Numeri 11:10 - Mawu a Mulluku

¹⁰ Mose aawiiwa athwaalle yinllaka m'mabanjani mwiwa mutthemwene, arive muthu akeraatthille va mullako wa musasaaye. Apwiya yaasha murima wunchichi nave Mose aananariwattho.

Numeri 11:10 ပူးပေါင်းရင်းမြစ်များ

Masalimo 78:21

Apwiya yiiwalliiwa ddenndda yaasha murima yaamukharella munllo Yakobo, emushella murima wunchichi Israele,

Mariko 10:14

Yesu oonilleeye yeella, aasha murima nave aallota wa oohudderaaye wi, “Ahiyeni anamwanaayo ewe wa miyaano, muhaahiihe kaambiiwa omwene wa Mulluku tti wa athu ookhalla wonanko anamwanaalla.

Mariko 3:5

Yesu ahaaweha moonanariwa komattho ahaamoriwella ethakaraka kaambiiwa yaari athu awumma murima. Vano aallota wa muthu a nnatta noorakalloolle wi, “Okolla nnatta nawo.” Ahookolla nave naachirihiwa.

Yeremiya 17:4

Muneerotathilla ellapo eyo kuuvahilleemini wi ekhalle yoohallanaayu. Kineerewuutthattusani akaporo awaarumeyella adanaanyu mu ellapo eyo muhinayidduwelleenyu vawi owallaaka oneerokhara wonanko munllo woohithiimiheya.”

Yesaya 5:25

Ekaamba ya yeella Apwiya ahaashella murima nave ahaattaphurusella athwaayo nnatta wi ewiiphe. Miyaango ddootikheya nave mitembo dda athwiiwa ddiri millumillu wonanko ekattha variyari va misewu. Koma naari Mulluku eerille ddennddo, osha murima waye khonamalle vawi nnatta naye nirive noottaphurusa.

Masalimo 139:21

Nyu Apwiya, ethiyo kihiitanena athu ayo eniitana ni nyuwaano? Ethiyo kihinanariwe ni ayo enuuwukilani?

Masalimo 106:25

Yaaniinyullulla m'misasani mwiwa, ehiniiwellella mawu a Apwiya.

Masalimo 78:59

Mulluku iiwalleeye ddenndda aananariwa wunchichi, ahaakhoota Aisraele ni murimaaye muttheene.

Deuteronomo 32:22

Owallaaka oneerokhara wonanko munllo, oneerophiya o ellapo ya ookhwa, oneerewoosa ddittheddene ddaveellaponi, oneeroshellelliha matthipello a miyaango.

Numeri 21:5

Athwaalle yahaamba omwiinyullulla Mulluku ni Mose enallota wi, “Kaambiiwa tini mwanikhumihalleenyu mu ellapo ya Iguputo wi nikhwelle muchipululunimmu? Wuno khawuri yoocha naari maaddi nave yoocha yoohikhalla ni muttekweella yoonidduurya.”

Numeri 16:27

Sika athwaayo yaavenyavo va misasa dda Kora, Datani ni Abiramu. Vano Datani ni Abiramu ni awariwa vamodda ni aniiwa yaakhuma yiimella va mullako va misasa ddiwa.

Numeri 12:3

Mose aari awiiyeviha omukhwaranya arive muthu va ellapo yavatthi.

Numeri 11:1

Nllapo nimodda athu yaakhupanya Apwiya yiiwaka. Apwiya yiiwalliiwa ddenndda yaasha murima nave munllo wa Apwiya waakhara va athwaayo, oshellelliha misasa dda mukhwipi.

Numeri 11:9

Nikame naawimmaka vamisasanimvo erive mahiiyu, namorella nimodda ni mana.

Numeri 11:11

Mose ahaakoha Apwiya wi, “Kaambiiwa tini mukihoosilleenyu mwawi ddiidda mi oorumeyellaanyu? Kaambiiwa tini muhikeerelleenyu echifundo vookireyani katundu a athu attheenaalla?

Numeri 12:9

Vano Apwiya yahaananariwella nave yaavenyavo.