Numeri 12:10 - Mawu a Mulluku

¹⁰ Murapooyo ovenyillevo vaddullu va musasa, Miriyamu moorurumusa aakhalla ni makate awi puu wonanko ntuura. Nave Aroni arukunuwalle aamoona Miriyamu ari ni makate.

Numeri 12:10 ပူးပေါင်းရင်းမြစ်များ

Deuteronomo 24:9

Muupuwelle nnddo Apwiya Mullukwaanyu yamweerelliiwa Miriyamu mwavenyereenyu o Iguputo.

2 Mamwene 5:27

Sika vano makate a Naamani eneerewuwanddeellella ni edduullu ddawo wa enthawi yoohimalla.” Sika Gehazi aakhuma mpammo ari ni makate awi puu wonanko ntuura.

2 Mamwene 15:5

Vano Apwiya yaamullaka mwenooyo ni ereta ya makate ophiyera okhwa waye nave akhalla mu enyumba ya vayeekha. Mwanaye Yotamu sika awehera nibanja na mwene ni waalamulella athu mwiillaponimmo munipuroni mwaye.

Mateyu 25:41

“Vano miyaano kineerollota wa ayo a o nnatta noonyottho wi, ‘Venyanivoni va miyaano, nyu ootembeleliwa ni Mulluku! Khaweni o omunlloni woohimalla oyo okharihelliwe Satana ni angelwaaye.

Hoseya 9:12

Naari erimaayara anamwani kineerowoononga, khekhallana naari mmodda. Eneerokhalla ni otulli kaahiya.

Eksodo 4:6

Apwiya yaamulleellattho Mose wi, “Ngavollochiha nnatta nawo m'mukanjonimmo.” Olliye aanivollochiha koma anikhumiheeye, naakhalla ni makate, naateellella wonanko ntuura.

Numeri 5:2

“Alamule Aisraele wi emuvenyihemo arive muthu amakate, arive muthu ookhuma ddoonanara m'mwiillini mwaye navettho arive muthu aniiripiha voottannyani mutembo.

2 Mamwene 7:3

Enthawi yeeyo vaakhalla athu asese amakate ayo yakhalla voovollowella. Alliwaayo yahaamba okohana wi, “Kaambiiwa tini nikeraatthelleehu mva ninatiyerella okhwa?