Nehemiya 6:13 - Mawu a Mulluku

¹³ Yamulembille mutteko yoolla wi ekoopopihe nave kichimwe. Vano keera ddiiddo ekivahe nnddina noonanara navettho ekinyemulleke.

Nehemiya 6:13 ပူးပေါင်းရင်းမြစ်များ

Yeremiya 20:10

Kinnawiiwa anchichi enong'onaka wi, “Ddawoopiha ddiri orive weko!” Enallota wi, “Khaweni mwamootthere! Hankoni namusumelle!” Akhwaaka ennatiyerella olephela waka, ennallota wi, “Apaalle ttuumootthella, sika nineeromuphara wi nimuhokolloselle ddoonanara.”

Yakobo 4:17

Muthu anadduwella yaphaama yawi eere koma aheera, yooyo tti oochimwa.

2 Timoteo 1:7

Vawi Mulluku khaanivahille munepa wawoova koma munepa wa masiva, echikondi ni wiihiiha.

Yeremiya 18:18

Vano athu yaallota wi, “Hankoni niiwanane ddoomweerella echiwembu Yeremiya wi nivirellelle okhalla ni allupa mukutho oonihoollella, athu eezeru oonilangiza ni anamallotella oonillalleyella mawu a Mulluku. Hankoni nimwiipe mullatu nave nihiye opwatha mawaaye.”

Miyambo 29:5

Muthu anamulleka mukhwaaye mwawoollowa anamureya nikwekwe.

Nehemiya 6:6

Mukalatanimmo mwalembiwe wi, “Wohiiweya variyari va mitundu ddimodda nave Geshemu annallotattho emoddamoddave yeeyo wi nyuwaano vamodda ni Ayuda munapaalla owukila. Sika ekaambiiwa munamakeenyu esiri dda mpanda nave wohiiweyattho wi munapaalla mukhalle mweniiwa.

Yawuupullulla 21:8

Koma athu awoova, oohiroromelleya, ookonda ddoonanara, ooraruwa, owiipha, oweera ddookhwiri, oollapella mafano nave attheene awoottha, nipuro niwa sika enyanja ya munllo ni sulufure. Yeella sika okhwa waneepiilli.”

Tito 2:8

Mawaawo ekhalle awoona wi ehivaanyihiwe. Vano wi adanaawo ewulliwe muru nave ehikhallena yoonanara yoonillotella hiyaano.

1 Timoteo 5:14

Sika kinapaalla wi anaamukhwelle a miyakha ddooyeva etthelliweke, yaayareke anamwani, yeetiheke mabanjiiwa wi ehaavahe adaniihu ekari yoollota ddoonanara dda hiyaano.

2 Akorinto 11:12

Kineerovirellella weera nndda kineereemi vano wi amurummwa amoddaayo ehiphwanyellevo mpata wookota voollotani wi ennaphara mutteko wonanko hiyaano.

Mitteko 6:13

Nave yaawaana amboni awoottha ayo yallota wi, “Muthu yoolla khahiyalle ollota ddoovaanyiha nipuro noopatuleya ni malamulo a Mose.

Mateyu 26:59

Nave allupa mukutho uullupalli ni attekweene a millatu attheene yahaashaasha omboni wawoottha woomuvaanyiha Yesu wi emwiiphe.

Mateyu 22:15

Afarisi* yaarowa yiiwanana wi emphwanyelle mullatu Yesu ni nnddo anaalloteeye.

Mateyu 10:28

Muhiwooveke ayo eniipha mwiillive koma khenawora wiipha munepa. Koma mumooveke Mulluku oyo anawora wiipha munepa ni mwiilleene mu gehena.

Ezekiele 2:6

We mwaana a muthu, ohoove apaalle otthukumellana nnddo enaallotekiiwa. Ohooveke naari miiwa apaalle kakande ddiwaapheelle naari wakhalla variyari va anamukalizi. Ohooveke mawiiwa nave ohikhupanyeke ni maweherwiiwa vawi athwaayo tti oowukila.

Yeremiya 1:17

Koma we Yeremiya, okhozeke nave oye waalleelle erive ello kuulamulelleemi. Ohiwoove alliwa wi kihuutthattuse awoova vamiitthoni viwa.

Yesaya 57:11

Apwiya enallota wi, “Ethiyo tti milluku ddiivi nnddo mwaddoonilleenyu munaddoova ophiyera mwaakitiwallesesa oohikipwatha? Ethiyo moohiya okoova ekaamba yawi koheera ellapo tuu va enthawi yoorekama?

Yesaya 51:7

Nyu oodduwella echilungamo, ngiiwani, nyu oosunga malamulwaaka m'murimani. Muhoove athu yaawuuhumullullakani, muhitathille murima yaawuunyaambusakani.

Oollalleya 7:1

Epilli yaphaama ennakhwaranya makhura awunkhella oowallamella mutengo. Nllapo nookhwa tti nookhwaranya nllapo nooyariwa.

Miyambo 22:1

Epilli yaphaama tti yoopaalleya okhwaranya eyuuma yinchichi, oweerella ddaphaama akhwaawo tti wookhwaranya Siliva ni golide.

Nehemiya 6:12

Sika kahoona wi Mulluku khaamurumalle koma akillotella ddenndda ekaamba yawi Tobiya ni Sanibalati sika yamulembille mutteko yoolla.