Nehemiya 6:11 - Mawu a Mulluku

¹¹ Koma kahaakhulla wi, “Ethiyo muthu wonanko miyaano ttuuthawa? Nave muthu wonanko miyaano ttuuwiipittha mu enyumba ya Mulluku wi kiivulluse? Ngivollowamo miyaano.”

Nehemiya 6:11 ပူးပေါင်းရင်းမြစ်များ

Mitteko 21:13

Koma aallota wi, “Kaambiiwa tini, muninlleenyu mookivoriiha murima ddiidda? Miyaanothi kookhozeka ohiri omakiwave o Yerusalemunko koma naari okhwa ekaamba ya Apwiya Yesu.”

Miyambo 28:1

Muthu oonanara annathawa ahiivo anawiikariha koma oolungama annallipa murima wonanko mukango.

Afilipi 2:17

Echikhulupilwaanyu ni orumeyella wanyu tti wonanko yooheraatthiwa va mukutho. Vano naari kakhwa, nikhame naka nineerohelliwa vaddullu va mukuthwaanyu, koohakallalla vamodda ni nyuwaano attheene.

Mitteko 20:24

Koma nginapwatha dda eyo enaakeereyelle. Emoddave eyo kinapaalleemi tti yawi kimallihe muttekwaaka ni orumeyella kavahiweemi ni Apwiya Yesu wi keere, ollalleya othenga waphaama wa echisomo ya Mulluku.

Masalimo 112:8

Tti oollipa murima, khanoova, voomallihellani aneerowoona adanaaye egonjille.

Masalimo 112:6

Vawi muthu oolungama khanatikheya naari vang'ono, khatiwalleya wa enthawi yoohimalla.

Aheberi 11:27

Ekaamba ya echikhulupililo, Mose aakhumawo o Iguputo moohoova oowalli wa Farao vawi aanavillella wonanko muthu oomoona Mulluku oohooneyoolla.

Afilipi 2:30

kaambiiwa ahiivelleella moollipa murima nave ohalla vakhuviru okhwa ekaamba ya mutteko wa Khrisitu wi akikavihere munipuroni mwanyu.

Oollalleya 10:1

Engwillihi ddookhwa ddinnawiiha nthuko noonanara mu makhura awunkhella phaama emoddamoddave yeeyo okarangeya vang'ono onnoononga ezeru ni olemu.

Nehemiya 6:9

Vawi attheene yapaalla onoopopiha vooganizani wi Ayuda eneerohiya muttekooyo nave khovirellella. Koma vano Mulluku, llipihani mattaaka.

Nehemiya 6:3

Nave kahaarumihawo amithengaaka yaalleella wi, “Mi kookhalla ni mutteko muullupalli nave ngiwora okitthella wenko. Ethiyo mutteko wiimelle ekaamba yawi koowuhiya kiwa wa nyuwaano?”

1 Samuele 19:5

Vallethi ahiivelleella wunchichi voomwiiphani Goliyatoolle. Apwiya yahaakavihera Aisraele nllapo nenne vawaapambanihani nave ddahuuhakallallihani. Kaambiiwa tini munapaalleenyu omweerella ddoonanara Davide muthu oohichimoolla.”

Mitteko 8:1

Nave Saulo aaniiwanana ni wiiphiwa wa Sitefanonko. Nllapo nene nenno mpingo wa o Yerusalemu wahaamba ohoosiwa wunchichi. Ookhulupilila attheene waahiya amurummwa, yaapallalleyella mu echigawo ya Yudeya ni ya Samariya.

Yesaya 10:18

Otthako muullupalli ni ethaya yaphaama ddineerewoonongiwa nave ddinaakhalle wonanko muthu oovoriiwa awoonda.

Nehemiya 6:12

Sika kahoona wi Mulluku khaamurumalle koma akillotella ddenndda ekaamba yawi Tobiya ni Sanibalati sika yamulembille mutteko yoolla.

Numeri 3:10

Omutthoolle Aroni ni anaaye wi ekhalle allupa mukutho. Koma arive muthu anaawaatamelle musasa wamutthukumano iiphiwe.”