Nehemiya 9:37 - Mawu a Mulluku

³⁷ Vano ddoohata ddinchichi ddinaya wa mamwene mwanivelleelleenyu m'mattani mwiwa vawi naachimwa. Aakhalla ni masiva oonilamulella ni eziweto ddahu sika niri mu ddookatamiha dduullupalli.”

Nehemiya 9:37 ပူးပေါင်းရင်းမြစ်များ

Deuteronomo 28:33

Mutundu weelleto eneerowaakhani ddoohata ddanyu ddittheddene nnddo mwahoowilleenyuna ollima nave muneerovirellella opaniwa ni ohoosiwa.

Deuteronomo 28:48

Sika vano muneerewaarumeyella adani ayo Apwiya enaarumihiiwa wi ellipane ni nyuwaano. Muneerovolliwa ettalla ni nthona nave muneerokhalla ni osiwa navettho ddeko ddittheddene ddineerewuuramani. Apwiya eneerewuuhoosani mweekuku ophiyera moonongeyille.

Ezara 7:24

Kinimuulleellanittho wi tti wohaakhullelliwa waakhomiha musonkho apaalle waallivelliha kasitomu allupa mukutho, Alevi, awiipa machipo, alonda a va millako dda enyumba ya Mulluku apaalle allupa mutteko amodda a o enyumba ya Mulluku.

Yohane 8:33

Yaamwaakhulla wi, “Hi niri edduullu dda Abrahamu nave khannakhallekevo akaporo a arive muthu. Munaaka tini voollotani wi, ‘Muneerottaphulliwa?’ ”

Nehemiya 5:8

Nave kaallota ni alliwa wi, “Naawora owoopolla Ayuda akhwiihu ayo yiikullihalle wa mitundu ddimodda koma vano nyuwaano munaawatihera wi yiikullihe wa nyuwaano!” Athwaayo yaari mi ellapo tuu orama yoollota.

Ezara 6:8

Woonjerera vaavo kinalamula nnddo munaaweerelleenyu oohoollella a Ayudaalla voomakanittho enyumba ya Mulluku. Mwaallivelle athwaalla makobiriiwa mattheene nave muhaasellihe ovenyera mu nthumba na mwene na misonkho dda echigawo ya vakhopella va muhinje.

Ezara 4:13

Vano amwene edduwelle wi muzindoolla wamakiwattho ni esiri ddiwa ddamallihiwa khekhomaka musonkho naari ovelleella kasitomu apaalle okhoma musonkho wa erive ello nave yoophura ya amwene eneeroyevihiwa.

Deuteronomo 28:51

Eneerewuuchellani eziweto ddanyu ni ddeko ddam'matani ddene ophiyera mukhwille ni ettalla. Kheyuuhiyerani naari vang'ono tirigu, vinyo, makhura a olivi apaalle eziweto, ophiyera yuutthollosilleni.

Deuteronomo 28:39

Muneerekollima emata ddampesa, oddipwatha phaama ddene koma mpesannddo khamuddirukullaka apaalle omuwirya vang'ono vinywiiwa kaambiiwa miingu sika ddinaacheke.

Levitiko 26:17

Kineerewuureyani etulli nave adanaanyu eneerewuugonjihani, awiitana ni nyuwaano eneerewuulamulellani nave muneerekothawa muhiikarihiwaka.

Maliro 5:5

Enanikakha mweekuku nigoli* niri munikohini mwahu, nootopa koma khannaakhullelliwa wiithuuwa.