Nehemiya 9:32 - Mawu a Mulluku

³² Vano sika nyu Mullukwaahu tti Mulluku Amasiva Mattheene ni awoopiha, munnasunga echipangano ekaamba ya echikondaanyu yoohisintheya. Muhivevulle ddoohoosa nnddo ddinimorelle hiyaano, mamwenaahu, enduna ddahu, allupa mukuthwaahu, anamallotellaahu, makhollwaahu ni athwaanyu attheene ovenyera mu enthawi ya mamwene a o Asiriya ophiyera ollello.

Nehemiya 9:32 ပူးပေါင်းရင်းမြစ်များ

Nehemiya 1:5

Vano kaallota wi, “Nyu Apwiya Mulluku ooddullu, Mulluku muullupalli ni awoopiha, oyo anasunga echipangano ni okhalla ni echikondi yoohisintha wa athu ayo enamukonda ni wiiwellella malamulwaaye.

Deuteronomo 7:9

Ekaamba ya yeella upuwellani wi Apwiya Mullukwaanyu tti Mulluku mmoddave nave tti oororomelleya. Olliye aneerosunga echipanganwaaye nave aneerewooniha echikondi yoohisintheya wa athu a mibado ddooheerengeya dda ayo enamukonda olliye ni wiiwellella malamulwaaye.

Daniele 9:8

Nyu Apwiya, muru oniwulle hiyaano vamodda ni mamwenaahu, enduna ddahu ni makhollwaahu ekaamba yawi nohuuchimwellani.

Daniele 9:4

Kaavekella wa Apwiya Mullukwaaka, waakhullella machimo wi, “Nyu Apwiya Mulluku muullupalli ni awoopiha, munnasunga echipanganwaanyu ni echikondaanyu yoohisintheya wa athu ayo enuukondani ni othwara malamulwaanyu.

Daniele 9:6

Khaniwiiwellelle anamallotella, oorumeyellaanyu, ayo yallotella mu nnddina nanyu wa mamwenaahu, wa enduna ddahu, wa makhollwaahu ni wa athu attheene a mwiillaponi.”

Masalimo 66:5

Waawoni moone nnddo Mulluku eerilleeye, mitteko ddaye ddoottikhiniha variyari va athu.

Masalimo 66:3

Mulleelleni Mulluku wi, mitteko ddanyu tti ddoottikhiniha. Masivaanyu tti muullupalli, adanaanyu ennawaramella vatthi moowoovani.

Masalimo 47:2

Vallethi Apwiya Amasiva Mattheene enaphwanella wooviwa, sika mwene muullupalli a va ellapo yavatthi ettheene.

Ezara 9:13

Nave ddittheddenenndda ddinimorelle ekaamba ya machimwaahu muullupalli. Naarive ddiri ddiiddo, nyu Mullukwaahu munillakille vang'ono moohillikana ni machimwaahu nave mooneeriha wi nihalle wonanko ddikhallelliiwammu.

2 Mamwene 25:7

Yaawiipha anaaye attheene a Zedekiya olliye oonaka nave yaamukhumihamo miittho, emmaka ni onyolo emuyaana o Babiloni.

2 Mamwene 23:29

Mu enthawi ya omwenaaye, Neko mwene a o Iguputo aaya woomukavihera mwene a o Asiriya o muhinje wa Yufurate. Mwene Yosiya aaya woowanana ekhoto koma Neko aamwiipha Yosiya o Megido va ekhotweeyo.

2 Mamwene 17:3

Shalimanazere mwene a o Asiriya aamuhella ekhoto nave Hoseya aagonja, anakhoma musonkho wa olliye orive muyakha.

2 Mamwene 15:29

Enthawi ya Peka mwene a o Israele, Tigilati Pilesere mwene a o Asiriya aagonjiha mizinda dda Iyoni, Abele Beti Maaka, Yanowa, Kedeshi, ni Hazori navettho ellapo dda Giliyadi, Galileya ni ellapo ettheene ya Nafutali. Nave ahaaphara athu attheene aayaana o Asiriya wuukaporoni.

2 Mamwene 15:19

Vatulli viwa Pulo mwene a o Asiriya aahella ekhoto ellapo ya Israele. Nave Menahemu aavelleella siliva oollemella makilogaramu 34,000 wa Pulo wi olliye amukavihere okeraatthiha omwenaaye.

1 Mamwene 8:23

Aavekella wi, “Nyu Apwiya Mulluku a Israele, khaavo Mulluku oophwanaphwana ni nyuwaano, oddullu apaalle va ellapo yavatthi. Munnasunga echipangano ni wooniha echikondi yoohisintheya wa oorumeyellaanyu ayo eneeta vamiitthoni vanyu ni murimiiwa muttheene.

Deuteronomo 7:21

Muhiwoove athu yaalla. Apwiya Mullukwaanyu eri variyari vanyu nave alliwa tti Mulluku muullupalli oophwanella omoova.

Levitiko 26:28

kineerovaanyihanattho ni nyuwaano moowalli nave miyaano mwaneenaaka kineerewuullakani mwawaanjerera otthanu ni opiilli ekaamba ya machimwaanyu.

Levitiko 26:24

kineerovaanyihanattho ni nyuwaano nave kineerewuullakani mwawaanjerera otthanu ni opiilli ekaamba ya machimwaanyu.

Levitiko 26:21

“Vano mwavirellella oovaanyihana ni miyaano woohikiiwellella, kineerowaana millilli ddimodda va nyuwaano waanjerera otthanu ni opiilli ekaamba ya machimwaanyu.

Levitiko 26:18

Mwaahikiiwellella moonille ddittheddenenndda, kineerewuullakanittho mwawaanjerera otthanu ni opiilli ekaamba ya machimwaanyu.

Eksodo 18:8

Nave Mose aamutthopoollella ddittheddene nndde Apwiya yamweerelliiwa Farao ni Aiguputo ekaamba ya Aisraelaayo. Aamutthopoollellattho dda ddookatamiha nnddo yakumananiiwana muttilla ni ddittheddene nnddo Apwiya yeerilliiwa wi yaavulluse.

Ezara 4:2

yaawa wa Zerubabele ni wa oohoollella mabanja ellota wi, “Hankoni nimakellettho nimodda vawi ninnamullapella Mullukwaanyu moophwanaphwana ni mmo muneerelleenyu nave nookhalla nivelleellaka mikutho wa olliye waambeella enthawi ya Ezaradoni, mwene a o Asiriya oyo anipharelle wuno.”

Ezara 4:10

ni mitundu ddimodda nnddo Osinapara muthu muullupalli oovuwoolle additthaamihalleeye ni oddikeraatthiha o mizinda dda Samariya ni mu ezigawo ddimodda ddoohalla vakhopella va muhinje.”

Yesaya 9:6

Vawi mwaana ooniyariwella! Noovahiwa mwaana aamullopwana! Olamulello onaakhalle m'mattani mwaye, aneerovahiwa nnddina nawi Oolangiza Oottikhiniha, Mulluku Amasiva, Attiitthi Eenthawi Yoohimalla, Mwene amurendelle.

Deuteronomo 7:12

“Nave mwiiwellella ni othwara moororomelleya malamulo mattheene muwiiwalleenywaalla, Apwiya Mullukwaanyu eneerekosunga echipanganwiiwa eyo yakeraatthihalliiwa ni nyuwaano nave eneerovirellella ni echikondiiwa yoohisintheya moollikana ni mmo yallupenlliiwa wa makhollwaanyu.

Deuteronomo 7:13

Eneerewuukondani ni wuudalisani ophiyera mwaatille ni waayara anamwani anchichi. Eneeroddidalisa emata ddanyu vawuuvahani tirigu, vinyo ni makhura. Eneerewuudalisanittho vawuuvahani eziweto ddinchichi. Eneerewuuvahani ddittheddenenndda mu ellapo eyo yallupenlliiwa waavaha makhollwaanyu.

2 Mamwene 17:6

M'muyakha waneetthanu ni sese wa omwene wa Hoseya, mwene a o Asiriya aamugonjiha Samariya nave ahaaphara Aisraele aayaana wuukaporoni o Asiriya. Ahaahiya athu amodda mu muzinda wa Hala, amodda vakhuviru ni muhinje wa Habori mu echigawo ya Gozani nave amoddattho mu mizindani dda Amedi.

2 Mamwene 17:23

ophiyera Apwiya yahaavenyiha Aisraele moollikana ni mmo yallotelliiwa oyeella mwa oorumeyelliiwa attheene, anamallotella. Sika Aisraele yaaphariwa okaporo evenya mwiillaponi yoowaniwa eya o Asiriya nave eri wenko ophiyera ollello.