Nehemiya 9:17 - Mawu a Mulluku

¹⁷ Yaakhoota wiiwellella nave kheyuupuwella ddoottikhiniha mweerilleenyu variyari viwa. Yahummiha mirima ddiwa nave yahiitthoollella owaahoollella wi ehokollweellettho wuukaporoni o Iguputo. Koma nyuwaano tti Mulluku ookhululukella, a murima waphaama, eechifundo, oohisha murima mwawaakuva, eechikondi yoohisintheya khemwaawaatathillalle.

Nehemiya 9:17 ပူးပေါင်းရင်းမြစ်များ

Masalimo 86:5

Nyu Apwiya tti aphaama ni ookhululukella, echikondaanyu yoohisintheya tti yuullupalli wa attheene ayo enawiithanani.

Yowele 2:13

Ahullani murimaanyu ohiri ddoowara ddanyuve.” Hokollweellani wa Apwiya Mullukwaanyu vawi alliwa tti eechifundo ni ooreera murima, oohisha murima mwawaakuva ni ooddalla ni echikondi yoohisintheya, ni oohiya ollaka.

Masalimo 86:15

Koma nyu Apwiya, tti Mulluku eechifundo, Mulluku ooreera murima, oohaakuva osha murima, ooddalla ni echikondi yoohisintheya ni oororomelleya wunchichi.

Aroma 9:15

Vawi aallota wa Mose wi, “Kineeromweerella echifundo arive muthu kinapaalleemi omweerella. Nave kineerommorella ethakaraka arive muthu kinapaalleemi oommorella.”

Masalimo 78:38

Koma vawi Mulluku tti eechifundo, ahaakhululukella machimwiiwa, khaawoonongille. Wiilliwiilli aanahokollosa murima woohaanaariwella, khaakhullella wi ashe murima.

1 Mamwene 6:13

Nave kineerokhalla variyari va Aisraele, ngiwa kaahiya athwaaka Aisraele.”

Masalimo 106:7

Makhollwaahu yaariiwa o Iguputo, kheyaapwathille ddoottikhiniha ddanyu. Kheyaawuupuwelle wunnuwa wa echikondaanyu yoohisintheya, koma yaamuwukila Mulluku Amasiva Mattheene o Enyanja Yoofiira.

Masalimo 78:11

Alliwa yaatiwalla nnddo Mulluku eerilleeye, ddoottikhiniha nnddo awoonihalleeye.

1 Mamwene 8:57

Apwiya Mullukwaahu ekhalle ni hiyaano wonanko yakhallelliiwa ni makhollwaahu, ahinihiye apaalle onitathilla.

Masalimo 106:13

Koma vihinallekelle yaatiwalla mitteko ddaye, kheyaatiyerille malangizwaaye.

Masalimo 130:4

Koma nyu, munnakhululuka, wi mooviweke.

Aheberi 12:25

Chenjerani vano wi muhikhoote omwiiwellella oyo anallota ni nyuwaano. Athu ayo yakhootille omwiiwellellaalle oyo aachenjezilleeye vatthi vaava kheyaavulluwalle. Hiyaano ninaavulluwe mwawiidde nakhoota omwiiwellella oyo anallota ovenyera oddullu.

Mitteko 7:39

“Koma makhollwaahu yaakhoota omwiiwellella olliye nave kheyaarina mutteko nave m'murimani mwiwa yaapaallattho ohokollweella o Iguputo.

Miyambo 1:24

Kookhalla kiwiithanakani koma khemwaakaapenlle maaru, kahookolla nnatta koma khemwaakipwathille.

Numeri 16:14

Woonjerera vaavo khamunivollochihalle mu ellapo ya mukaka ni enwi nave khamunivahille voollima apaalle emata yampesa wi ekhalle wonanko yoohallanaahu. Ethiyo munapaalla onimara muyeepe? Hiyaano khaniwa wenko.”

Numeri 14:41

Koma Mose aallota wi, “Kaambiiwa tini muhiniiwellelleenyu lamulo na Apwiya vawi ddennddo kheddiworeya.

Numeri 14:11

Apwiya yaamukoha Mose wi, “Ethiyo athu yaalla enaahiye niini okivevulla? Nave enaahiye niini ohikikhulupilila naari yoonille ezizindikiro nnddo keerilleemi vamiitthoni viwa?

Nehemiya 9:31

Naari ddaari ddiiddo, ekaamba ya echifundwaanyu yuullupalli khemwaawoonongille apaalle waahiya vawi nyuwaano tti Mulluku aphaama ni eechifundo.

Yeremiya 19:15

“Apwiya Amasiva Mattheene, Mulluku a Israele, enallota wi, ‘Kineerowumorihella otulli muzindoolla ni va mizi ddiwa ddittheddene moollikana ni mmo kallotelleemi ekaamba yawi athwiiwa tti awumma murima nave enimakhoota wiiwellella mawaaka.’ ”

Ezekiele 5:6

Koma Aisraele a o Yerusalemu yaawukila malamulwaaka waakhwaranya athu a mitundu ddimodda. Kheyaawiiwellelle waakhwaranya athu a ellapo ddawaapheella. Yaakhoota malamulwaaka nave kheyaasungalle malangizwaaka.

Daniele 9:9

Apwiya Mullukwaahu, muri eechifundo navettho ookhululukella naari nuuwukinleni.

Nahumu 1:3

Apwiya tti oohisha murima mwawaakuva tti amasiva manchichi komave khenaakhullella wi oochimwa ahillakiwe. Vaweeta viwa vinnoopa namangalle ni ephevo yawoopiha, mirapo ddiri wonanko nthupi na manyallwiiwa.

Eksodo 32:9

Nave Apwiya yaavirellella ollota wi, “Athu yaalla kinnaadduwella wi tti awumma murima.

Levitiko 26:44

Naari ddeereyille ddittheddenndda, alliwa eri mu ellapo ya adaniiwa, ngiwa kaakhoota nave ngiitanana ophiyera voowoonongesesa ni otathilla echipanganwaaka ni alliwaayo kaambiiwa mi tti Apwiya Mullukwiiwa.

1 Samuele 12:22

Apwiya kheyaatathilla athwiiwa wi nnddina niwa nuullupalli nihivevuwe vawi yahuutthoollani nyuwaano wi mukhalle athwiiwa.

2 Epilli 36:13

Zedekiya aamuwukilattho mwene Nebukadinezara oyo amullupellihalle vamiitthoni va Apwiya wi aneeromwiiwellella. Koma olliye ahummiha murimaaye ahirukunuwella wa Apwiya Mulluku a Israele.

Ezara 9:9

Vawi hiyaano naari akaporo koma Mullukwaahu khamwaanihiyalle mu okaporwaahu. Koma mwaanooniha echikondaanyu yoohisintheya vamiitthoni va mamwene a o Persiya, onihihimulla wi nimake enyumbaanyu, nipotokose matepiiwa navettho mooniteteza mu Yuda navettho mu Yerusalemu.

Masalimo 78:10

Kheyaasungalle echipangano ya Mulluku, koma yaakhoota wiiwellella malamulwaaye.

Yeremiya 7:26

Koma nyuwaano khemunakiiwellella apaalle opwathawo. Ni mirima ddanyu ddawummannddo moonanara waakhwaranya makhollwaanyu.

Yeremiya 18:15

Kheddiiddo! Koma athwaaka aakitiwalla, enoosella lubani* milluku ddawoottha nnddo ddaakwakwatuwiha mu ettilla ddaka ddakhalle, eneeta mu ettilla ddamuhakani, ohiya musewu waphaama.