Nehemiya 3:32 - Mawu a Mulluku

³² Vano esiri yawaatamana ni ya Malikiya yamakiwettho ni athu eeruso yoomuhana golide ni ookulliha malonda variyari va echipinda yavaddullu ya va ekona ni mullako wa Enkhosa.

Nehemiya 3:32 ပူးပေါင်းရင်းမြစ်များ

Nehemiya 3:1

Vano Eliyashibu mullupa mukutho muullupalli ni allupa mukutho akhwaaye yahaamba omakattho mullako wa Enkhosa. Yaawupatula nave yaapangellavo machiwiiwa. Yaayimakattho esiri eyipatula ophiya o nttattha na Handredi eya yaphiya o nttattha na Hananele.

Yohane 5:2

Mu Yerusalemu vakhuviru ni mullako wa Enkhosa vaakhalla nthiya nooromolliwa Betisaida mu ellotello ya Eheberi naakhalla ni makhote matthanu.

Nehemiya 12:39

Nave naweellettho omwaako wa mullako wa Efuremu, va Mullako Wakhalle, va Mullako wa Ehomba, va nttattha na Hananele ni nttattha na Handredi ophiya o Mullako wa Enkhosa nave voomallihellani nahiimella va Mullako wa Alonda.

Nehemiya 3:31

Vano esiri yawaatamana ni ya Meshulamu yamakiwettho ni Malikiya mmodda a athu eeruso yoomuhana golide ophiya o enyumba dda allupa mutteko a o enyumba ya Mulluku navettho o enyumba ya athu ookulliha malonda moowehana ni mullako wa Mifikada ophiya o echipinda yavaddullu ya va ekona.

Nehemiya 3:8

Vano esiri yawaatamana ni ya Melatiya Mgibiyoni, Yadoni Mmeronoti navettho athu a o Gibiyoni ni a o Mizipa yamakiwettho ni Uziyele mwaana a Haraiya mmodda a athu eeruso yoohana golide nave esiri yawaatamana ni ya Uziyele yamakiwettho ni Hananiya mmodda a athu oopanga makhura. Yaamakattho ophiya o Esiri Yooramballalla.