Numeri 13:20 - Mawu a Mulluku

²⁰ Moonettho ellapweeyo yaarimi eri ni ethaya yaphaama apaalle iyaayi nave mwaarimi muri otthako apaalle iyaayi. Mweeseese wi muweena ezipaso ddimodda dda mwiillaponimmo” (vawi yaari enthawi yawiithwa mpesa wawaamba.)

Numeri 13:20 ပူးပေါင်းရင်းမြစ်များ

Deuteronomo 31:23

Vano Apwiya yaamulleella Yoswa, mwaana a Nuni wi, “Khalla amasiva ni oollipa murima. Oneerewaahoollella Aisraele ovollowa mwiillaponi eyo kallupenlleemi nave kineerokhalla ni weyaano.”

Ezekiele 34:14

Kineerekoddichihella o mapuro aphaama nave ddineerekocha munyepu wooneneviha o miyaango ddoorekama dda o Israele. Wenko ddineerewiithuuwa o mapuro a munyepu waphaama. Ddineerophwanya mapuro aphaama o miyaango dda o Israele.

Nehemiya 9:35

Mwahaavaha ellapo yuullupalli ni ya ethaya yaphaama ekaamba ya ddaphaama ddanyu dduullupalli kheyaawuurumeyelleni nave kheyaahiyalle ddoonanara ddiwa.

Nehemiya 9:25

Nave yaagonjiha mizinda dduullupalli, yahaakha ellapo ya ethaya yaphaama, enyumba ddooddalla ni ddeko ddittheddene ddaphaama, ehime ddookatakata, emata ddampesa, dda olivi ni dda ezipaso ddimodda. Sika yaanacha, yaanavona mwawi yaananeneva nave yaanahakallalla ekaamba ya ddaphaama ddanyu dduullupalli.

Aheberi 13:6

Hankoni nillipe murima ni ollota wi, “Apwiya yakhalla o embalaaka, ngoova. Muthu ttuukeerella tini?”

Mika 7:1

Otulli wa miyaano! Kiri wonanko awuurulla oohiphwanyamo ello. Khavihanlle mpesa ddawi ttuucha apaalle namukuyu oyo kinamukondeemi.

1 Epilli 22:11

Davide aavirellella ollota wi, “Vano mwanaka, Apwiya Mullukwaawo akhalle ni weyaano wi okwakhwanihe omaka enyumbiiwa moollikana ni mmo yallotelliiwa.

Yoswa 2:3

Sika mwenooyo ahaaruma athu wa Rahabu yamulleella wi, “Athu ayo eri mpa mwawaayo eweelle ozonda ellapo ettheeneella, vano akhumihe.”

Yoswa 1:9

Valle kahuulamula wi okhalle amasiva. Ohooveke apaalle otathilla murima vawi mi Apwiya Mullukwaawo, kineerokhalla ni weyaano orive weko onaayeekeewewo.”

Yoswa 1:6

Khalla amasiva ni oollipa murima kaambiiwa oneerewaahoollella athu attheenaalla yaawaakhellaka ellapo eyo kallupellelleemi makhollwiiwa.

Deuteronomo 1:25

Yaahokollowa ekusalle ezipaso nave yaaphiyana vamiitthoni vahu enilleella wi, ‘Ellapo eyo Apwiya Mullukwaahu enanivahiiwa tti ya ethaya yaphaama.’

Numeri 13:19

Moone ellapo enakhalliiwamweeyo yaarimi eri yaphaama apaalle yoonanara, m'mizindani mmo enakhalliiwamo ddaarimi ddaapheelliwe ni mpanda apaalle iyaayi.

Deuteronomo 1:24

Alliwaayo yaatimulla olendo wa o ellapo yamiyaangweeyo, ophiya o ntapo na Eshikolo nave yaazonda ellapweeyo.

Daniele 11:24

Moorurumusa aneerohella ekhoto ezigawo ddeeyuuma ddinchichi dda ellapweeyo. Sika aneereweera nnddo attiitthinnya ni makhollwaaye kheneereke. Aneerokawa ddawaakha, ddoophariwa ni eyuuma variyari va oomuthwara. Aneerokhozekella ophara mizinda dda mipanda ddoollipa koma nndda ddineereye wa enthawi yooyeva.

Yoswa 2:1

Vano Yoswa, mwaana a Nuni, ahaaruma athu eelli wi yazonde mwawiipittheya ovenyera omisasani dda Shitimu, aalangiza wi, “Khaweni mwayizonde ellapweeyo, makamaka mwazonde muzinda wa Yeriko.” Sika athu oozondaayo yaayaawo yaphiya o enyumba ya hule nnddina naye Rahabu, yakona wenko.