Nehemiya 9:10 - Mawu a Mulluku

¹⁰ Mwaheera ezizindikiro ni ddoottikhiniha ddoomuvaanyihana Farao, allupa muttekwaaye ni athu attheene a mwiillaponi mwaye vawi mwaadduwella mmo aahooselleeye makhollwaahu. Sika ekaambiiwa epillaanyu evuwalliiwa ophiyera ollello.

Nehemiya 9:10 ပူးပေါင်းရင်းမြစ်များ

Daniele 9:15

“Nyu Apwiya Mullukwaahu, mwahaakhumiha athwaanyu o Iguputo ni nnatta nanyu namasiva nave nnddina nanyu tti noovuwa ophiyera ollello. Koma hiyaano noochimwa, noheera ddoonanara.

Yeremiya 32:20

Nyuwaano mwaheera ezizindikiro ddoottikhiniha ni mitteko ddoorurumusa o Iguputo. Nave munnaddeera ophiyera ollello, variyari va Aisraele navettho va athu attheene. Sika moovuwiha nnddina nanyu ophiyera ollello.

Yesaya 63:14

Munepa wa Apwiya wahaavumiha wonanko mmo ddiniithuuwella eng'ombe o ntapo. Sika nyu Apwiya mwahaahoollella athwaanyu wi nnddina nanyu nititimihiwe.

Yesaya 63:12

Ethiyo ttaani oyo eerille ddeko ddoottikhiniha ni masivaaye muullupalli oweella mwa Mose? Ahaakawa maaddi a mu enyanja athwaaye yoonaka wi nnddina naye nititimihiwe wa enthawi yoohimalla.”

Deuteronomo 4:34

Ethiyo tti mulluku oovi oyo iikusenlle yeekha athu waatthaamiha variyari va mutundu mmodda ni waatthattusa aayeaaye wonanko mmo Apwiya Mullukwaanyu eweerelliiwani o Iguputo wulle? Alliwa yaheera ddennddo ni masiviiwa muullupalli nyuwaano moonaka ni miitthwaanyu. Alliwa yaamoriha ddoohoosa, millilli, ddoottikhiniha, ekhoto ni ddawoopiha.

Eksodo 18:11

Vano kinnadduwella wi Apwiya tti uullupalli okhwaranya milluku ddimodda ddittheddene kaambiiwa yahaavullusa Aisraele wa Aiguputo, mvo Aiguputwaayo yaanyaambusiiwa.”

Eksodo 5:2

Koma Farao ahaakhulla wi, “Ethiyo Apwiyaayo ttaani wi miyaano ttuuwiiwellella ddennddo ni owaakhullella Aisraele wi evenyemo? Apwiyaayo nginaadduwella nave ngiwa kaakhullella wi Aisraelaayo evenyemo.”

1 Petro 5:5

Emoddamoddave yeeyo asombwe nyu, munaphwanella muwiiwellelleke attekweenaanyu. Nave attheenenyu munaphwanella mwiiyeviheke wi murumeyellaneke vawi mawu a Mulluku eni, “Mulluku annaahiiha awiitukhulla koma annaweerella echifundo awiiyeviha.”

Aroma 9:17

Vawi mawu a Mulluku wa Farao eni, “Kahuuvaha omwene wi koonihe masivaaka navettho kivuwihe epillaaka oweella mwa weyaano mu ellapo yavatthi ettheene.”

Mitteko 7:36

Ahaahoollella athu okhuma mu Iguputo vaweerani ezizindikiro ni ddoottikhiniha mu Iguputo navettho va Enyanja Yoofiira nave muchipululuni wa miyakha 40.

Daniele 5:23

Mohiitukhulla moovaanyihana ni Apwiya Ooddullu. Eziwiya dda o enyumba ya Mulluku aawaana o machellellwaanyu. Nave moomuwiryellamo vinyo nyuwaano, enduna ddanyu vamodda ni awarinyu uullupalli ni ang'onong'ono. Mootitimiha milluku ddasiliva, ddagolide, ddamukuwa, ddamukoko, ddamuteekho ni ddamalluku nnddo ddihinoona apaalle wiiwa. Khamwaamuvahille olemu Mulluku oyo anasunga m'mattani mwaye mpweyaanyu ni owehera meetellwaanyu mattheene.

Daniele 4:37

“Sika mi Nebukadinezara kinnamutthamalla Mulluku, kinnamuthokoza ni omutitimiha mwene Ooddullu. Ddaweera ddaye ddittheddene tti ddaphaama nave ettilla ddaye ddittheddene tti ddoolungama. Olliye annamuyeviha arive muthu awiitukhulla.”

Ezekiele 20:9

Koma ngaaweerille ddennddo wi nnddina naka nihivevuwe variyari va mitundu ddimodda nnddo ddakhalla nimodda ni Aisraele. Vallethi kaari koonihalle masivaaka vamiitthoni va mitundunnddo vawaalleellani Aisraele wi eneerokhuma mu ellapo ya Iguputo.

Masalimo 83:18

Edduwelle wi nyeeneve, nnddina nanyu tti Apwiya Amasiva Mattheene oolamulella ellapo yavatthi ettheene.

Eksodo 7:1

Apwiya yaamwaakhulla Mose wi, “Ngoona, kineeroweeriha wi okhalle wonanko Mulluku wa Farao nave mwanamunno, Aroni, sika anaakhalle wonanko eyanwaawo.

Eksodo 3:20

Sika miyaano kineerophariha mutteko masivaaka nave kineeromullaka Iguputo ni ddoottikhiniha nnddo kinaaweereemi wenko. Ddennddo ddeereya, aneerowaakhullellani wi muvenyewo.

Eksodo 9:16

Koma kohuusungani ni okumi wi koonihe masivaaka ni ovuwiha epillaaka mu ellapo yavatthi ettheene.

Nehemiya 9:16

Koma alliwa ni makhollwaahu yahiitukhulla, yahummiha mirima ddiwa nave kheyaawiiwellelle malamulwaanyu.

Nehemiya 9:29

Mwaanaachenjeza wi yaambeellettho wiiwellella malamulwaanyu yaaniitukhulla nave kheyaawiiwellella. Yaanachimwella malamulwaanyu oovaha okumi wa athu awaasunga. Vano yaanakhootave enummiha mirima ddiwa nave kheyaawiiwellella.

Deuteronomo 7:19

Nave muupuwelle millilli ddawoopiha, ddoohoosa, ddoottikhiniha ni masiva muullupalli nndde moonilleenyu ni miitthwaanyu nnddo Apwiya yuukhumihalleniiwani. Athu attheene munawooveenywaalla Apwiya Mullukwaanyu eneerowoononga moollikana ni mmo yawoonongelliiwa Aiguputo.

Yesaya 42:20

Wohoona ddinchichi koma khonaddipwatha, Maarwaawo tti oohulla koma khoniiwa.”