Numeri 1:1 - Mawu a Mulluku

¹ Apwiya yaallota ni Mose mu echipululu ya Sinai, mu musasa wamutthukumano, nllapo nawaamba na mweeri waneepiilli, muyakha waneepiilli ekhumalle mu ellapo ya Iguputo. Nave yaamulleella wi,

Numeri 1:1 ပူးပေါင်းရင်းမြစ်များ

Eksodo 25:22

Kineerekokumana ni olliye vaavo nave ovenyera vaddullu va yookhuneelleeyo, variyari va akerubi eri vaddullu va nibokosaayo, kineeromulleella malamulwaaka mattheene wa Aisraele.

Eksodo 19:1

Aisraele yaavenyawo o Refidimu nave yaaphiya o echipululu ya Sinai, yaatthipella misasa omwaangoni wa Sinai. Yaphiyallewo va nllapo nawaamba na mweeri waneeraru ekhumalle o Iguputo.

Numeri 9:1

Mweeri wawaamba wa muyakha waneepiilli Aisraele ekhumalle mu Iguputo, Apwiya yaamulleella Mose mu echipululu ya Sinai wi,

Levitiko 27:34

Yaalla tti malamulo ayo Apwiya yamulamulalliiwa Mose vamwaangoni wa Sinai wi aalleelle Aisraele.

Levitiko 1:1

Apwiya yaariiwa mu musasa wamutthukumano yaamwiithana Mose, emulleella wi

Eksodo 40:17

Mwawi va nllapo nawaamba na mweeri wawaamba wa muyakha waneepiilli, musasa wamutthukumano waamakiwa.

Eksodo 40:2

“Va nllapo nawaamba na mweeri wawaamba, omake musasa wamutthukumano.

1 Mamwene 6:1

Vimanlle miyakha 480 Aisraele ekhumalle o Iguputo, muyakha waneesese wa omwene wa Solomoni mu Israele va mweeri wa Zivi oyo ori mweeri waneepiilli Solomoni ahaamba omaka enyumba ya Apwiya.

Numeri 1:18

Vano va nllapo nawaamba na mweeri waneepiilli, yahaatthukumaniha athu attheene. Nave Aisraele yaalembiha mannddiniiwa moollikana ni mabanjiiwa navettho makhollwiiwa. Yeerengiwe yaari athu oovenyera miyakha 20 oya muhoollo, mullopwana mmodda mmodda,

Numeri 12:4

Vano Apwiya yaamulleella Mose, Aroni ni Miriyamu wi, “Araru attheenenyu muwe o musasa wamutthukumano.” Nave araru attheenaayo yaayaawo.

Deuteronomo 1:3

Va nllapo nawaamba na mweeri wa khumi ni mmodda muyakha wa 40 waambeella mvo Aisraele yakhumalliiwa mu ellapo ya Iguputo, Mose ahaalleella ddittheddene nnddo Apwiya yamulamulalliiwa.

Deuteronomo 2:7

“Valle Apwiya Mullukwaanyu yahuudalisani va mitteko ddittheddene mweerillaanyu. Yahuupwathani va olendwaanyu muchipululuni yuullupalleella. Apwiya Mullukwaanyu yaakhalla ni nyuwaano va miyakha 40 ddittheddenenndda nave khemwaaramille erive ello.

Deuteronomo 2:14

Nave enthawi eyo nallapuwalleehu muhinjooyo vaari viviralle khalle miyakha 38 ovenyera mvo navenyilleehu o Kadeshi Baranea. Akhoto attheene yaari ekhwille moollikana ni mmo Apwiya yallupellelliiwa.