Numeri 13:26 - Mawu a Mulluku

²⁶ Yaaphiya wa Mose ni Aroni ni Aisraele attheene o Kadeshi, echipululu ya Parani. Yahaatthopoollella dda olendwiiwa ewoonihella ezipaso dda ellapweeyo.

Numeri 13:26 ပူးပေါင်းရင်းမြစ်များ

Numeri 32:8

Makhollwaanyu yaheera ddawi ddiidda kaarumalleemi ovenyera o Kadeshi Baranea wi yazonde ellapo.

Numeri 20:1

Aisraele attheene yaaphiya o echipululu ya Zini va mweeri wawaamba. Nave athwaayo yaakeraattheya o Kadeshi. Miriyamu aakhwella ni ovitthiwa wenko.

Deuteronomo 1:19

“Valle naheera nnddo Apwiya Mullukwaahu yanilamulalliiwa. Naavenyawo o mwaango wa Horebu nave naavirella mu echipululu yuullupalli ni yawoopiheelle vooyaani o ellapo yamiyaango ya Aamori. Naphiyalleehu o Kadeshi Baranea,

Numeri 33:36

Etimullalle o Eziyoni Gebere yaatthipella misasa ddiwa o echipululu ya Zini sika wi, Kadeshi.

Numeri 20:16

Nikhuwenlle wa Apwiya yaaniiwa, emurumiha mungelo oyo anikhumihalle mu ellapo ya Iguputo. Vano niri wuno o Kadeshi, muzinda oyo ori m'malireni ni echigawaanyu.

Yoswa 14:6

Athu a nlloko na Yuda yaawa wa Yoswa o Giligala. Kalebe mmodda a alliwaayo, mwaana a Yefune a o Kenizi aamulleella Yoswa wi, “Munnadduwella nnddo Apwiya yamulleelliiwa Mose muthu a Mulluku dda miyaano mu Kadeshi Baranea.

Genesis 14:7

Nave yaarukunuwa ephiya o Enimishipati (apaalle Kadeshi) nave yaagonjiha ellapo ettheene ya Aamaleke ni ya Aamori ayo yakhalla o Hazazoni Tamara.

Numeri 13:25

Viviralle mallapo 40 yaawaawo woozonda ellapweelle.

Numeri 20:14

Eri o Kadeshi Mose aarumiha othenga wa mwene a o Edomu wi, “Abalaanyu, Aisraele enallota wi, ‘Munnadduwella ddookatamiha nnddo ddineereyelle.

Deuteronomo 1:2

(Ovenyera o Horebu oya o Kadeshi Baranea, oweella ettilla ya mwaango wa Seiri tti olendo wa mallapo khumi ni nimodda.)

Masalimo 29:8

Mawu a Apwiya ennatikha nihaka, Apwiya ennatikha echipululu ya Kadeshi.

Numeri 13:3

Sika Mose ahaaruma ovenyera o echipululu ya Parani moollikana ni mmo Apwiya yamulamulelliiwa nave attheenaayo yaari oohoollella a Aisraele.

Numeri 32:9

Alliwa yaaya o ntapo na Eshikolo yazonda ellapweeyo nave yahaatathilliha murima Aisraele vawaalleellani wi ehiye yavollowa mu ellapo eyo Apwiya yaavahilliiwa.

Yoswa 14:7

Enthawi yeelle kaari ni miyakha 40 Mose oorumeyella a Apwiya akirumalleeye ovenyera o Kadeshi Baranea wi kazonde ellapweelle nave kiwiillewo, kaamulleella ddawoona ddittheddene kaddoonilleemi.