Numeri 11:17 - Mawu a Mulluku

¹⁷ Miyaano kineerokittha wi killote ni weyaano wenko. Kineerewaakawella munepa mmoddamoddave yooyo kuuvahilleemi. Nave alliwa eneerewuukavihera wiireya katundu a athwaayo wi ohiireyeke weekha.

Numeri 11:17 ပူးပေါင်းရင်းမြစ်များ

1 Samuele 10:6

Vaavo Munepa wa Apwiya oneerewuuvollowa moollipa nave naweenettho oneerewaamba ollotella wonanko alliwaayo. Oneerotthattuwa muthu mmodda.

Numeri 11:25

Vano Apwiya yaakittha m'muraponi yaamba ollota ni Mose. Nave yahaakawella attekweene 70 munepa mmoddamoddave yooyo yamuvahilliiwa waari mwa Mose. Athwaayo yaakhellilliiwa munepa yahaamba ollotella koma kheyaayiillena muhoollo.

1 Akorinto 2:12

Hiyaano khanaawakhenlle munepa wa ellapo yavattheella koma naakhenlle Munepa woorumihiwa ni Mulluku wi nidduwelle ddittheddene Mulluku anivahilleeye.

2 Mamwene 2:9

Ellapuwalle, Eliya aamulleella Elisha wi, “Okiveke yawi kiweerelle kihinavenyihiwe va weyaano.” Elisha ahaakhulla wi, “Kinimuuvekani wi kaakhelle magawo meelli a munepaanyu.”

Yowele 2:28

“Vatulli viwa kineerohella munepaaka va athu attheene, aniinyu aallopwana ni aatthiyana eneerollotella, athu awuulluvalla eneerolloha, asombwe eneerewoona masomphenya.

2 Mamwene 2:15

Mulloko wa anamallotella a o Yeriko yamoonilliiwa Elisha allapuwaka yaallota wi, “Munepa wa Eliya ori mwa Elisha.” Vano yaawa ekumanana ekokhora vamiitthoni vaye.

Aroma 8:9

Koma nyuwaano khamunakhalla moollikana ni omuthwaanyu koma munakhalla moollikana ni Munepa, Munepa a Mulluku aari akhallaka mwa nyuwaano. Muthu oyo ahinna Munepa a Khrisitu khanakhalla a olliye.

1 Atesalonika 4:8

Sika vano, oyo anakhoota ehuddiho yeella khanamukhoota muthu koma Mulluku, oyo anuuvahani munepaaye Waweella.

Nehemiya 9:20

Mwahaavaha munepaanyu waphaama wi waalangizeke. Khemwaawiimanille yoochaanyu ya mana nave mwahaavaha maaddi oowirya wi emallihe nthona niwa.

Eksodo 18:22

Alliwaayo sika enaaweeruzeke athu enthawi ddittheddene. Enaaweeke wa nyuwaano yakhalla ni millatu ddookatamiha koma asimillatu yeeruzeke weekhiiwa. Muttekwaanyu oneerovevuwa vawi alliwaayo eneerekomureya katundooyo ni nyuwaano.

Yuda 1:19

Athu yaalla tti ayo enaambiha okawaneya, enathwara ddeko ddoonanara dda vatthimva nave khenna Munepa Waweella.

1 Petro 1:22

Vano mwaaddeelliha vawiiwellellani yawoona wi mukhalle ni echikondi yawoona va ookhulupilila akhwiinyu. Mukondaneke mwawoona ni murimaanyu muttheene.

Numeri 12:5

Apwiya yaakittha m'muraponi yiimella va mullako wa musasa emwiithana Aroni ni Miriyamu nave eellaayo yaasuserawo.

Eksodo 19:20

Apwiya yaphiyalliiwa vaddullu va mwaango wa Sinai, yaamwiithana Mose wi awelle vaddullu va mwaango nave Mosooyo aawella.

Genesis 11:5

Vano Apwiya yaakittha wi yoone muzindooyo ni nttattha yamaka athwaayo.

Yohane 7:39

Yesu alloteeye ddenndda allota dda Munepa oyo ookhulupilila mwa olliyooyo eneeriiwa yaakhelle. Va enthawi yeeyo Munepa Waweellooyo waari ohinavahiwe kaambiiwa Yesu aari ahinatitimihiwe.

Yohane 3:13

Khaavo muthu awenlle oddullu koma miyaanove Mwaana a Muthu, sika kakitthalle ovenyera oddullu.”

Yesaya 44:3

Kineerohella maaddi veellaponi yawumma, kineereweetiha mihinje muchipululuni. Kineerewaarumihella anaawo munepaaka, kineerokitthiha madaliswaaka va edduullu ddawo.

Numeri 27:18

Apwiya yaamulleella Mose wi, “Mukuse Yoswa, mwaana a Nuni, muthu oyo ari ni murima waphaama nave omwiiyaatthi matta.

Numeri 12:8

Kinnallotana vamiitthoni ni vamiitthoni mwawiiweya oohikhalla mookhuweya nave annoona ntitimiho naka. Kaambiiwa tini muhoovilleenyu omullota Mose, oorumeyellaaka?”

Eksodo 34:5

Apwiya yaakittha m'muraponi yiimella ni Mose nave yaaromolla nnddina niwa nawi Apwiya.

Eksodo 19:11

nave ekhalle ookhozeka omuroto. Vawi va nllapo nenno mi Apwiya kineerokittha vamwaangoni wa Sinai athu attheene yoonaka.

Genesis 18:33

Nave Apwiya emallihalle ollota, yaamuhiya vaavo Abrahamooyo.

Genesis 17:22

Nave Mulluku amallihalle ollota, aamuhiya vaavo Abrahamooyo.

Genesis 17:3

Enthawi yeeyo Abramu aakokhora vatthi nave Mulluku aallota wi,

Eksodo 18:18

Muneerotopa mwawaakuva, nyuwaano ni athu eri vaavaalla. Mutteko yoolla tti muullupalli okhwaranya masivaanyu nave khamuwukwakhwaniha weekhiinyu.

Yesaya 63:11

Vano athu yahuupuwella dda enthawi yakhalle, mallapo a Mose oorumeyellaaye nave yaakoha wi, “Ethiyo eri wuuwi Apwiya ayo yaavullusalle athwiiwa ni oohoollella a mullokwiiwa va enyanja? Ethiyo eri wuuwi Apwiya ayo yahiyalle mwa athwiiwa munepiiwa waweella?

Numeri 7:89

Vano Mose avollowille mu musasa wamutthukumano wi allote ni Apwiya, aawiiwa ellotoka mawu ovenyera va yookhuneelleeyo, variyari va akerubi* va nibokosi na echipangano.