuwa ephiya o Enimishipati (apaalle Kadeshi) nave yaagonjiha ellapo ettheene ya Aamaleke ni ya Aamori ayo yakhalla o Hazazoni Tamara.

Numeri 13:17

Mose ahaaruma wi yazonde ellapo ya Kanani aalleella wi, “Khaweni omwera nave mwawelle echigawo yamiyaango.

Numeri 13:30

Koma Kalebe ahaalleella wi emaalleye vamiitthoni va Mose voollotani wi, “Hankoni niyeewo naanweene vaava naakhe ellapweeyo vawi moohikayika nineerewaagonjiha.”

Yoswa 5:1

Mamwene mattheene Aamori ookhalla woovollowa nndduwa wa muhinje wa Yordani ni mamwene Aakanani ookhalla museresere mwa enyanja yiiwalliiwa wi Apwiya yahummiha muhinje wa Yordani Aisraele yallapuwiiwa yahoova nave yaatathilla murima ekaamba ya Aisraelaayo.

Yoswa 9:1

Mamwene mattheene ookhalla woovollowa nndduwa wa muhinje wa Yordani yahiiwa ddenndda. Attheene ookhalla m'miyaangoni, mutapo ni mukhwipi mwa Enyanja Yuullupalli ya ompoto wa Lebanoni alliwattho yahiiwa. Yaalla tti mamwene a Ahiti, Aamori, Akanani, Aperezi, Ahivi ni Ayebusi.

Yoswa 10:5

Mamwene matthanu a Aamori monga mwene a o Yerusalemu, mwene a o Hebroni, mwene a o Yaramuti, mwene a o Lakishi navettho mwene a o Egiloni, yaatthukumana eya ni akhotwiiwa yaapheella muzinda wa Gibiyoni ewanana.

Yoswa 10:6

Athu a o Gibiyoni yaarumiha mawu wa Yoswa omisasani o Giligala wi, “Apwiyaahu, muhinanitathilla hiyaano oorumeyellaanyu. Waawoni mwawaakuva wi munivulluse, munikavihere! Mamwene mattheene a Aamori ookhalla mu ellapo dda miyaango aanitthukumanella.”

1 Samuele 7:14

Mizinda nnddo Afilisti yaakhilliiwa khalle ddaahokolloselliwa wa Aisraele ovenyera o Ekeroni ophiya o Gati. Nave Aisraele yaavullusa ellapwiiwa m'mattani mwa Afilisti. Vakhallattho murendelle variyari va Aisraele ni Aamori.

Deuteronomo 7:1

“Apwiya Mullukwaanyu eneerewuuphiyihani mu ellapo eyo munaawaakheenyu nave mitundu ddimodda ddittheddene eneeroddiikarihamo. Alliwa eneerewiikarihamo mitundu mitthanu ni miilli ddookhalla ni athu anchichi ni amasiva wuukhwaranyani nyuwaano monga Ahiti, Agirigashi, Aamori, Akanani, Aperezi, Ahivi ni Ayebusi.

Deuteronomo 20:17

Mwaatthollose Ahiti, Aamori, Akanani, Aperezi, Ahivi ni Ayebusi moollikana ni mmo Apwiya Mullukwaanyu yuulamulelliiwani.

Yoswa 3:10

Vano muneerodduwella wi Mulluku mukumi ari variyari vanyu. Nave olliye aneerowiikara Akanani, Ahiti, Ahivi, Aperezi, Agirigashi, Aamori ni Ayebusi.

Oweeruza 3:5

Sika Aisraele yaakhalla variyari va Akanani, Ahiti, Aamori, Aperezi, Ahivi ni Ayebusi.

1 Samuele 27:8

Vano Davide ni athu ayo aariiyena yaanaya yawanaka ekhoto ni Ageshuri, Agerizi ni Aamaleke. Athu yaalla yaari aneena eellapweeyo waambeella khalle. Matawoniiwaayo yaambeelle o Shuri ophiyera omalireni wa ellapo ya Iguputo

Nehemiya 9:8

Mwahoona wi aari oororomelleya wa nyuwaano sika mwaakeraatthiha echipangano. Mwaalonjeza wi muneeromuvaha ellapo ya Akanani, Ahiti, Aamori, Aperezi, Ayebusi ni Agirigashi wi ekhalle ellapo eyo munaakhalleke edduullu ddaye. Sika mookwakhwaniha lonjezo nanyu vawi nyuwaano tti oolungama.