Nehemiya 8:8 - Mawu a Mulluku

⁸ Nave yaheerenga mwawiiweya phaama malamulo a Mulluku ovenyera munibukhunimmo nave yahaattaphullella mawaayo wi athu yiiwesese phaama.

Nehemiya 8:8 ပူးပေါင်းရင်းမြစ်များ

Mitteko 28:23

Vano yahiiwanana nllapo nawi ekumane ni Paulooyo nave mulloko muullupalli wa athu waawa nllapo nenno ochipindani wakhalla Paulonko. Waambeella ohinase ophiyera mahiiyu ahaatthopoollella ni weerella omboni dda omwene wa Mulluku. Ahaalleella dda Yesu vawaaromollellani dda malamulo a Mose ni ehuddiho ya anamallotella nngu aapaallaka wi aakope.

Luka 24:45

Vano aahulla miru ddiwa wi yiiwesese phaama mawu a Mulluku.

Luka 24:32

Yaallota muthu ni mukhwaaye, “Naahakallalla alloteeye neetaka m'musewuni mulle anilleellaka dda mawu a Mulluku.”

Luka 24:27

Nave Yesu ahaatthopoollella dda ddittheddene ddalembiwe mu mawu a Mulluku ddayeekha, waamba malamulo a Mose ophiyera ddoolembiwa dda anamallotella attheene.

Habakuku 2:2

Apwiya yaakaakhulla wi, “Lemba masomphenyaalla vanllukuni wi muthu ttuuweerenga moohikatamiha.

Ezara 4:18

“Kalata mwanirumihelleenyu oheerengiwa ni ottaphullelliwa vamiitthoni vaka.

Nehemiya 8:7

Athwaayo yiimenllettho Alevi yahaakavihera wi yiiwesese malamulo. Alevaayo tti Yeshuwa, Bani, Sherebiya, Yamini, Akubu, Shabetayi, Hodiya, Maaseiya, Kelita, Azariya, Yozabadi, Hanani ni Pelaya.

Nehemiya 8:9

Vano Nehemiya oyo aari enduna, Ezara mullupa mukutho ni namalembella, Alevi ayo yaahuddiha athu yaallota wa athu attheene wi, “Nllapo nenna tti naweella wa Apwiya Mullukwaanyu, sika muhimoriwe ethakaraka ni winlla.” Vawi athu attheene yahinlla mvo yiiwalliiwa mawu a malamulwaayo.

Nehemiya 8:12

Nave athu attheene yaarowa owaniwa wi yache ni owirya navettho wi yaakawelle athu amodda ddoocha wi yeereye ehakallallo yuullupalli ekaamba yawi yahiiwesesa mawu a malamulo ayo yeerengiwe wa alliwa.

2 Mamwene 23:2

Nave mwenooyo aaya o enyumba ya Apwiya ni athu attheene a o Yuda ni a mu Yerusalemu, allupa mukutho ni anamallotella navettho athu attheene uullupupalli ni ang'onong'ono. Vano olliye aheerenga vamiitthoni viwa mawu mattheene a mu nibukhu na echipangano naphwanyeye mu enyumba ya Apwiya.

Nehemiya 9:3

Nave athu attheene yahiimella va nipuro nimoddamoddave nenno wa maora mararu malamulo a Apwiya Mullukwiiwa yeerengiwiiwa nave wa maora mararu mamodda yaawulula machimwiiwa yaallapella Apwiya Mullukwiiwa.

Ezekiele 46:10

Vano mwene athaananekena. Avolloweke ni athwaayo yaavollowaka nave akhumeke yaakhumaka.