Nehemiya 9:33 - Mawu a Mulluku

³³ Nyu tti oolungama va ddittheddene ddinimorenlle, nyu tti oororomelleya koma hi tti oochimwa.

Nehemiya 9:33 ပူးပေါင်းရင်းမြစ်များ

Masalimo 106:6

Hiyaano noochimwa wonanko makhollwaahu, noheera ddoonanara, noolakwa.

Genesis 18:25

Ddawoona, khamuwiipha athu oolungama ni oohilungama. Yeella tti yooheereya! Ethiyo aweeruza a ellapo yavatthi ettheene khanaphwanella weera echilungamo?”

Maliro 1:18

Vaavo Apwiya aheera phaama, ekaamba yawi miyaano kaawukila malamulwiiwa. Ngiiwani, nyu athu a mitundu ddittheddene, ngoonani ohoowa waka. Anamwallaaka ni asombwaaka aapharelliwa wuukaporoni.

Yeremiya 12:1

Nyu Apwiya kaavaanyanaka ni nyuwaano, ddawoona, awoona munaakhalle nyuwaano, komave kineerewuukhupanyellani dda mullatwaaka. Ethiyo kaambiiwa tini athu oonanara ddeko ddinaweetelliiwa phaama? Ethiyo kaambiiwa tini oolleka enakhalliiwa mwamurendelle?

Masalimo 145:17

Apwiya tti oolungama mu ettilla ddiwa ddittheddene, tti eechifundo mu ddaweera ddiwa ddittheddene.

Masalimo 119:137

Nyu Apwiya, muri oolungama, echiweruzwaanyu tti yoolungama.

Yobu 34:23

Khonapaalleya wa Mulluku okeraatthiha enthawi yawi arive muthu aphiye vamiitthoni vaye wi eeruziwe.

Yobu 33:27

Vano muthooyo aneerewiipa wa amodda wi, Kaachimwa, ngeenre ddoolungama koma ngaahokolloselliwe moollikana ni mitteko ddaka.

Ezara 9:15

Nyu Apwiya Mulluku a Israele tti a echilungamo komave noohalla ophiyera ollello. Ngoonani niri vamiitthoni vanyu nidduwellakave ddoochimwa ddahu mwawi khaavo naari muthu mmodda aniimelle vamiitthoni vanyu ekaamba ya yeella.”

Nehemiya 9:34

Mamwenaahu, enduna ddahu allupa mukuthwaahu ni makhollwaahu kheyaawiiwellelle malamulo ni malangizo mwawinnyalleenyu.

Yeremiya 44:3

Ddittheddenenndda ddaheereya ekaamba ya machimo a athu ayo yattatthamunlle owallaaka, vawoosellani lubani* milluku ddimodda ni oddirumeyella, milluku ddoohidduwelliwa ni alliwa, nyuwaano apaalle makhollwaanyu.

Eksodo 32:31

Vano Mose aahokollweella wa Apwiya allota wi, “Athwaalla yaachimwa wunchichi. Yahiipangella mulluku agolide.

Nehemiya 9:8

Mwahoona wi aari oororomelleya wa nyuwaano sika mwaakeraatthiha echipangano. Mwaalonjeza wi muneeromuvaha ellapo ya Akanani, Ahiti, Aamori, Aperezi, Ayebusi ni Agirigashi wi ekhalle ellapo eyo munaakhalleke edduullu ddaye. Sika mookwakhwaniha lonjezo nanyu vawi nyuwaano tti oolungama.

Ezekiele 11:12

Vano muneerodduwella wi mi tti Apwiya. Khamuthwarille malangizwaaka, khamwiiwellelle malamulwaaka. Koma mookhalla muthwaraka malamulo a mitundu dda athu oowaapheellani.’ ”