Numeri 1:2 - Mawu a Mulluku

² “Oweerenge athu attheene a malloko mattheene a Aisraele moollikana ni mabanjiiwa navettho makhollwiiwa. Olembe nnddina na arive mullopwana mmodda mmodda.

Numeri 1:2 ပူးပေါင်းရင်းမြစ်များ

Eksodo 38:26

Arive muthu avelleella beka nimodda (ottaphullella wi ddoophwanaphwana ni magaramu 6 moollikana ni yoolingella yoopatuleya). Athu ayo yalembiwe yakwakhwanille allopwana 603,550 a miyakha 20 oya muhoollo.

Eksodo 30:12

“Waamweeraka kalembela a allopwana a Aisraele, arive muthu avelleelle wa mi Apwiya yawoopollella okumaaye wi ohimumorelle mullilli kalembelooyo aawereyaka.

Numeri 1:18

Vano va nllapo nawaamba na mweeri waneepiilli, yahaatthukumaniha athu attheene. Nave Aisraele yaalembiha mannddiniiwa moollikana ni mabanjiiwa navettho makhollwiiwa. Yeerengiwe yaari athu oovenyera miyakha 20 oya muhoollo, mullopwana mmodda mmodda,

Numeri 1:22

Mwa edduullu dda Simeoni yaaweerenga manddina a allopwana attheene oowora owana ekhoto a miyakha 20 oya muhoollo moollikana ni mabanjiiwa navettho makhollwiiwa.

Eksodo 12:37

Sika Aisraele yaatimulla olendo ovenya o Ramsesi oya o Sukoti. Allopwana yaarivo 600,000 ohiweerengella atthiyana ni anamwani.

Eksodo 38:25

Siliva oovenyera mu kalembela a Aisraele akwakhwanille makilogaramu 3,430 moollikana ni yoolingella yoopatuleya.

Numeri 1:19

moollikana ni mmo Apwiya yamulamulelliiwa Mose. Sika Mose aaweerenga athwaayo mu echipululu ya Sinai.