Nehemiya 5:11 - Mawu a Mulluku

¹¹ Pepaani, ollello vaava mwaahokolloselle emata ddiwa, emata ddiwa ddampesa, miteekho ddiwa dda olivi ni enyumba ddiwa nave mwaakhululukelle naviikho a makobiri, a tirigu, a vinyo ni a makhura mwaakongolihalleenyu.”

Nehemiya 5:11 ပူးပေါင်းရင်းမြစ်များ

Yesaya 58:6

“Ohalla ocha nko kinapaalleemi tti wawi muttaphulle onyolo woohoosella, muttaphullettho mikwe dda nigoli,* mwaattaphulle oopaneya nave mwinttake nirive nigoli.

Luka 3:8

Mweereke ddeko ddawooniha wi moorukunuwa murima wonanko muteekho onimma ezipaso ddaphaama. Nave muhinallotaka weekhiinyu wi, ‘Abrahamu sika nikhollo nahu.’ Kinimuulleellani wi Mulluku ttuuwora otthattusa mallukwaalla okhalla edduullu dda Abrahamu.

2 Samuele 12:6

Dda mwaanaankhosooyo ahokollose ddimodda ddisese ekaamba yaweera ddenndda. Navettho ekaamba yoohikhalla ni ethakaraka.”

1 Samuele 12:3

Kuukoheni apaalle yookhallavo eyo kichimwalleemi wa nyuwaano? Yaarivo kiivaanyiheni vamiitthoni va Apwiya ni va mwenaanyu oozoziwa.* Ethiyo ttaani kamwaakhillekeemivo eng'ombe? Ttaani kamwaakhillekeemivo bulu? Ttaani kamoottotthillekeemivo apaalle omuhoosa. Ethiyo kaakhenlle ddamukaphwani ddawani wi mullatwaaye weete phaama? Oyo anaavelleelle omboni wawoona, kineeromuhokollosella ddittheddene kakusalleemi.”

Deuteronomo 6:11

Vineerokhalla enyumba ddooddalla ni ddeko ddaphaama nnddo mwahihiyalleenyumo, ehime ddookatakata nave emata ddampesa ni dda olivi nnddo mwahaallilleenyu Apwiya yuuvollochihani mu ellapo yeella nave mwakhalla ni yoocha yinchichi

Nehemiya 5:10

Ello emodda tti yawi miyaano, abalaaka ni mullupa muttekwaaka nahaakongoliha makobiri ni tirigu oohaakhella naviikho. Hankoni nihiye dda naviikho.

Nehemiya 5:12

Vano alliwaayo yahaakhulla wi, “Nineerewaahokollosella ddittheddenenndda nave khenikusavo ello. Nineereweera wonanko mmo mullotelleenyu.” Vaavo kaawiithaniha allupa mukutho nave kahaallupelliha wi yeere moollikana ni mmo yalonjezilliiwa.