Nehemiya 9:11 - Mawu a Mulluku

¹¹ Mwaayikawa enyanjeeyo variyari alliwaayo yoonaka wi ellapuwe vawumma nave mwahaavokhella m'maaddini oowallamella ayo yaathwara nave yaapwina wonanko nlluku.

Nehemiya 9:11 ပူးပေါင်းရင်းမြစ်များ

Masalimo 78:13

Aayiikawa enyanja wi alliwa evirevo, ahiimesa maaddi wonanko esiri.

Aheberi 11:29

Ekaamba ya echikhulupililo, Aisraele yaallapuwa vatthi vawumma mu enyanja yoofiira. Koma a Aiguputo voopaallani waattakiha Aisraelaalle, yaavuhellelliwa ni maaddi.

Masalimo 66:6

Aatthattusa enyanja wi ekhalle yawumma navettho Athu yaallapuwa muhinje yeetaka vatthi, sika ekaambiiwa nahakallanlleehuna olliye.

Yawuupullulla 18:21

Vano mungelo amasiva aatukhulla nlluku wunnuwa wiwa wonanko nsillo anivokhella mu enyanja allota wi, “Mmu sika mmo muzinda woovuwa Babiloni aneereeye avokhelliwe vatthi nave khawa ooneyattho.

1 Akorinto 10:1

Asinnaka ni arokoraka, kinapaalla wi muupuwelle ddaweereyelle makhollwaahu. Attheene yaari m'muuthuuchini wa murapo nave attheene yaallapuwa Enyanja Yoofiira.

Eksodo 14:14

Apwiya sika enuuwanelleni ekhoto nave nyuwaano khemweeravo ello.”

Eksodo 14:25

Magudumu a magaretiiwa yaaddalla ni matokwi mwawi magaretaayo yaaneeta mookatamiha. Vano Aiguputwaalle yaallota wi, “Hankoni naathawe Aisraelaalla, ekaamba yawi Apwiya ennaawanella ekhoto, ollipana ni hiyaano.”

Eksodo 14:29

Koma Aisraele attheenaalle yaallapuwa enyanjeeyo vawumma, maaddi yiimenlle wonanko esiri onnattanatta ni wuunyotthoni.

Yeremiya 32:20

Nyuwaano mwaheera ezizindikiro ddoottikhiniha ni mitteko ddoorurumusa o Iguputo. Nave munnaddeera ophiyera ollello, variyari va Aisraele navettho va athu attheene. Sika moovuwiha nnddina nanyu ophiyera ollello.