Nehemiya 8:6 - Mawu a Mulluku

⁶ Sika Ezara ahaatitimiha Apwiya Mulluku Muullupalli. Vano athu attheene yahaakhulla wi, “Amen, Amen” etukhullelle mattiiwa muddullu nave yaakokhora yaallapella Apwiya.

Nehemiya 8:6 ပူးပေါင်းရင်းမြစ်များ

1 Timoteo 2:8

Kinapaalla wi allopwana evekelleke m'mapuroni muttheene ni owelliha muddullu matta aweella moohivaanyihana apaalle moohikangana.

Maliro 3:41

Hankoni nitukhullelle mirima ddahu ni mattaahu wa Apwiya ooddullu.

Eksodo 4:31

Vano Aisraelaalle yaakhulupilila ddennddo. Sika yiiwalle wi Apwiya yaawa wa alliwa nave yahoona ohoosiwa wiwanko, yaakokhora emullapella Mulluku.

2 Epilli 20:18

Vaavo Yehoshafati aakokhora nave athu attheene a o Yuda ni Yerusalemu yaakokhora ellapella vamiitthoni va Apwiya.

Yawuupullulla 7:11

Angelo attheene yahiimella moowaapheella mpando wa omwene, attekweene ni ddoophatusiwa ddookumi ddisese. Nave yaapopheya ekhove ddiwa vatthi vamiitthoni va mpando woomwene emullapella Mulluku.

Masalimo 134:2

Tukhullellani mattaanyu o nipuro niwa noopatuleya, atitimiheni Apwiya.

Nehemiya 5:13

Vano kaattaphulla kittattha yoowaraaka killota wi, “Emoddamoddave yeeyottho Mulluku amuttatthe arive muthu ahinaaweere nnddo alonjezilleeye. Sika yooyo attatthiwe nave ahoowe, ahikhalle ni ello.” Nave mutthukumano muttheene wahaakhulla wi, “Amen” wahaatitimiha Apwiya. Nave athu yaheera nnddo yalonjezilliiwa.

Genesis 24:26

Vano mulletoolle aakokhora vatthi nave ahaallapella Apwiya.

1 Epilli 29:20

Nave Davide aallota wa mutthukumano muttheenoolle wi, “Atitimiheni Apwiya Mullukwaanyu.” Vano athu attheene yahaatitimiha Apwiya Mulluku a makhollwiiwa nave yaakokhora yaallapella Apwiya ni omuvaha olemu mwene.

Levitiko 9:24

Nave Apwiya yaakhariha munllo oshellelliha mukutho wooshellelliha ni makhura nnddo ddaari vanikuwanimvo nave athu yoonilliiwa munllooyo, yaakhuwa emora ekhove ddiwa.

Eksodo 12:27

Vano nyuwaano muwaakhulleke wi, ‘Tti mukutho wa Ehakallallo ya Paska wowaatitimihana Apwiya ekaamba yawi yaakhwaranya enyumba dda Aisraele o Iguputo yawiiphiiwa anamwani aallopwana awaamba a Aiguputo. Koma yaanihiya ohiniipha.’ ” Oohoollellaayo yiiwalliiwa ddenndda yaakokhora ellapella.

1 Petro 1:3

Nimuthokoze Mulluku Attiitthiiwa a Apwiihu Yesu Khrisitu! Ekaamba ya echifundwaaye yuullupalli aanivaha okumi wanaanweene ni otiyerella wookumi voomuvenyihani Yesu Khrisitu wa ookhwa.

Aefeso 1:3

Hankoni nimuthokoze Mulluku, Attiitthiiwa a Apwiihu Yesu Khrisitu! Vawi mu eyaattanweehu ni Khrisitu oonidalisa voonivahani ovenyera oddullu erive madaliso a Munepa.

1 Akorinto 14:16

Mwaamuthokozaka Mulluku m'munepanive, athu amodda eneere “Amen” mwawiidde mwawaakhullella othokoza wanyu yaahidduwella eyo munallotaanyu?

Mateyu 26:39

Nave aaya vahoollo vang'ono akokhora oweha vatthi nave avekella wi, “Attiitthaaka, wakhalla wooworeya, mukivenyiherevo kapu a ddookatamihoolla! Ohiri opaalla waka koma opaalla wanyu weereye.”

Mateyu 6:13

Muhinikuselle woweesiwa, koma munivulluse wa Oonanarooyo.

Yeremiya 28:6

“Amen! Apwiya yeere ddenndda. Apwiya esimikize ollotenlleewenndda voohokollosellani eziwiya dda o enyumbiiwa ni akaporo attheene o nipuronna ovenyera o Babiloni.

Masalimo 141:2

Nivekello naka niwelle wa nyuwaano wonanko lubani,* otukhullella muddullu wa mattaaka okhalle wonanko mukutho wamisikuwa.

Masalimo 63:4

Kineerewuutitimihani mallapo mattheene a okumaaka, kineerotukhullella mattaaka wa nyuwaano moovekella.

Masalimo 41:13

Etitimiheye Apwiya Mulluku a Israele, waambeella enthawi yoohimalla wa enthawi yoohimalla! Amen! Amen!”

Masalimo 28:2

Iwani oveka waka, kaawinllellakani wi mukikavihere, kawuullapellakani mootukhullella muddullu mattaaka oweha o nipuro nanyu naweella.

2 Epilli 29:30

Vano mwene Hezekiya ni enduna ddaye yahaalamula Alevi wi yiipe machipo owaatitimiha Apwiya moollikana ni mawu a Davide ni namallotella Asafu. Vano yahiipa moohakallalla nave yaakokhora ellapella.

2 Epilli 6:4

Nave aallota wi, “Etitimihiwe Apwiya Mulluku a Aisraele, ayo ekwakhwanihalle ni masiviiwa nnddo yalonjezilliiwa wa Davide attiitthaaka yaallota wi,

Genesis 14:22

Koma Abramu ahaakhulla wi, “Kinimallupella vamiitthoni va Apwiya Mulluku Amasiva Mattheene, oophatusa oddullu ni ellapo yavatthi

1 Epilli 16:36

Oodala tti Apwiya Mulluku a Israele, ovenyera o enthawi yoohimalla, wa enthawi yoohimalla!” Vano athu attheene yahaakhulla wi, “Amen” nave yahaatitimiha Apwiya.

Nehemiya 8:7

Athwaayo yiimenllettho Alevi yahaakavihera wi yiiwesese malamulo. Alevaayo tti Yeshuwa, Bani, Sherebiya, Yamini, Akubu, Shabetayi, Hodiya, Maaseiya, Kelita, Azariya, Yozabadi, Hanani ni Pelaya.

1 Epilli 29:10

Vano Davide ahaatitimiha Apwiya vamiitthoni va mutthukumano muttheene nave aallota wi, “Nyu Apwiya Mulluku a Israele, nikhollo na Yakobo mutitimiheye wa enthawi yoohimalla”

2 Epilli 29:10

Vano kooganiza ddookeraatthiha echipangano ni Apwiya Mulluku a Israele wi osha murima wiwa ovenyevo va hi.

Masalimo 95:3

Vawi Apwiya sika Mulluku muullupalli, tti mwene muullupalli, ookhwaranya milluku ddittheddene.