Nehemiya 9:14 - Mawu a Mulluku

¹⁴ Mwahaahuddiha osunga Sabata naweella nave mwahaavaha malamulwaanyu oweella mwa oorumeyellaanyu Mose.

Nehemiya 9:14 ပူးပေါင်းရင်းမြစ်များ

Ezekiele 20:12

Kahaavaha nllapo na Sabata wi nikhalle echizindikiro variyari va miyaano ni alliwa wi edduwelle wi mi Apwiya kinnapatula.

Genesis 2:3

Mulluku aadalisa nllapo naneetthanu ni piilli, aaneelliha ekaamba yawi tti nllapo nno iithuuwalleeye amallihalle muttekwaaye muttheene woophatusa.

Ezekiele 20:20

Muriiheke mallapwaaka a Sabata wi ekhalle oopatuleya ni echizindikiro variyari va miyaano ni nyuwaano. Sika muneerodduwella wi mi tti Apwiya Mullukwaanyu.’

Eksodo 16:29

Upuwellani wi miyaano, Apwiya, kohuuvahani nllapo na Sabata. Sika ekaamba ya yeella va nllapo naneetthanu ni nimodda kinnuuvahani yoocha yookwakhwanella mallapo meelli. Arive muthu akhalleke nko ariiye va nllapo naneetthanu ni piilli.”

Eksodo 16:23

Vano Mose ahaalleella wi, “Apwiya aalamula wi, ‘Osiisello tti nllapo nawiithuuwa, na Sabata, noovelleelliwa wa Apwiya, apeyani nnddo munapaallaanyu waapeya nave arikani nnddo munapaallaanyu waarika. Ddoohallannddo muddisunge mvitthe ophiyera osiisello.’ ”

Yohane 1:17

Mulluku aanivaha malamulo oweella mwa Mose koma echisomo ni yawoona ddaawa oweella mwa Yesu Khrisitu.

Nehemiya 1:8

Upuwellani mawu mwamulleelleenyu Mose oorumeyellaanyu wi, ‘Mwaahiroromelleyaka kineerewuupallallesani variyari va athu a mitundu ddimodda,

Deuteronomo 5:31

Koma weyaano Mose okhalle wuno ni miyaano nave kineerowinnya malamulo ni malangizo mattheene. Ddittheddenenndda waahuddihe athu wi ewiiwellelleke malamulwaayo mwiillaponi eyo kinaavaheemi.’

Deuteronomo 4:45

Alla sika malamulo, mawu ni malangizo ayo Mose aalleelleeye Aisraele ekhumalle mu Iguputo.

Deuteronomo 4:5

“Kahuuhuddihani malamulo ni malangizo mattheene moollikana ni mmo Apwiya Mullukwaaka yaakilamulelliiwa. Mwiillaponi eyo munaavolloweenyumo ni waakha, mwiiwellelleke malamulo yaalla.

Levitiko 27:34

Yaalla tti malamulo ayo Apwiya yamulamulalliiwa Mose vamwaangoni wa Sinai wi aalleelle Aisraele.

Eksodo 24:12

Apwiya yaamulleella Mose wi, “Ngawa wa miyaano omwaangoni wuno nave otiyere weewuno. Kineerewuuvaha malluku ayo kilembilleemivo malamulo wi kaahuddihe athu.”

Levitiko 19:3

Arive muthu aavaheke olemu amennya ni attiitthinnya. Musungeke nllapo na Sabata. Mi tti Apwiya Mullukwaanyu.

Nehemiya 10:32

Ninimallupellattho wi orive muyakha nineerekovelleella magaramu masese a siliva awi epharihiweke mitteko dda o enyumba ya Mullukwaahu,

Ezekiele 20:11

Kahalangiza wenko ni waahuddiha malamulwaaka ayo yaavaha okumi athu oowiiwellella.