Nehemiya 9:19 - Mawu a Mulluku

¹⁹ ekaamba ya echifundwaanyu yuullupalli khemwaahiyalle muchipululuni. Murapo oyo waahoollella otthaana ni munllo waahoollella mahiiyu, khewaavenyillevo.

Nehemiya 9:19 ပူးပေါင်းရင်းမြစ်များ

Masalimo 106:45

Yahuupuwella echipanganwiiwa ekaamba yawaakonda athwaayo. Yaakhurumusa murima ekaamba ya wunnuwa wa echikondiiwa yoohisintheya.

Nehemiya 9:27

Sika mwahaavelleella wa adaniiwa ayo yaahoosa. Voohoosiwani yaaninllella wa nyuwaano nave mwaanawiiwa ovenyera oddullu. Nave ekaamba ya echifundwaanyu yuullupalli mwaanaavaha oohoollella ayo yaavullusa m'mattani mwa adaniiwaayo.

Malaki 3:6

“Mi tti Apwiya nave nginasintheya. Sika ekaambiiwa nyu edduullu dda Yakobo khemwaatthollosiwe.

Nehemiya 9:12

Otthaana, mwaanaahoollella ni murapo, mahiiyu mwaanaahoollella ni munllo.

Daniele 9:18

Nyu Mullukwaaka, apellani maaru wi mwiiwe mawaaka. Muhulle miitthwaanyu wi moone matepaahu ni muzinda oyo onadduwelliwa ni nnddina nanyu. Kinavekella wa nyuwaano ekaamba yawi muri eechifundo, ohiri ekaamba yawi hiyaano niri oolungama.

Daniele 9:9

Apwiya Mullukwaahu, muri eechifundo navettho ookhululukella naari nuuwukinleni.

Numeri 14:14

Vano Aiguputo eneerewaatthopoollella athu a mwiillaponimmu. Alliwa ahiiwa khalle wi nyu Apwiya muri variyari va athu yaalla nave munnawooneyella vamiitthoni ni vamiitthoni nave murapwaanyu onnaakhuneella. Otthaana munaahoollella ni opoto amurapo nave mahiiyu munaahoollella ni opoto amunllo.

Ezekiele 20:22

Koma ngeerille wi nnddina naka nihivevuwe variyari va athu a mitundu ddimodda ayo yakoonille kaakhumihaka Aisraelaayo mu Iguputo.

Ezekiele 20:14

Koma ngeerille ddennddo wi nnddina naka, nihivevuwe variyari va athu a mitundu ddimodda ayo yakoonille kaakhumihaka Aisraelaayo mu Iguputo.

Maliro 3:22

Echikondi yoohisintheya ya Apwiya khewa emalla, echifundwiiwattho khenamalla.

Yesaya 44:21

Apwiya enallota wi, “We Yakobo, upuwella nndda vawi weyaano tti oorumeyellaaka, we Israele. Kahuuphatusa, weyaano tti oorumeyellaaka, we Israele ngiwa kuutiwalla.

Nehemiya 9:31

Naari ddaari ddiiddo, ekaamba ya echifundwaanyu yuullupalli khemwaawoonongille apaalle waahiya vawi nyuwaano tti Mulluku aphaama ni eechifundo.

Eksodo 40:38

Va olendwiiwa muttheene, Aisraele yaanoona murapo wa Apwiya va musasa enthawi ya otthaana ni munllo m'muraponi enthawi ya mahiiyu.

1 Samuele 12:22

Apwiya kheyaatathilla athwiiwa wi nnddina niwa nuullupalli nihivevuwe vawi yahuutthoollani nyuwaano wi mukhalle athwiiwa.

Eksodo 40:36

Va olendwiiwa muttheene, murapo wawella ovenyera vamusasani Aisraelaayo yaanatimulla yaariiwamvo.

Deuteronomo 8:2

Upuwellani mmo Apwiya Mullukwaanyu yuuhoollelliiwani muchipululuni va olendo wa miyakha ddittheddene 40 ddivirallenndda. Yahuukhumullani ni oweesani wi edduwelle nnddo ddaari m'murimani mwanyu nave wi yoone khaya muneerewiiwellella malamulwiiwa apaalle iyaayi.

Masalimo 136:16

Yahaahoollella athwiiwa mu echipululu, echikondiiwa yoohisintheya tti ya enthawi yoohimalla.

Ezekiele 20:17

“Koma kahaamoriwella ethakaraka nave ngaawoonongille ni waatthollosa muchipululuni.