Nehemiya 9:29 - Mawu a Mulluku

²⁹ Mwaanaachenjeza wi yaambeellettho wiiwellella malamulwaanyu yaaniitukhulla nave kheyaawiiwellella. Yaanachimwella malamulwaanyu oovaha okumi wa athu awaasunga. Vano yaanakhootave enummiha mirima ddiwa nave kheyaawiiwellella.

Nehemiya 9:29 ပူးပေါင်းရင်းမြစ်များ

Nehemiya 9:16

Koma alliwa ni makhollwaahu yahiitukhulla, yahummiha mirima ddiwa nave kheyaawiiwellelle malamulwaanyu.

Levitiko 18:5

Sika vano mweereke nnddo kinuulamuleemini. Mwiiwellelleke nave muthwareke malamulwaaka wi mukhalle ni okumi. Mi tti Apwiya.

Nehemiya 9:26

Komave athwaanyu yahuuwukilani nave kheyaawiiwellelleni. Yahaareya etulli malamulwaanyu nave yaawiipha anamallotellaanyu ayo yaachenjezille wi erukunuwelle wa wanyuwaano koma yaavirellella wuuvevullani.

Nehemiya 9:10

Mwaheera ezizindikiro ni ddoottikhiniha ddoomuvaanyihana Farao, allupa muttekwaaye ni athu attheene a mwiillaponi mwaye vawi mwaadduwella mmo aahooselleeye makhollwaahu. Sika ekaambiiwa epillaanyu evuwalliiwa ophiyera ollello.

Hoseya 6:5

Sika ekaambiiwa kuuphanddemini oweella mwa anamallotella, kiwiiphalleemini ni mawaaka. Okamulla waka tti wawooneya wonanko owala wa nndduwa.

Yeremiya 43:2

Azariya mwaana a Hoshaya, Yohanani mwaana a Kareya navettho athu attheene awiitukhulla, yaamulleella Yeremiya wi, “We onimoottha. Apwiya Mullukwaahu kheyuurumalle wi ollote wi, ‘Muhiyeewo o Iguputo.’

Agalatiya 3:12

Koma wiiwellella malamulo khonapaalleya okhalla ni echikhulupililo. Vawi mawu a Mulluku enallota wi, “Muthu aniiwellella malamulo aneerokhalla ni okumi.”

Aroma 10:5

Mose aalemba dda okhalla oolungamihiwa vamiitthoni va Mulluku oyeella mwa malamulo wi, “Oyo aniiwellella malamulo aneerokhalla ni okumi.”

Luka 10:28

Yesu aamulleella wi, “Wohaakhulla phaama. Khawe weere ddennddo nave oneerewaakhella okumi woohimalla.”

Daniele 5:20

Koma yaambilliiwa wiitukhulla, wunnuwa murima ni wiiddivella, yaakitthihiwa va mpandwiiwa woomwene ni waakhiwa olemwiiwa.

Ezekiele 20:11

Kahalangiza wenko ni waahuddiha malamulwaaka ayo yaavaha okumi athu oowiiwellella.

Yeremiya 44:10

Koma ophiyera ollello khamunalape, khamunakoova nave khamuthwanre malamulwaaka ayo kawinnyalleemini nyuwaano ni makhollwaanyu.

Yeremiya 19:15

“Apwiya Amasiva Mattheene, Mulluku a Israele, enallota wi, ‘Kineerowumorihella otulli muzindoolla ni va mizi ddiwa ddittheddene moollikana ni mmo kallotelleemi ekaamba yawi athwiiwa tti awumma murima nave enimakhoota wiiwellella mawaaka.’ ”

Yeremiya 17:23

Alliwa kheyiiwellelle apaalle opwathawo koma ni mirima ddawumma yaakhoota wiiwa ni waakhella malangizwaaka.”

Yeremiya 7:26

Koma nyuwaano khemunakiiwellella apaalle opwathawo. Ni mirima ddanyu ddawummannddo moonanara waakhwaranya makhollwaanyu.

2 Epilli 36:15

Vano Apwiya Mulluku a makhollwiiwa yaanaaruma wiilliwiilli amithenga wa alliwa waachenjeza ekaamba yawi yaanaweerella echifundo athwiiwa ni nipuro.

2 Epilli 24:19

Naari Mulluku aarumalle anamallotella variyari viwa wi yaahokolloselle wa Apwiya anamallotellaayo yaahumullullalliiwa yaakhoota nave kheyawaapwathille.

2 Mamwene 17:13

Mutthemwenemmo Apwiya yaamuchenjeza Israele ni Yuda wi oyeella mwa oollohella ni anamallotelliiwa wi, “Hiyani makhallellwaanyu oochimwa nave iwellellani malamulwaaka ayo kaavelleelleemi wa makhollwaanyu oweella mwa anamallotella, oorumeyellaaka.”

Deuteronomo 31:21

Sika ddoohoosa ddawoopiha ddaamorella, nchipo nenna ninaakhalle wonanko omboni wowaavaanyiha ekaamba yawi edduullu ddiwa ddineerekewiipave. Vawi kinnadduwella nnddo enaganiziiwa naari kihinaavollochihe mu ellapo eyo kallupenlleemi wi kineerewaavaha.”

Deuteronomo 4:26

Mwaahiiwellella kinalloteeminndda, eddullu ni ellapo yavatthi sika ddinaakhalle amboni awaavaanyiha wi khemukhalla ni enthawi yoorekama mwiillaponimmo. Muneerewoonongeya attheenenyu mwiillaponi eyo eri vakhopella na Yordani eyo munaakhalleenyumo, ddawoona, muneerotthollowa.

Eksodo 10:3

Mose ni Aroni yaaya wa Farao yamulleella wi, “Apwiya Mulluku a Aheberi, anakoha wi, ‘Ethiyo onaakhooteve wiiyeviha vamiitthoni vaka ophiyera niini? Owaakhullelle athwaaka evenyewo wi eye yakillapelle.

Mateyu 19:17

Vano Yesu ahaakhulla wi, “Onakikohera tini dda ddeko nnddo ddiri ddaphaama? Mullukuve sika ari aphaama. Waapaallaka ovollowa mu okumi woohimalla owiiwellelleke malamulwaaye.”

2 Epilli 33:10

Nave Apwiya yaallota ni Manase navettho athwiiwa koma alliwa kheyaapwathille.

Nehemiya 9:30

Orive muyakha mwaanaavillella nave mwaanaachenjeza ni munepaanyu oweella mwa anamallotellaanyu komave kheyaapella maaru. Sika ekaambiiwa mwaavelleelleenyu m'mattani mwa athu a mu ellapo ddimodda.

Nehemiya 13:15

Enthawi yeeyo kaawoona athu mu Yuda empangaka vinyo nllapo na Sabata. Amodda yaanakusa vinyo, mpesa, namukuyu navettho katundu oohiyanahiyana enaareya abulu oyaana o Yerusalemu va nllapo na Sabata. Vano kahaachenjeza wi ehikulliheke erive ello va nllapo na Sabata.

Yeremiya 42:19

Sika kaavirellella ollota wi, “Nyu oohalla o Yuda, muhiyeewo o Iguputo. Kohuuchenjezani ollello.

Deuteronomo 31:27

Vawi kinnadduwella phaama dda owukila ni wumma murima wanyu. Mwaambille khalle waawukila Apwiya, munaawukille okavi miyaano kakhwa!

Oweeruza 6:10

Kahuulleellani wi mi tti Apwiya Mullukwaanyu, muhinallapella milluku dda Aamori ayo munakhalleenyu mwiillaponi mwiwa koma khamwaapwathille mawaaka.’ ”

2 Mamwene 17:14

Koma kheyiiwellelle, yaari eetiyamaaru wonanko makhollwiiwa yakhallelliiwa ayo yahaaroromelle Apwiya Mullukwiiwa.