Nehemiya 9:25 - Mawu a Mulluku

²⁵ Nave yaagonjiha mizinda dduullupalli, yahaakha ellapo ya ethaya yaphaama, enyumba ddooddalla ni ddeko ddittheddene ddaphaama, ehime ddookatakata, emata ddampesa, dda olivi ni dda ezipaso ddimodda. Sika yaanacha, yaanavona mwawi yaananeneva nave yaanahakallalla ekaamba ya ddaphaama ddanyu dduullupalli.

Nehemiya 9:25 ပူးပေါင်းရင်းမြစ်များ

Deuteronomo 32:15

“Yeshuruni, athu a Apwiya yaaneneva, koma alliwa yahaawukila, yahiidditivallella ni wunnuwa mwiilli, nave yaavona. Vatulli viwa yaamuhiya Mulluku Owaaphatusa, Yaavevulla nlluku na ovullusa wiwa.

Nehemiya 9:35

Mwahaavaha ellapo yuullupalli ni ya ethaya yaphaama ekaamba ya ddaphaama ddanyu dduullupalli kheyaawuurumeyelleni nave kheyaahiyalle ddoonanara ddiwa.

Deuteronomo 3:5

Ddittheddenenndda ddaari mizinda ddoollipihiwa ni mipanda ddoorekama navettho dda machiwi oowalliwa ni mikoko ddoollipa. Nave vaakhallattho mizi ddinchichi ddoohikhalla ni mipanda.

Hoseya 3:5

Vatulli viwa Aisraelaayo eneerohokollowa ni owaashaasha Apwiya Mulluku ni edduullu ya Davide mweniiwa. Enthawi yeeyo Aisraele eneerowoovattho Apwiya nave eneerewaakhella ddaphaama ddiwa.

Ezekiele 20:6

Nllapo nenno kaallupella wa alliwa wi kineerewaakhumiha mu Iguputo oyaana o ellapo eyo kaavahilleemi, ellapo ya mukaka ni enwi, yooreera okhwaranya ellapo ddimodda.

1 Mamwene 8:66

Va nllapo naneetthanu ni raru, Solomoni ahaalleella athwaayo wi eroweke. Yaamuthokoza mwenooyo nave yaarowa ni murima woohakallalla ni woothapella ekaamba ya ddaphaama ddittheddene nnddo Apwiya yamweerelliiwa Davide oorumeyelliiwa ni athwiiwa Aisraele.

Deuteronomo 32:13

“Yahaalamulelliha ellapo ddamiyaango, yaacha ddoomella ddamuhakani. Yahaachiha enwi yam'mallukuni, ni makhura oovenyera m'miteekhoni ddoomella m'mallukuni.

Aroma 2:4

Apaalle munnavevulla oreera murima waye wunchichi, olleva waye ni ovillella waye. Ethiyo khamunadduwella wi Mulluku tti ooreera murima kaambiiwa annuuhoollellani wi murukunuwe murima.

Hoseya 13:6

Kahaachiha evona koma evonille yahiitukhulla nave yaakitiwalla.

Yeremiya 31:14

Allupa mukutho kineerewaachiha yoocha yaphaama, athwaaka eneerovona ddaphaama ddaka. Mi Apwiya koollota.”

Yesaya 6:10

Umiha mirima dda athwaalla, khoowiha maarwiiwa, minyalliha miitthwiiwa wi ehoone ni miitthwiiwa, ehiiwe ni maarwiiwa, ehidduwelle ni murimiiwa nave ehirukunuwe murima wi echirihiwe.”

Masalimo 65:11

Vamuyakhani munnavelleella ddoohata ddinchichi moollikana ni oreera murima wanyu, Orive weko munayeenyuwo, onnaphwanyeya ddeko ddinchichi.

Miyambo 30:9

Kinoova wi kavona Kineerewuukhootani voollotani wi, “Apwiya ttaani?” Apaalle kahoowa kineerewiiya ni oripiha nnddina na Mullukwaaka.

Yesaya 63:7

Kineerollota dda echikondi yoohisintheya ya Apwiya, kineerewaatitimiha ekaamba ya ddittheddene eneerenlliiwa. Ahaadalisa wunchichi athu a o Israele, voothwarani echifundwiiwa ni wunnuwa wa echikondiiwa yoohisintheya.

Daniele 11:24

Moorurumusa aneerohella ekhoto ezigawo ddeeyuuma ddinchichi dda ellapweeyo. Sika aneereweera nnddo attiitthinnya ni makhollwaaye kheneereke. Aneerokawa ddawaakha, ddoophariwa ni eyuuma variyari va oomuthwara. Aneerokhozekella ophara mizinda dda mipanda ddoollipa koma nndda ddineereye wa enthawi yooyeva.

Deuteronomo 32:14

Yahaawiryiha mukaka woonyuunya wa eng'ombe, navettho mukaka wa enkhosa ni epuri. Yahaachiha enkhosa ni epuri ddooneneva, navettho anankhoro a enkhosa ddaphaama dda o Bashani. Yahaachiha tirigu aphaama wunchichi, yahaawiryiha vinyo ooddiva.”

1 Mamwene 14:9

Koma woheera ddoonanara waakhwaranya athu ayo yaarivo khalle weyaano ohinakhallevo. Wookikhoota miyaano nave wookishiha murima vawoopani milluku ddimodda ni mafano amikoko.

Masalimo 105:44

Yahaavaha ellapo dda mitundu ddimodda dda athu, yaaweeriha wi yaakhe ezipaso dda mitteko dda athu amodda

Yeremiya 2:7

Kahuuphiyihani o ellapo ya ethaya yaphaama wi muche ezipaso ni ddaphaama ddimodda dda mwemmo. Koma muvollowillemo wene, mwaayiripiha ellapwaaka mwaayitthattusa yoohallanaaka yoonanara.

Yeremiya 32:23

Koma yaavollowilliiwa mwiillaponimmu ni waakha wi ekhalla yayiwayayiwa, yaakhoota owiiwellellani apaalle othwara malamulwaanyu. Yaakhoota weera nnddo mwaalamulalleenyu. Sika ekaamba ya yeella, mohaamorihella ddoohoosa ddittheddenenndda.