Nehemiya 4:14 - Mawu a Mulluku

¹⁴ Koma kaaweha, kivenya nave killota wa athu oolamulella, owaahoollella ni athu amodda attheene wi, “Muhiwooveke. Upuwellani wi Apwiya tti uullupalli ni awoopiha navettho ennaawanella ekhoto abalaanyu, aniinyu, awarinyu ni enyumba ddanyu.”

Nehemiya 4:14 ပူးပေါင်းရင်းမြစ်များ

2 Samuele 10:12

Llipa murima! Hanko nillipihelle owana ekhoto naateteze abalaahu ni mizinda dda Mullukwaahu. Nave opaalla wa Apwiya weereye.”

Numeri 14:9

Koma muhiwiinyullulle Apwiya. Muhinawoova athu a mwiillaponimmo vawi nineerewaagonjiha. Muhiwoove vawi alliwa khenna owaaseera nave Apwiya eri ni hiyaano.”

Aheberi 13:6

Hankoni nillipe murima ni ollota wi, “Apwiya yakhalla o embalaaka, ngoova. Muthu ttuukeerella tini?”

Mateyu 10:28

Muhiwooveke ayo eniipha mwiillive koma khenawora wiipha munepa. Koma mumooveke Mulluku oyo anawora wiipha munepa ni mwiilleene mu gehena.

Masalimo 66:3

Mulleelleni Mulluku wi, mitteko ddanyu tti ddoottikhiniha. Masivaanyu tti muullupalli, adanaanyu ennawaramella vatthi moowoovani.

Masalimo 65:5

Nyu Mulluku, oonivullusaahu, munnanaakhulla voonivullusani ni mitteko ddanyu ddoottikhiniha. Athu a va ellapo yavatthi ettheene vakhopella va enyanja ya woorekamella attheenaayo ennuuroromellani.

Masalimo 20:7

Amodda enaaroromella magareta akhoto, amodda enaakotella akavalo koma hiyaano ninakotella nnddina na Apwiya Mullukwaahu.

Nehemiya 1:5

Vano kaallota wi, “Nyu Apwiya Mulluku ooddullu, Mulluku muullupalli ni awoopiha, oyo anasunga echipangano ni okhalla ni echikondi yoohisintha wa athu ayo enamukonda ni wiiwellella malamulwaaye.

2 Epilli 32:7

“Khallani amasiva, llipani murima. Muhoove apaalle otathilla murima vamiitthoni va mwene a o Asiriya ni mulloko wakhoto ariiyena vawi oyo ari ni hi tti muullupalli okhwaranya oyo ari ni olliye.

Yoswa 1:9

Valle kahuulamula wi okhalle amasiva. Ohooveke apaalle otathilla murima vawi mi Apwiya Mullukwaawo, kineerokhalla ni weyaano orive weko onaayeekeewewo.”

Deuteronomo 10:17

Vawi Apwiya Mullukwaanyu tti ookhwaranya milluku ddittheddene navettho tti owaakhwaranya apwiya attheene. Alliwa tti uullupalli, amasiva ni awoopiha, khenaweha ekhove nave khenaakhella ddamukaphwani.

Deuteronomo 1:21

Ellapweene tti yeella eyo Apwiya Mulluku enuuvaheewani. Khaweni mwaakhe moollikana ni mmo yuulamulelleewani. Muhoove apaalle otathilla murima.’

Masalimo 143:5

Kinnuupuwella mallapo akhalle, kinnaganizera dda ddittheddene muddeerilleenyu, mitteko dda mattaanyu.

Masalimo 66:5

Waawoni moone nnddo Mulluku eerilleeye, mitteko ddaye ddoottikhiniha variyari va athu.

Masalimo 46:11

Apwiya Amasiva Mattheene eri ni hiyaano, Mulluku a Yakobo sika woothawella wahu.

Masalimo 27:1

Apwiya sika owala waka ni oovullusaaka. Ttaani kinaamoovekeemi? Apwiya sika mpanda wooteteza okumaaka. Ttaani kinaamutthukumellellekeemi?

Yobu 37:22

Ovenyera ompoto annooneya oreera wonanko golide, Mulluku ookhalla ni olemu wawoopiha.

Oollalleya 12:1

Sika omuupuwelleke Oophatusaawo mu mallapo eesombwaawo mallapo oonanara ehinaphiye, ddihinaphiyettho miyakha nnddo onaallotekeewe wi, “Okumi khonakihakallalliha.”

Eksodo 14:14

Apwiya sika enuuwanelleni ekhoto nave nyuwaano khemweeravo ello.”

Eksodo 14:25

Magudumu a magaretiiwa yaaddalla ni matokwi mwawi magaretaayo yaaneeta mookatamiha. Vano Aiguputwaalle yaallota wi, “Hankoni naathawe Aisraelaalla, ekaamba yawi Apwiya ennaawanella ekhoto, ollipana ni hiyaano.”

Oweeruza 3:27

Aphiyalle ahiipa nipallapata mu ellapo yamiyaango ya Efuremu. Aisraele attheene yaakittha ovenyera o ellapo yamiyaangweeyo aahoollella.

Daniele 11:32

Mwenooyo aneerewaalleka ni waakopa athu oovevulla echipangano yaweella. Koma athu oomudduwella Mullukwiiwa eneerollipihella nave eneeromukhoota olliye.

Zekariya 14:3

Vatulli viwa Apwiya eneeroowa wi ewane ni adanaayo wonanko yeerelliiwa nllapo na ekhoto.