Numeri 10:29 - Mawu a Mulluku

²⁹ Mose aamulleella Hobaba mullamwaaye, mwaana a Reuele a o Midiyani wi, “Ninaya onipuroni nko Apwiya yallotilliiwa wi, ‘Kineerewuuvahani.’ Hankoni nithaanane nave nineeroweerellani ddaphaama vawi yahaalonjeza Aisraele ddeko ddaphaama.”

Numeri 10:29 ပူးပေါင်းရင်းမြစ်များ

Genesis 12:7

Vano Apwiya yaamooneyella Abramu emulleella wi, “Ellapo yeella kineerovaha edduullu ddawo.” Sika va nipuro nenno Abramu ahaamakella nikuwa Apwiya ayo yamooneyelle.

Oweeruza 4:11

Enthawi yeeyo Mukeni mmodda nnddina naye Hebere aari iipatulalle variyari va Akeni akhwaaye, edduullu dda Hobabu, mullamwaaye a Mose, atthipella musasaaye wuuteete vakhuviru ni muteekho wa muthundu wa o Zaananimu, waatamella o Kedeshi.

Eksodo 3:1

Mose achiha eziweto dda Yetero, mullupa mukutho o Midiyani, attiitthinnya a Zipora, mwaariye. Nllapo nimodda aakusa eziwetonnddo oweella muchipululuni, aya aphiya o Horebu, mwaango wa Mulluku.

Eksodo 2:18

Asinamwallaalle ehokollweelle wa attiitthiiwa yahaakoha wi, “Ethiyo ddiworeyille mwawiidde ollello wi muweewo mwawaakuva ddiidda?”

Genesis 32:12

Upuwellani lonjezo nanyunne nawi, ‘Kineerewuupwatha wi ddeko ddiweetelle phaama nave kineerewuuvaha edduullu ddinchichi ddooheerengeya. Ddinaakhalle ddinchichi wonanko mihava dda mukhwipi mwa enyanja.’ ”

Yawuupullulla 22:17

Munepa Waweella vamodda ni Ootthelliwa eni, “Waani!” Arive muthu oyo aniiwa, anaphwanellattho ollota wi, “Waani!” Arive muthu arina nthona awe, oyo anapaalla, aakhelle maaddi ookumi moohillivella.

Aheberi 6:18

Mwawi ddiidda vookhalla ddeko piilli nndda, ollupella ni olonjeza. Khaddisinthiwa nave ddinnooniha wi Mulluku khoottha. Sika wa hiyaano nathawenlle wa olliye naaphwanya ollipihiwa murima wuullupalli wi niphare moollipa etiyerello eyo ninaakhelleehu muhoollo.

Tito 1:2

mootiyerella okumi woohimalla, oyo Mulluku oohoottha, aanilonjezilleeye enthawi ehinaambe.

Mitteko 7:5

Mulluku khaamuvahille Abrahamu naari nipuro ning'onong'ono wi nikhalle naaye koma aamulonjeza wi aneeromuvaha ellapweeyo nave enaakhalle yaayeyaaye ni edduullu ddaye. Enthawi yeeyo Mulluku amulonjezilleeye, Abrahamu khaarina mwaana.

Yeremiya 50:5

Eneerokohera dda ettilla ya o Ziyoni nave eneerowaamba olendo woohokollweella wenko. Nave eneerewiipataaniha wa Apwiya mwa a echipangano ya wa enthawi yoohimalla, yoohitiwalleya.

Yesaya 2:3

Athu a mitundu ddinchichi eneeroowa ellotaka wi, “Hankoni niwelle o mwaango wa Apwiya, o enyumba ya Mulluku a Yakobo! Eneeronihuddiha ettilla ddiwa nave nineeteke mwemmo. Vawi o Ziyoni sika onaavenyereke malangizo, o Yerusalemu sika onaakhume mawu a Apwiya.

Masalimo 34:8

Llawihani moone, Apwiya tti aphaama, oodala tti muthu oothawella wa Apwiya.

1 Samuele 15:6

Vano ahaalleella Akeni wi, “Muvenyewo wa Aamaleke, kinaawe kiwoonongelleni nimodda. Vawi nyuwaano mwaaweerella echifundo Aisraele evenyeraka o Iguputo.” Akeni yaavenyawo wa Aamaleke.

Oweeruza 1:16

Vano edduullu dda attiitthinnya a mwaara a Mose, Mukeni, ddaathanana ni athu a nlloko na Yuda ovenyera o Yeriko, muzinda wa miteekho ddamikwarangwa ophiya o echipululu ya Yuda, vakhuviru ni omwera wa echigawo ya Aradi, ellapo ya Yuda, yakhalla ni athwaayo.

Numeri 23:19

Mulluku khari wonanko muthu wi ttuuwoottha, khahiyo muthu wi ttuusintha maganizwaaye. Ethiyo kheera nnddo allotilleeye, khakwakhwaniha nnddo alonjezilleeye?

Eksodo 18:27

Nave Mose allaanyane ni Yetero, Yeterooyo aahokollweella owaniwa.

Eksodo 18:1

Yetero, mullupa mukutho o Midiyani, attiitthinnya a mwaariye a Mose, ahiiwa ddittheddene nndde Mulluku amweerelleeye Mose navettho Aisraele, aweerihalleeye wi ekhume o Iguputo.

Eksodo 3:8

Kookittha wi kaavulluse wa Aiguputo ni waakhumiha mu ellapo yeeyo wi kaavollochihe mu ellapo yuullupalli ni yaphaama, ellapo yooddalla ni mukaka ni enwi. Enakhallamo tti Akanani, Ahiti, Aamori, Aperezi, Ahivi ni Ayebusi.

Genesis 15:18

Nllapo nenno Apwiya yaapangana ni Abramu. Yaallota wi, “Kinimalonjeza wi kineeroddivaha edduullu ddawo ellapo ettheeneella ovenyera o muhinje wa o Iguputo ophiyera o muhinje muullupalli wa Yufurate.

Genesis 13:15

Kineerewuuvaha weyaano ni edduullu ddawo ellapo ettheene onooneeweeyo. Nave enaakhalle yaawoyaawo enthawi ddoohimalla.

Eksodo 6:4

Kaakeraatthihana echipangano waalonjeza wi kineerewaavaha ellapo ya Kanani, mmo yakhanlliiwamo khalle wonanko alleto.

Eksodo 18:12

Sika Yetero aaheraatthi wa Mulluku mukutho wooshellelliha ni mikutho ddimoddattho. Nave Aroni ni oohoollella a Aisraele yaawa wi eche ni Yetero vamiitthoni va Mulluku.

Numeri 10:28

Mmu tti mmo yeetella Aisraele yaatimullaka m'millokoni.

Deuteronomo 4:40

Mwiiwellelleke malamulwiiwa ni malangizwiiwa mattheene ayo kuuhuddihalleemini ollello. Sika ddeko ddineerekoweetellani phaama nyuwaano ni edduullu ddanyu nave enthawi ya okumaanyu eneerorekama mu ellapo eyo Apwiya Mullukwaanyu yuuvahilliiwani wi ekhalle yaanyu wa enthawi yoohimalla.”

Deuteronomo 30:5

Eneerewuuvelleellani o ellapo eyo makhollwaanyu yaakhilliiwa khalle wi nyuwaano muyaakhettho. Nave eneerewuuvahani eyuuma yawaata ni wuuruuwihani wunchichi okhwaranya mmo yakhallelle makhollwaanyu.

Masalimo 95:1

Waawoni niwiipelle Apwiya, hankoni nikhuwe moohakallalla wa alliwa, nlluku na ovullusiwa wahu.

Masalimo 100:1

Nyu ellapo yavatthi ettheene, khuwellani wa Apwiya moohakallalla!

Genesis 17:8

Ellapo ella onakhalleewemo wonanko mulleto, kineerewuuvaha weyaano ni edduullu ddawo. Ellapo ettheene ya Kanani enaakhalle ya edduullu ddawo wa enthawi yoohimalla nave miyaano kineerokhalla Mullukwiiwa.”

Eksodo 2:21

Sika Mose ahaakhullella okhalla wenko nave Yetero aamuvaha Mosooyo mwanaye, Zipora wi akhalle mwaariye.