Numeri 12:8 - Mawu a Mulluku

⁸ Kinnallotana vamiitthoni ni vamiitthoni mwawiiweya oohikhalla mookhuweya nave annoona ntitimiho naka. Kaambiiwa tini muhoovilleenyu omullota Mose, oorumeyellaaka?”

Numeri 12:8 ပူးပေါင်းရင်းမြစ်များ

Deuteronomo 34:10

Ovenyera vaavo khanaphwanyeyekettho mu Israele namallotella wonanko Mose oyo Apwiya yallotiiwana vamiitthoni ni vamiitthoni.

1 Akorinto 13:12

Vano khaninoona phaama ddeko dda Mulluku wonanko muthu aawiiweheraka ekhove vanigalasini nohooniha phaama. Koma vahoollomvo nineerewoona vamiitthoni ni vamiitthoni. Vano kinadduwelleemi tti ddoohikwakhwanella koma muhoollommo ddineerokwakhwanella wonanko mmo Mulluku anakidduwellelleeye phaama.

Eksodo 33:23

Vatulli viwa kineerovenyihavo nnatta naka nave oneerokoona omutthanani koma ekhovaaka khoyoona.”

Eksodo 33:11

Sika Apwiya yaanallota ni Mose vamiitthoni ni vamiitthoni, wonanko mmo muthu anallotelleeye ni mukhwaaye. Nave vatulli viwa Mose aanahokollweella omisasani. Koma musombwe mmodda nnddina naye Yoswa, mwaana a Nuni, oyo aari oomukavihera Mose, khaavenyawo.

Luka 10:16

Vano Yesu ahaalleella athu aarumalleeyaalle wi, “Oyo anawiiwellellani nyuwaano anakiiwellella miyaano nave oyo anuukhootani nyuwaano anakikhoota miyaano nave oyo anakikhoota miyaano anamukhoota oyo akirumalle miyaano.”

Yohane 15:15

Nginaweeranittho allupa mutteko kaambiiwa mullupa mutteko khanadduwella eyo apwinnya eneeriiwa. Koma kinaweerani akhwaaka kaambiiwa kohuulleellani ddittheddene kiiwalleemi ovenyera wa Attiitthaaka.

2 Petro 2:10

Makamaka ayo enathwara minkhella ddiwa ddoonanara dda omuthu nave enavevulla olamulello wa Mulluku. Ahuddihi awoottha yaalla tti awiitukhulla ni awiiwa ddayiwave nave khenavelleella olemu wa ootitimiheya ooddullu koma enamullotella epewe.

1 Timoteo 6:16

Yooyove ari ni okumi woohimalla, anakhalla mu owala woohiphiyereya. Khaavo muthu amoonille yoolla, khaavottho muthu anaawore omoona. Wa yooyo okhalle ntitimiho ni masiva oohimalla! Amen.

2 Akorinto 3:18

Hiyaano attheene ninnoona ntitimiho na Apwiya nihikhunenlle ekhove ddahu. Munepa wa Apwiya annanitthattusa wi niphwanaphwane ni olliyooyo okhalla ni ntitimiho nawunnuwa.

Yohane 15:24

Kaheerilleke mitteko nnddo mmodda aheerilleeye wa alliwaayo vano kheyaakhalle ni mullatu woochimwana. Koma yahoona nnddo keerilleemi naari yakiitalle miyaano ni Attiitthaaka.

Masalimo 17:15

Koma miyaano ni echilungamwaaka, kineerewoona ekhovaanyu. Kineerohakallalla ni mooneeyellwaanyu kavenya.

Yuda 1:8

Athu ayo yavollowille variyari vanyu eneera emoddamoddave yeeyo voothwarani ddoolloha ddiwa. Ennaripiha miilli ddiwa voochimwani, ennakhoota olamulello navettho enaallotella epewe angelo.

Aheberi 1:3

Olliye sika owala wawoonihella ntitimiho na Mulluku nave tti oophwanaphwana ni Mulluku mwaneena. Navettho annavirellella osunga ddeko ddittheddene ni mawaaye amasiva. Amallihalle okhululukella machimo mattheene a athu, aakeraatthi oddullu onnattanatta na Mulluku amasiva.

1 Atesalonika 4:8

Sika vano, oyo anakhoota ehuddiho yeella khanamukhoota muthu koma Mulluku, oyo anuuvahani munepaaye Waweella.

Yohane 1:18

Khaavo muthu amoonille Mulluku koma mwaana mmoddave oyo arittho Mulluku nave oyo ari a vamurimani vaye sika amuupullullalle.

Mateyu 13:35

Aheera nndda wi ddikwakhwanelle nnddo allotille namallotella Yesaya wi, “Kineerophariha mutteko maphwanaphwaniho kaallotaka. Kineerewaalleella ddeko ddoovittheya waambeella va ophatuwa wa ellapo yavatthi.”

Ezekiele 20:49

Vano kaallota wi, “Apwiya Mulluku, athu ennakillotathi wi, ‘Olla tti yoolle anallotesa maphwanaphwaniho!’ ”

Ezekiele 17:2

“We mwaana a muthu, waallotelle mwambi Aisraele ni waalleella niphwanaphwaniho nawi

Yesaya 46:5

Ethiyo mi ttuukiphwanaphwanihella ni aani, apaalle ttuukaatamanihella ni aani? Ethiyo ttuukillikanihella ni aani wi miyaano ni olliyooyo nikhalle oollikana?

Yesaya 40:18

Ethiyo Mulluku ttuumphwanaphwanihella ni aani apaalle ttuumullikanihella ni tini?

Masalimo 49:4

Kineerewaapella maaru mwambi, kineerottaphullella vawiipani nchipo ni gitala.

Deuteronomo 4:15

“Muchenjere! Apwiya yallotilliiwa ni nyuwaano eri m'munlloni va mwaango wa Horebu nyuwaano khemoonille mooneyellwiiwa.

Eksodo 20:4

“Ohiipangelleke nifano noophwanaphwana ni erive ello yooddullu apaalle erive ello ya va ellapo yavatthi apaalle erive ello ya m'maaddini a vatthi va ellapo.

Akolose 1:15

Khrisitu tti yoophwanaphwanihella yawooneya ya Mulluku oohooneya. Olliye tti Mwaana aamullopwana awaamba, muullupalli a ddoophatusiwa ddittheddene.

Numeri 14:14

Vano Aiguputo eneerewaatthopoollella athu a mwiillaponimmu. Alliwa ahiiwa khalle wi nyu Apwiya muri variyari va athu yaalla nave munnawooneyella vamiitthoni ni vamiitthoni nave murapwaanyu onnaakhuneella. Otthaana munaahoollella ni opoto amurapo nave mahiiyu munaahoollella ni opoto amunllo.

Eksodo 34:30

Aroni ni athu attheene emuwehille Mose, yahoona wi ekhovaaye tti yoowala sika yahoova omwaatamella.

Eksodo 33:19

Vano Apwiya yahaakhulla wi, “Kineerowooniha oreera murima waka ottheene nave kineeroromolla nnddina naka nawi Apwiya vamiitthoni vawo. Kineeromweerella echifundo arive muthu kinapaalleemi omweerella. Nave kineerommorella ethakaraka arive muthu kinapaalleemi oommorella.”

Aheberi 1:1

Khalle, Mulluku aallota wa makhollwaahu enthawi ddoohiyanahiyana nave moohiyanahiyana oweella mwa anamallotella.

Genesis 32:30

Yakobo aallota wi, “Koomoona Mulluku vamiitthoni ni vamiitthoni nave kookhalla ni okumi.” Sika nipuronno aaniromolla Penuwele.

Deuteronomo 5:8

“Ohiipangelleke nifano noophwanaphwana ni erive ello yooddullu apaalle erive ello ya va ellapo yavatthi apaalle erive ello ya m'maaddini a vatthi va ellapo.

Miyambo 1:6

Sika ddinnaweeriha wiiwesesa ottaphullella wa miyambi ni maphwanaphwaniho ni ottaphullella wa mawu a muthu eezeru ni mikuluwiko ddiwa.

Hoseya 12:13

Apwiya yahaakhumiha Aisraele o ellapo ya Iguputo oweella mwa namallotella. Nave yaasungeya mwa anamallotellaayo.

Eksodo 19:19

Winlla wa nipallapata wavirellelliiwa okhuwa, Mose aallota nave Mulluku aamwaakhulla mu ogugudeya wa murimu.

Numeri 7:89

Vano Mose avollowille mu musasa wamutthukumano wi allote ni Apwiya, aawiiwa ellotoka mawu ovenyera va yookhuneelleeyo, variyari va akerubi* va nibokosi na echipangano.

Deuteronomo 18:15

nave eneerewuurumihellani namallotella wonanko miyaano oovenyera mwa abalaanyu nave mumwiiwellelleke olliye.