Nehemiya 3:15 - Mawu a Mulluku

¹⁵ Nave Shalumi mwaana a Kolihoze oolamulella a echigawo ya Mizipa aamakattho mullako wa Neetuutu awuthunyella. Aamakellella maferemu vamodda ni machiwiiwa, ddoowallella ni mikoko ddoollipa. Aamakattho esiri ya nthiya na Shela ya emata ya mwene ophiya o masitepe ooya vatthi vookhumani mu muzinda wa Davide.

Nehemiya 3:15 ပူးပေါင်းရင်းမြစ်များ

Yohane 9:7

nave aamulleella wi, “Khawe wasuusulle owiitthoninko mu nthiya na Shilowamu.” (Ottaphullella wi, Oorumiwa.) Sika muthoolle aayaawo asuusulla owiitthoni waye nave aawaawo oonaka.

Yesaya 8:6

“Athu a ellapweella aakhoota maaddaaka o Shilowamu aweeta moomaalleya nave enaahakallallella mwene Rezini ni mwaana a Remaliya.

Nehemiya 12:37

Nave va mullako wa Neetuutu yaawella va masitepe ooya o muzinda wa Davide voothwarani ettilla ya vasirini omwaako wa enyumba ya Davide o mullako wa Maaddi wookhuma nndduwa.

Luka 13:4

Nave muneesa wi athu 18 yaphittiwe ni enyumba yootthinddaanyerana yakumuwalle o Shilowamu mu Yerusalemu, yaari oochimwa ohiyana ni athu attheene ookhalla o Yerusalemunko?

Nehemiya 2:14

Vano kaavirellella kaphiya o mullako wa Neetuutu ni o nthiya na Mwene koma khevaari nipuro nawi bulwaaka aweellevo.

Yeremiya 40:6

Sika Yeremiya aaya wa Gedaliya mwaana a Ahikamu o Mizipa nave aakhalla ni olliye variyari va athu oohalla mwiillaponimmo.

Nehemiya 3:14

Malakiya mwaana a Rekabu oolamulella a echigawo ya Betehakeremu aamakattho mullako wa Mashi. Aamakellella maferemu vamodda ni machiwiiwa, ddoowallella ni mikoko ddoollipa.

Nehemiya 3:12

Esiri yawaatamana ni ya Malikiya navettho Hashubu yamakiwettho ni Shalumu mwaana a Haloheshi oolamulella a hafu mmodda a muzinda wa Yerusalemu vamodda ni anaaye aatthiyana.

Nehemiya 3:9

Vano esiri yawaatamana ni Hananiya yamakiwettho ni Refaiya mwaana a Huri oyo aari oolamulella a hafu a muzinda wa Yerusalemu.

Nehemiya 3:7

Vano esiri yawaatamana ni ya Paseya ni Meshulamu yamakiwettho ni Melatiya Mugibiyoni, Yadoni Mumeronoti navettho athu a o Gibiyoni ni a o Mizipa ayo yalamulelliwa ni enduna ya vakhopella va muhinje.

2 Epilli 32:30

Olliye sika atiyalle engalande ya omwaako ya maaddi a o Gihoni nave aahapusella wi eyeeke o embali ya woovollowa nndduwa wa muzinda wa Davide. Nave aanaphara phaama mitteko ddaye ddittheddene.

2 Mamwene 25:4

mpanda wa muzindooyo waaphovolliwa. Naari Ababiloni yawaapheelle muzindooyo komave akhoto attheene yaathawamo mahiiyu vookhumellani va mullako wa variyari va esiri piilli, vakhuviru ni emata ya mwene. Nave yaathawella o Araba.

Oweeruza 20:3

Athu a nlloko na Benjamini yaari yiiwalle wi, Aisraele attheene aatthukumana o Mizipa. Vano Aisraele yaallota wi, “Nilleelle, ddoonanara ddenndda ddeereyille mwawiidde?”

Oweeruza 20:1

Aisraele attheene yaatimulla waambeella o Dani ophiya o Beeresheba, owaakattho ellapo ya Giliyadi nave yaatthukumana vamiitthoni va Apwiya o Mizipa.

Nehemiya 2:17

Vano kahaalleella wi, “Munnoona ddookatamiha niriihuna, mmo Yerusalemu atthattuwalleeye matepe nave machiwi a millako ddaye yohoosiwa. Ngawani nimakettho mpanda wa Yerusalemu wi nihiwulliwekettho muru.”

Nehemiya 3:19

Vano esiri yawaatamana ni ya Bavai yamakiwettho ni Ezere mwaana a Yeshuwa oolamulella muzinda wa Mizipa moowehana ni enyumba yoosungellawo ezida ddakhoto ophiyera va Ekona.

Oollalleya 2:6

Kaakatattho ehime wi maaddiiwa ehellelleke miteekho ddoophuwa.

2 Samuele 5:9

Nave Davide aanakhalla mumpandanimmo nave waromolliwa wi muzinda wa Davide. Vano aamakattho muzinda waapheella nipuronno ovenyera va mpanda wa Milo ophiyera muwari mwaye.