Nehemiya 4:17 - Mawu a Mulluku

¹⁷ ayo yamakattho esireeyo. Naari ayo yatukhulla ddeko ddoomakella yaphara mutteko ni nnatta nimodda nngu etukhullalle echida o nnatta nimodda.

Nehemiya 4:17 ပူးပေါင်းရင်းမြစ်များ

2 Timoteo 4:7

Koowana ekhoto yaphaama, koomalliha mujaho woothamaka nave koosunga echikhulupililo.

2 Timoteo 2:3

Okawane ni miyaano ddoohoosa wonanko akhoto aphaama a Khrisitu Yesu.

2 Akorinto 6:7

voollalleyani othenga wawoona ni vookhallani ni masiva a Mulluku. Echilungamo sika ezida ddahu ddoowanella ni ddawiitetezella.

Afilipi 1:28

Muhiwooveke adanaanyu mu erive ello vawi yeella eneerewaasimikizella wi eneerewoonongiwa nave nyuwaano muneerovulluwa kaambiiwa Mulluku sika anuuvulluseni.

1 Akorinto 16:13

Chenjerani, khallani oohitikheya mu echikhulupililo, khallani oohoova nave khallani amasiva.

1 Akorinto 16:9

Vawi wuno mullako wookihulleyella miyaano wa mutteko muullupalli ni woopaalleya naari oovaanyihana eriwo anchichi.

1 Akorinto 9:12

Nave amodda yaphwanella waakhella ddenndda ovenyera wa nyuwaano, hiyaano khaninaphwanella wunchichi waakhella ddenndda? Hiyaano khanipharihalle mutteko yoophwanella yeella koma noovillella erive ello wi nihisellihe othenga waphaama wa Khrisitu.

Daniele 9:25

Vano dduwella nave iiwesesa wi ovenyera enthawi eyo mawu yiiweyilliiwa awi Yerusalemu aneeropotokosiwattho ni omakiwattho ophiyera enduna yoozoziwa ephiyalle,* vinaavire miyakha mitthanu ni miilli oruuwiha otthanu ni opiilli. Sika muzindooyo oneeromakiwattho ori ni misewu ni engalande ddawiitetezella nave onakhallewo miyakha 62 oruuwiha otthanu ni opiilli koma enaakhalle enthawi ya ddoohoosa.

Nehemiya 4:13

Sika erive embali ya mpanda yookittha eyo yaari ehinamalle omakiwattho, muwari mwiwa kahaahiyamo athu moollikana ni mabanjiiwa eri ni masupadiiwa, mavakiiwa ni miira ddiwa.

Nehemiya 4:16

Waambeella nllapo nenno oya muhoollo, hafu a athwaaka yaanaphara mutteko woomaka nave hafu mmodda aanawehera awanre ddoowara ddawiitetezella eri ni mavaka, ezishango ni miira. Vano oohoollella yahaakavihera athu

Nehemiya 4:18

Nave arive muthu a oomakaayo aamakellella nsupada naye muyuununi mwaye voopharani muttekoolle. Koma muthu awiipa nipallapata aari vakhuviru ni miyaano.

Masalimo 149:6

Emutitimihe Mulluku moowelliha mawu, masupada awiisha nngu ni nngu eri m'mattani

Nchipo na Solomoni 3:8

Attheenaayo aaphareella masupada nave tti akhoto. Aamakellella masupada vakhwipimva, wi mahiiyu ellipane ni ddawoopiha ddaweereya.

Yowele 2:8

Khenakakhanakakhana, enneeta mu ettilla ddiwa, ennavira variyari va ezida ddakhoto kheyiivo enaawiimesa.