Nehemiya 9:30 - Mawu a Mulluku

³⁰ Orive muyakha mwaanaavillella nave mwaanaachenjeza ni munepaanyu oweella mwa anamallotellaanyu komave kheyaapella maaru. Sika ekaambiiwa mwaavelleelleenyu m'mattani mwa athu a mu ellapo ddimodda.

Nehemiya 9:30 ပူးပေါင်းရင်းမြစ်များ

Aroma 2:4

Apaalle munnavevulla oreera murima waye wunchichi, olleva waye ni ovillella waye. Ethiyo khamunadduwella wi Mulluku tti ooreera murima kaambiiwa annuuhoollellani wi murukunuwe murima.

Mitteko 7:51

Sitefano aallota wi, “Athu a etiyamaaru nyu! Mirima ddanyu ddiri wonanko dda athu oohimullapella Mulluku nave khamuniiwellella mawu a Mulluku! Muri wonanko makhollwaanyu, nyuwaano munnakhoota Munepa Waweella mallapo mattheene!

Yesaya 42:24

Ttaani amuvelleelle Yakobo wa awaakha nave Israele wa allupaawiiya? Ethiyo eneera ddenndda khe Apwiya? Valle nahaachimwella, khanaathwarille ettilla ddiwa, khanaawiiwellelle malamulwiiwa.

2 Petro 1:21

Vawi kheyiivo yoollotelliwa yawiille ovenyera wa ddoopaalla dda athu koma athu yahoollelliwa ni Munepa Waweella wi ellote othenga woovenyera wa Mulluku.

1 Petro 1:11

Yaheesa okoha wi enthawi enaakwakhwane niini nave enaawe mwawiidde. Ella yaari enthawi eyo Munepa wa Khrisitu waakiiwa, voollohellani ddoohoosa nnddo Khrisitu eereeye avillelle nave ntitimiho neeriiwa nithwarellelle.

Zekariya 7:13

Vawi kheyaakaapenlle maaru kawiithanilleemi, miyaanottho ngaawaapenlle maaru yakiithaniiwa. Mi Apwiya Amasiva Mattheene koollota

Maliro 2:17

Apwiya aheera nnddo yaganizelliiwa wi yeera, Akwakhwaniha nnddo yallotilliiwa mwawoopopiha. Moollikana ni mmo yaganizalliiwa khalle, aawoononga moohikhalla ni echifundo, ahaakhullella wi adanaawo ehakallalle ahaanjerera wunchichi masiva a adanaawo.

Yeremiya 25:4

Nyu khamwiiwellenlle apaalle waapella maaru naari Apwiya yahihiyalle wuurumihellani oorumeyellaaye anamallotella.

Yesaya 63:10

Komave athu yaawukila ni omoriha ethakaraka munepiiwa waweella. Sika Apwiya aatthattuwa mudaniiwa nave aawanana.

Nehemiya 9:29

Mwaanaachenjeza wi yaambeellettho wiiwellella malamulwaanyu yaaniitukhulla nave kheyaawiiwellella. Yaanachimwella malamulwaanyu oovaha okumi wa athu awaasunga. Vano yaanakhootave enummiha mirima ddiwa nave kheyaawiiwellella.

Nehemiya 9:26

Komave athwaanyu yahuuwukilani nave kheyaawiiwellelleni. Yahaareya etulli malamulwaanyu nave yaawiipha anamallotellaanyu ayo yaachenjezille wi erukunuwelle wa wanyuwaano koma yaavirellella wuuvevullani.

Mitteko 28:25

Sika vaakhalla ohiiwanana variyari va mullokooyo nave yaavenyavo, Paulooyo allotilleeye ello emodda yawi, “Munepa Waweella aallota phaama wa makhollwaanyu oweella mwa namallotella Yesaya!

Mitteko 13:18

Nave wa miyakha 40 ahaavillella yeetiiwa mu echipululu.

Yeremiya 44:22

Ekaamba ya yeella, Apwiya kheyaawonre ovillella mitteko ddanyu ddoonanara nnddo mwaddeereenyu. Sika ellapwaanyu yaatthattuwa ntepe, ello yooryiryiha mwiilli ni yootembeleliwa, ellapo yoohikhalla ni athu, wonanko ekhallelliiwa ollellova.

Yeremiya 7:25

Waambeella nllapo makhollwaanyu yakhumalliiwa mu ellapo ya Iguputo ophiyera ollello kookhalla kuurumihellakani amurummwaaka, anamallotella.

Masalimo 86:15

Koma nyu Apwiya, tti Mulluku eechifundo, Mulluku ooreera murima, oohaakuva osha murima, ooddalla ni echikondi yoohisintheya ni oororomelleya wunchichi.

Nehemiya 9:20

Mwahaavaha munepaanyu waphaama wi waalangizeke. Khemwaawiimanille yoochaanyu ya mana nave mwahaavaha maaddi oowirya wi emallihe nthona niwa.

2 Petro 3:9

Apwiya khenaselliwa weera nnddo yalonjezilliiwa, wonanko mmo amodda enaganizeriiwa. Koma ennuuvillellani kaambiiwa khenapaalla wi arive muthu oonongiwe koma enapaalla wi attheene erukunuwe murima.

Numeri 11:26

Athu eelli, Elidadi ni Medadi, yaahalla m'misasanimmo nave munepa waakhalla va alliwaayo. Yaari a m'mullokoni wa attekweene 70 koma kheyaayiillena o musasa wamutthukumano, sika yaanallotella m'misasani.

Masalimo 95:10

Va miyakha 40 kaananariwana mbado yoolla, sika kaallota wi, “Alla tti athu oohollowa, khenapwatha ettilla ddaka.”

Yesaya 28:10

Vawi anneesa onihuddiha vang'ono vang'ono, lemba nimodda nimodda, muzere mmodda mmodda, ehuddiho emodda emodda nave mvo a vang'ono mvo vang'ono.”

Yesaya 48:9

Kineeroselliha osha murima waka ekaamba ya nnddina naka kineerohokollosa osha murima waka ekaamba ya ntitimiho naka.

Zekariya 7:12

Yahummiha mirima ddiwa wunchichi wi ehiiwe malamulo ni mawu ayo mi Apwiya Amasiva Mattheene kaahuddihalleemi ni munepaaka oweella mwa anamallotella akhalle. Ekaamba ya yeella mi Apwiya Amasiva Mattheene kahaananariwella wunchichi.

2 Mamwene 18:11

Mwene o Asiriya ahaaphara Aisraele ayaana o Asiriya wuukaporoni. Ahaahiya o muzinda wa Hala owaakattho vakhuviru ni muhinje wa Habori mu echigawo ya Gozani ni o mizindani dda Amedi.

2 Mamwene 21:10

Sika Apwiya yaallota oweella mwa oorumeyelliiwa anamallotella wi,

2 Epilli 24:19

Naari Mulluku aarumalle anamallotella variyari viwa wi yaahokolloselle wa Apwiya anamallotellaayo yaahumullullalliiwa yaakhoota nave kheyawaapwathille.

Ezara 9:10

“Nave vano nyu Mullukwaahu, hiyaano ninaallote tini vatulli va yeella? Vawi khaniiwellelle malamulwaanyu,

Yeremiya 44:4

Komave miyaano kaavirellella waaruma amurummwaaka anamallotella wi yuulleelleni wi, ‘Muheereke ddoonanara nnddo mi kiniitaneemina.’

Yeremiya 44:5

Koma makhollwaanyu kheyiiwellelle, kheyaapwathillewo naari vang'ono. Kheyaahiyalle weera ddoonanara ddiwa apaalle woosella lubani milluku ddimodda.

Daniele 9:6

Khaniwiiwellelle anamallotella, oorumeyellaanyu, ayo yallotella mu nnddina nanyu wa mamwenaahu, wa enduna ddahu, wa makhollwaahu ni wa athu attheene a mwiillaponi.”