Nehemiya 9:15 - Mawu a Mulluku

¹⁵ Yavolliwiiwa ettalla, mwahaavaha buledi ovenyera oddullu yaariiwa ni nthona mwahaavaha maaddi ovenyera munllukuni Mwahaalleella wi yaakhe ellapo eyo mwalonjezilleenyu wi muneerewaavaha.

Nehemiya 9:15 ပူးပေါင်းရင်းမြစ်များ

Deuteronomo 1:8

Ettheeneella sika ellapo eyo kinayivelleelleemi wa nyuwaano. Muvollowe ni waakha ellapo eyo mi Apwiya Mullukwaanyu kallupenlleemi wi kineerewaavaha makhollwaanyu, Abrahamu, Isaki ni Yakobo ni edduullu ddiwa ddittheddene.’ ”

Eksodo 17:6

Miyaano kinaakhalle vahoollo vawo vanllukuni vamwaangoni wa Horebu. Wawashulle nllukunno nave munllukunimmo muneerokhuma maaddi wi athwaayo ewirye.” Mose aheera ddennddo vamiitthoni va oohoollella a Aisraele.

Eksodo 16:4

Vano Apwiya yaamulleella Mose wi, “Kineerewuuvahani yoocha eyo enaamore wonanko murimu ovenyera oddullu. Athu enaakhumeke nllapo ni nllapo enaya yatthukumanihaka yoocha yookwakhwanella nllapo nenno wi kiweese nave koone yaarimi ethwareke malamulwaaka apaalle iyaayi.

Ezekiele 20:15

Woonjerera vaavo kaallupella wa alliwa muchipululuni wi ngaavollochiha mu ellapo eyo kaavahilleemi khalle, ellapo ya mukaka ni enwi, yooreera okhwaranya ellapo ddittheddene.

Masalimo 114:8

Olliye annatthattusa nlluku okhalla nthiya, nlluku noollipa okhalla aneetuutu.

Deuteronomo 8:3

Yahuukhumullani vawuuvollihani ettalla komattho yahuuvahani mana wi muche yoocha eyo nyuwaano ni makhollwaanyu mwahiyidduwenlleenyu waambeella khalle. Yaheera ddenndda wi yuuhuddiheni wi muthu khanakhalla ni okumi ni yoochave koma ni mawu mattheene ookhuma muwano mwa Apwiya.

Nehemiya 9:20

Mwahaavaha munepaanyu waphaama wi waalangizeke. Khemwaawiimanille yoochaanyu ya mana nave mwahaavaha maaddi oowirya wi emallihe nthona niwa.

Deuteronomo 1:21

Ellapweene tti yeella eyo Apwiya Mulluku enuuvaheewani. Khaweni mwaakhe moollikana ni mmo yuulamulelleewani. Muhoove apaalle otathilla murima.’

Numeri 14:30

khaavo naari mmodda oyo anaavollowe mu ellapo eyo kallupenlleemi wi muneerovollowamo omupatula Kalebe mwaana a Yefune ni Yoswa mwaana a Nuni.

Genesis 14:22

Koma Abramu ahaakhulla wi, “Kinimallupella vamiitthoni va Apwiya Mulluku Amasiva Mattheene, oophatusa oddullu ni ellapo yavatthi

Eksodo 6:8

Nave kineerewuuphiyihani o ellapo eyo kallupenlleemi wi kineeromuvaha Abrahamu, Isaki ni Yakobo. Kineerewuuvahani ellapo yeeyo wi ekhalle yaanyuyaanyu. Mi tti Apwiya.’ ”

Eksodo 17:3

Koma athwaalle yaakhalla ni nthona wunchichi nave yaakhupanyella wa Mose ellota wi, “Kaambiiwa tini mwanikhumihelleenyu o Iguputo wi muniiphe ni nthona, hiyaano ni aniihu vamodda ni eziweto ddahu?”

Yesaya 48:21

Yaahoollelliiwa athwiiwa mu echipululu, alliwa kheyaavolliwalle nthona, yahaavaha maaddi ookhuma vanllukuni, yaatthalla nllukunno nave mwaakhuma maaddi.

Yeremiya 32:23

Koma yaavollowilliiwa mwiillaponimmu ni waakha wi ekhalla yayiwayayiwa, yaakhoota owiiwellellani apaalle othwara malamulwaanyu. Yaakhoota weera nnddo mwaalamulalleenyu. Sika ekaamba ya yeella, mohaamorihella ddoohoosa ddittheddenenndda.