Nehemiya 8:1 - Mawu a Mulluku

¹ Voophiyani mweeri waneetthanu ni piilli, Aisraele yaari ekeraattheyille m'mapuroni mwiwa. Vano athu attheene yaatthukumana vamodda vanthatoni moowehana ni mullako wa Maaddi. Vano athwaayo yaamuveka Ezara namalembella wi aweena nibukhu na malamulo a Mose nno Apwiya yaavahilliiwa Aisraele.

Nehemiya 8:1 ပူးပေါင်းရင်းမြစ်များ

Ezara 7:6

Ezaroolla aawa ovenyera o Babiloni. Olliye aari muhuddihi eeruso a malamulo a Mose ayo Apwiya Mulluku a Israele aavelleelleeye. Nave amwene yaamwinnya ddittheddene avekilleeye ekaamba yawi nnatta na Mullukwaaye naari va olliye.

Nehemiya 3:26

ni allupa mutteko a o enyumba ya Mulluku ayo yakhalla va Ofele ophiya o nipuro noowehana ni mullako wa Maaddi wookhuma nndduwa navettho nttattha noorekama.

2 Epilli 34:15

Vaavo Hilikiya aamulleella Shafani namalembella wi, “Kooniphwanya nibukhu na malamulo mu enyumba ya Apwiya.” Nave Hilikiya aanivelleella nibukhunno wa Shafani.

Ezara 7:11

Olla sika kalata oyo mwene Aritakisereksesi amwinnyalleeye Ezara mullupa mukutho, namalembella, muhuddihi eeruso a malamulo a Apwiya ni malangizwiiwa mu Israele.

Mateyu 23:34

Ekaamba ya yeella kineerewuurumihellani anamallotella ni athu eezeru ni ahuddihi. Amodda a yaayo muneerowiipha, amodda muneerewaatthomeya vamutandani nave amodda muneerewaawashulla mu enyumba ddanyu ddamavekello ni waathamakiha ovenyera o etawoni emodda ophiya o etawoni emoddeeyo.

Mateyu 23:13

“Nyu, awoottha, ahuddihi a malamulo ni Afarisi, mookhalla ni otulli! Munnawalla nchiwi na omwene wa Mulluku wi athu ehivollowemo. Nyuwaano khamunavollowamo nave munnahiiha ayo enapaalla ovollowa!”

Mateyu 23:2

wi, “Ahuddihi a malamulo* ni Afarisi* aakhalla ni olamulello woottaphullella malamulo a Mose.

Mateyu 13:52

Vano Yesu ahaalleella wi, “Sika arive muhuddihi a malamulo* oyo anakhalla oohuddera a omwene wa Mulluku ari wonanko mwaneena a nibanja oyo anakhumiha ddeko ddanaanweene ni ddakhalle mu enyumba yoosungellamo.”

Malaki 4:4

“Upuwellani ehuddiho ya Mose oorumeyellaaka, malamulo ni malangizo kamwinnyalleemi va mwaango wa Horebu wi Aisraele attheene yiiwellelleke.

Yesaya 8:20

wi yaakhellewo mawu oophara murima ni malangizo? Alliwa yaahillota moollikana ni mawu alla, ddawoona khewaasella.”

Nehemiya 12:37

Nave va mullako wa Neetuutu yaawella va masitepe ooya o muzinda wa Davide voothwarani ettilla ya vasirini omwaako wa enyumba ya Davide o mullako wa Maaddi wookhuma nndduwa.

Nehemiya 8:16

Sika athu yaaya yaasha enthambinndde ewaana nave yaamaka misasanndde, arive muthu vaddullu va enyumbaaye apaalle va nthato naye navettho mu mathato a enyumba ya Mulluku, va mathato a mullako wa Maaddi ni a mullako wa Efuremu.

Oweeruza 20:8

Athu attheene yaavenyera nimodda ellota wi, “Khaavo muthu anaaye omusasani waye. Khaavo naari muthu mmodda anaarowe owaniwa.

Oweeruza 20:1

Aisraele attheene yaatimulla waambeella o Dani ophiya o Beeresheba, owaakattho ellapo ya Giliyadi nave yaatthukumana vamiitthoni va Apwiya o Mizipa.

2 Epilli 34:30

Nave mwenooyo aaya o enyumba ya Apwiya ni athu attheene a o Yuda ni a mu Yerusalemu, allupa mukutho ni alevi navettho athu attheene uullupupalli ni ang'onong'ono. Vano olliye aheerenga vamiitthoni viwa mawu mattheene a mu nibukhu na echipangano naphwanyeye mu enyumba ya Apwiya.

Ezara 7:10

Vawi murima wa Ezara waari va mahuddero a malamulo a Apwiya ni owiiwellella navettho wi ahuddiheke malamulo ni malangizo mu Israele.

Nehemiya 8:3

Vano Ezara aheerenga ovenyera munibukhunimmo ari moowehana ni nthato na maaddi waambeella ohinase ophiyera otthaana vamiitthoni va allopwana, atthiyaana ni anamwani ayo yawora wiiwesesa phaama. Sika athu attheene yahaapella maaru o nibukhu na malamulo neerengiwanno.

Levitiko 9:5

Ddittheddene nnddo Mose aalamulalleeye athwaayo yaawaana vanthatoni na musasa wamutthukumano. Nave athu attheene yaasusera vakhuviru wi yaallapella Apwiya.

Deuteronomo 31:11

Mweerengeke lamulonna wa Aisraele attheene yaawa wi ellapelle va nipuro nno Apwiya enaatthoolliiwa weekhiiwa.

2 Mamwene 23:2

Nave mwenooyo aaya o enyumba ya Apwiya ni athu attheene a o Yuda ni a mu Yerusalemu, allupa mukutho ni anamallotella navettho athu attheene uullupupalli ni ang'onong'ono. Vano olliye aheerenga vamiitthoni viwa mawu mattheene a mu nibukhu na echipangano naphwanyeye mu enyumba ya Apwiya.

Ezara 7:1

Vano ddimanlle ddenndda mu olamulello wa mwene Aritakisereksesi a o Persiya, vaakhalla muthu nnddina naye Ezara mwaana a Seraya, mwaana a Azariya, mwaana a Hilikiya,

Nehemiya 12:26

Yaalla sika yaarivo enthawi ya Yoyakimu mwaana a Yeshuwa, mwaana a Yozadaki navettho enthawi ya enduna Nehemiya ni ya Ezara mullupa mukutho navettho namalembella.