Nehemiya 3:26 - Mawu a Mulluku

²⁶ ni allupa mutteko a o enyumba ya Mulluku ayo yakhalla va Ofele ophiya o nipuro noowehana ni mullako wa Maaddi wookhuma nndduwa navettho nttattha noorekama.

Nehemiya 3:26 ပူးပေါင်းရင်းမြစ်များ

Nehemiya 11:21

Koma allupa mutteko a o enyumba ya Mulluku yakhalla o Ofele mu Yerusalemu nave akapitawiiwa yaari Ziha ni Gishipa.

Nehemiya 8:1

Voophiyani mweeri waneetthanu ni piilli, Aisraele yaari ekeraattheyille m'mapuroni mwiwa. Vano athu attheene yaatthukumana vamodda vanthatoni moowehana ni mullako wa Maaddi. Vano athwaayo yaamuveka Ezara namalembella wi aweena nibukhu na malamulo a Mose nno Apwiya yaavahilliiwa Aisraele.

Nehemiya 12:37

Nave va mullako wa Neetuutu yaawella va masitepe ooya o muzinda wa Davide voothwarani ettilla ya vasirini omwaako wa enyumba ya Davide o mullako wa Maaddi wookhuma nndduwa.

Nehemiya 8:3

Vano Ezara aheerenga ovenyera munibukhunimmo ari moowehana ni nthato na maaddi waambeella ohinase ophiyera otthaana vamiitthoni va allopwana, atthiyaana ni anamwani ayo yawora wiiwesesa phaama. Sika athu attheene yahaapella maaru o nibukhu na malamulo neerengiwanno.

2 Epilli 33:14

Vatulli viwa aamaka esiri otte wa muzinda wa Davide woovollowa nndduwa wa Gihoni ovenyera o ntapo ophiyera voovollowella o mullako wa Ehomba. Nave aamaka esireeyo waapheella Ofele ayiwelliha muddullu wunchichi. Ahaahiyamottho oohoollella a akhoto o mizinda ddamipanda ddittheddene dda o Yuda.

2 Epilli 27:3

Aamaka mullako wa Omwaako wa enyumba ya Apwiya nave aaphara mutteko muullupalli woomaka mpanda wa Ofele.

Nehemiya 10:28

Athu amoddaayo, allupa mukutho, Alevi, alonda a millako dda enyumba ya Mulluku, mullupa mutteko a o enyumba ya Mulluku, athu awiipa machipo ni athu attheene a mitundu a mitundu ddimodda ayo yamullapella Mulluku vamodda ni awariwa, aniiwa aallopwana ni aatthiyana ayo enawora wiiwesesa phaama,

Nehemiya 8:16

Sika athu yaaya yaasha enthambinndde ewaana nave yaamaka misasanndde, arive muthu vaddullu va enyumbaaye apaalle va nthato naye navettho mu mathato a enyumba ya Mulluku, va mathato a mullako wa Maaddi ni a mullako wa Efuremu.

Nehemiya 3:27

Vano esiri yawaatamana ni ya Pedaya yamakiwettho ni athu a o Tekowa moowehana ni nttattha noorekamanne ophiyera vakhuviru ni Ofele.

1 Epilli 9:2

Aisraele awaamba oohokollweella mwiillaponi mwiwa ni m'mizindani mwiwa yaari athu shisha a Israele, allupa mukutho, Alevi ni allupa mutteko a o enyumba ya Apwiya.

Yesaya 32:14

Enyumba yoomwene eneerohiyiwa nave muzinda muttheene khokhalla ni athu. Mipanda ddiwa ni nttattha nene ddineerotthattuwa makhungu ophiyera muhoollo. Ninaakhalle nipuro na embizi ni voochihella enkhosa ophiyera muhoollo.