Numeri 1:51 - Mawu a Mulluku

⁵¹ Athu yaatimullaka Alevi sika enaawutulleke musasa wamutthukumanooyo nave athu yaawiimellaka, Alevaayo sika enaatthipelleke musasa wamutthukumanooyo. Arive muthu oyo anaawaatamelle iiphiweke.

Numeri 1:51 ပူးပေါင်းရင်းမြစ်များ

Numeri 3:38

Mose ni Aroni ni anaaye sika yatthipella misasa ddiwa owiitthoni wa musasa wamutthukumano, wookhuma nndduwa. Alliwa yaanarumeyella mu nipuro noopatuleya, munipuroni mwa Aisraele. Koma arive muthu anaawaatamelle musasa wamutthukumano aaniiphiwa.

Numeri 3:10

Omutthoolle Aroni ni anaaye wi ekhalle allupa mukutho. Koma arive muthu anaawaatamelle musasa wamutthukumano iiphiwe.”

2 Samuele 6:7

Enthawi yeeyo Apwiya yaamushella murima Uza nave yaamwiipha kaambiiwa khaaganizalle phaama voopharani nibokosinne. Sika akhwenlle vaavo vamiitthoni va Apwiya.

1 Samuele 6:19

Apwiya yaawiipha athu 70 o Beteshemeshi kaambiiwa yaatthurumella mu nibokosi na echipanganonne. Nave amodda yahinlla vawi Apwiya yaawiipha anchichi vamiitthoni viwa.

Numeri 18:22

Waambeella ollello Aisraele ehaatamelleke musasa wamutthukumano wi ehichimwe nave ehikhwe.

Numeri 16:40

wi ddikhalle yawuupusella ya Aisraele. Nave wi arive muthu oyo ahiri mullupa mukutho, oyo ahiri mmodda mwa edduullu dda Aroni, ahaatamelle wi athuwihe lubani vamiitthoni va Apwiya wi ddihimmorelle ddoophwanaphwana ni nnddo ddammorenlle Kora ni mullokwaaye. Ddittheddene ddaheereya moollikana ni mmo Apwiya yamulleellelliiwa Eleazara oweella mwa Mose.

Numeri 10:11

Va nllapo na 20 na mweeri waneepiilli muyakha waneepiilli, murapo waawella ovenyera vamusasani wamutthukumano.

Numeri 17:13

Aarimi arive muthu oyo anaatamella musasa wamutthukumano akhwaka, sika wi hiyaano attheene nookhwa.”

Numeri 18:3

Alliwaayo eneerekewuukavihera nave eneerekophara mitteko ddittheddene dda m'musasani. Koma ehaatamelle ezipangizo dda mu nipuro noopatuleya apaalle nikuwa wi alliwaayo ni weyaano muhikhwe.

Numeri 18:7

Vano weyaano ni anaawo murumeyelleke va mutteko wa mukutho, mitteko ddittheddene dda vanikuwani ni va mitteko ddittheddene dda nipuro naweellesesa. Kohuuvaha omullupa mukutho wi ekhalle emphaswaawo. Koma arive muthu anaatamellevo aneerewiiphiwa.”

Numeri 17:5

Ekopo ya muthu oyo kinaamutthoolleemi eneerophuwa. Sika kineeromalliha okhupanya wa Aisraele nko eneeriiwa moovaanyihana ni weyaano.”

Numeri 18:4

Alliwaayo eneerophara mutteko ni weyaano, erumeyellakattho mu musasa wamutthukumano va mitteko ddittheddene dda m'musasanimmo. Koma ahikhallevo mmodda anaawaatamelle.