Nehemiya 5:8 - Mawu a Mulluku

⁸ Nave kaallota ni alliwa wi, “Naawora owoopolla Ayuda akhwiihu ayo yiikullihalle wa mitundu ddimodda koma vano nyuwaano munaawatihera wi yiikullihe wa nyuwaano!” Athwaayo yaari mi ellapo tuu orama yoollota.

Nehemiya 5:8 ပူးပေါင်းရင်းမြစ်များ

2 Akorinto 8:12

Mwakhalla ni ntthitti noovelleella, Mulluku aneerewaakhella emphaso ddanyu moollikana ni nnddo muriinyuna ohiri moollikana ni nnddo muhiinnaanyu.

1 Akorinto 8:11

Sika vano ekaamba ya ezeru ddawo muthu oofooka yoolla, mwanamunno apaalle murokoriyo oyo Khrisitu amukhwenlleeye aneerewoonongiwa.

Aroma 14:15

Mwaakukhumulla asinninyu ni arokorinyu ekaamba ya yoocha munacheenyu, ddinooniha wi khamunaakondattho alliwaayo. Yoocha munacheenyu ehimoononge muthu aakhwelliwe ni Khrisitu.

Aroma 3:19

Vano ninnadduwella wi erive ello m'malamuloni mmo enallota dda ayo enalamuliwa ni malamulwaayo wi athu ehikhalle ni mawu oothawellavo nave wi ellapo yavatthi ettheene yeeruziwe ni Mulluku.

Mateyu 25:29

Vawi arive muthu arina ello aneerewaanjereriwa ddimodda nave aneerokhalla ni ddawaata. Koma muthu oyo ahinna ello naari eng'onong'ono ariiyeneeyo aneerewaakhiwa.

Mateyu 25:15

Aamuvaha arive muthu moollikana ni ezeru ddaye. Mmodda aamuvaha makobiri matthanu ni mmodda meelli ni mmoddattho nimodda. Vano aatimulla va olendwaaye.

Mateyu 22:12

Mwenoolle aamukoha wi, ‘Mukhwaaka wavollowille mmu mwawiidde ohinna yoowara ya okwati?’ Koma muthoolle khaarina yoollota.

Yobu 32:15

Aakhwa mullakallaka, khenaakhullattho, khenna naari yoollota.

Yobu 29:10

Enduna ddaaneera ellapo tuu, muwano mwaanawumma.

Deuteronomo 24:7

“Arive muthu anamwiiya Muisraele mukhwaaye ni omusunga apaalle omukulliha wonanko kaporo, iiphiweke. Sika mwawi ddiidda muneerovenyihavo yoonanara variyari vanyu.

Eksodo 21:16

“Arive muthu anaamwiiye muthu ni omukulliha apaalle omusunga wonanko kaporo, iiphiwe.

Agalatiya 6:10

Sika vano nakhalla ni enthawi ninaphwanella neereke ddaphaama wa arive muthu nave makamaka ayo eri a mu nibanja nahu na echikhulupililo.

Nehemiya 5:9

Vano kaavirellella ollota wi, “Muneereenyunndda khe ddaphaama. Ethiyo nyuwaano khemunaphwanella omoova Mullukwaahu wi adanaahu a mitundu ddimodda ehininyaambuseke?