Numeri 13:27 - Mawu a Mulluku

²⁷ Yahaalleella wi, “Naaphiya o ellapo eyo mwanirumalleenyu. Ellapweeyo tti ya mukaka ni enwi nave ezipaso ddiwa tti nndda.

Numeri 13:27 ပူးပေါင်းရင်းမြစ်များ

Eksodo 3:8

Kookittha wi kaavulluse wa Aiguputo ni waakhumiha mu ellapo yeeyo wi kaavollochihe mu ellapo yuullupalli ni yaphaama, ellapo yooddalla ni mukaka ni enwi. Enakhallamo tti Akanani, Ahiti, Aamori, Aperezi, Ahivi ni Ayebusi.

Eksodo 3:17

Oosimikiza wi aneerewuukhumihani o Iguputo munahoosiweenyu wuno nave aneerewuuvollochihani mu ellapo ya Akanani, Ahiti, Aamori, Aperezi, Ahivi ni Ayebusi, ellapo yooddalla ni mukaka ni enwi.’ ”

Eksodo 13:5

Apwiya yaallupella wa makhollwaanyu wi eneerewuuvahani ellapo ya Akanani, Ahiti, Aamori, Ahivi ni Ayebusi. Ellapo yeeyo tti yooddalla ni mukaka ni enwi. Yuuvollochihani mu ellapo yeeyo, musungeke ehakallallo yeella mu mweeri yoolla.

Deuteronomo 31:20

Vawi kaavollochiha mu ellapo ya mukaka ni enwi eyo kallupenlleemi wa makhollwiiwa nave yavona mmo enaapaallelliiwa ni oneneva, eneerorukunuwella o milluku ddimodda ni waamba oddillapella. Eneerokikhoota ni otathilla echipanganwaaka.

Eksodo 33:3

Khaweni o ellapo yooddalla mukaka ni enwi. Koma miyaano ngithaananana kaambiiwa nyuwaano tti athu awumma murima nave miyaano ttuuwoonongani m'musewuni.”

Deuteronomo 27:3

Vatulli viwa, mulembevo malamulo mattheenaalla mwavollowa mu ellapo yamukaka ni enwi eyo Apwiya Mulluku a makhollwaanyu yuulonjezilleewani.

Deuteronomo 26:9

Vatulli viwa yaaniphiyiha wuno enivaha ellapo ella yamukaka ni enwi.

Deuteronomo 11:9

Muneerokhalla ni okumi wawaata mu ellapo yamukaka ni enwi eyo Apwiya yallupenlliiwa wi eneerewaavaha makhollwaanyu ni edduullu ddiwa.

Deuteronomo 6:3

Vano nyu Aisraele, apellani maaru nave muchenjere ni wiiwellella ddawoona, malamulwaalla. Sika ddeko ddineeroweetellani phaama nave muneerokhalla mutundu muullupalli ni okhalla mu ellapo ya mukaka ni enwi moollikana ni mmo Apwiya Mulluku a makhollwaanyu yuulonjezelleewani.

Numeri 14:8

Apwiya yaarimi ehakallallaka ni hiyaano, eneeronivollochiha mu ellapo ya mukaka ni enwi nave eneeronivaha wi ekhalle yaahu.

Ezekiele 20:15

Woonjerera vaavo kaallupella wa alliwa muchipululuni wi ngaavollochiha mu ellapo eyo kaavahilleemi khalle, ellapo ya mukaka ni enwi, yooreera okhwaranya ellapo ddittheddene.

Ezekiele 20:6

Nllapo nenno kaallupella wa alliwa wi kineerewaakhumiha mu Iguputo oyaana o ellapo eyo kaavahilleemi, ellapo ya mukaka ni enwi, yooreera okhwaranya ellapo ddimodda.

Yeremiya 32:22

Mwahaavaha ellapo ella yamukaka ni enwi mwaalonjezilleenyu moollupella makhollwiiwa.

Yeremiya 11:5

Sika vano kineereweera nnddo kaalonjezilleemi moollupella makhollwaanyu wi kineerewaavaha ellapo yamukaka ni enwi, ellapo munakhalleenyumweella.’ ” Sika kahaakhulla wi, “Amen, Apwiya.”

Yoswa 5:6

Aisraele yaaneeta muchipululuni wa miyakha 40 ophiyera mutundu muttheene, akhoto attheene, yakhumalle mu Iguputo etthollowille ekaamba yoohiiwellella mawu a Apwiya. Apwiya yahaallupellella wi khevollowamo mu ellapo eyo yallupellelliiwa waavaha makhollwiiwa, ellapo yaweeta mukaka ni enwi.

Levitiko 20:24

Koma kahuulleellani wi muneerewaakhella ellapo wi ekhalle yaanyu, ellapo yooddalla mukaka ni enwi. Mi tti Apwiya Mullukwaanyu oyo uupatulalleni variyari va mitundu ddittheddene.

Numeri 14:7

Nave yaalleella Aisraele attheene wi, “Ellapo nayizondilleehweeyo tti yaphaama wunchichi.

Numeri 16:14

Woonjerera vaavo khamunivollochihalle mu ellapo ya mukaka ni enwi nave khamunivahille voollima apaalle emata yampesa wi ekhalle wonanko yoohallanaahu. Ethiyo munapaalla onimara muyeepe? Hiyaano khaniwa wenko.”

Nehemiya 9:25

Nave yaagonjiha mizinda dduullupalli, yahaakha ellapo ya ethaya yaphaama, enyumba ddooddalla ni ddeko ddittheddene ddaphaama, ehime ddookatakata, emata ddampesa, dda olivi ni dda ezipaso ddimodda. Sika yaanacha, yaanavona mwawi yaananeneva nave yaanahakallalla ekaamba ya ddaphaama ddanyu dduullupalli.

Numeri 16:13

Ethiyo ddohuuyevellani ddawi mwaanikhumiha mu ellapo yoohirama ddoocha wi nikhwelle muchipululunimmu? Ethiyo munapaalla wi mukhallettho mwenaahu oonilamulella?