Nehemiya 3:14 - Mawu a Mulluku

¹⁴ Malakiya mwaana a Rekabu oolamulella a echigawo ya Betehakeremu aamakattho mullako wa Mashi. Aamakellella maferemu vamodda ni machiwiiwa, ddoowallella ni mikoko ddoollipa.

Nehemiya 3:14 ပူးပေါင်းရင်းမြစ်များ

Yeremiya 6:1

Nyu athu a o Benjamini thawani, mukhumemo mu Yerusalemu. Opani nipallapata o Tekowa nave imesani embendera o Betehakeremu. Otulli ni woonongeya wuullupalli ddineerewuumorellani ovenyera ompoto.

Nehemiya 2:13

Mahiiyu kaakhuma kiweella va mullako wa Ntapo kaphiya o ehime ya Enama Yam'maaddini ni va mullako wa Mashi nave kaheetella mpanda wa muzinda ni machiwi yoonongiwe ni munllo.

Nehemiya 3:9

Vano esiri yawaatamana ni Hananiya yamakiwettho ni Refaiya mwaana a Huri oyo aari oolamulella a hafu a muzinda wa Yerusalemu.

Nehemiya 12:31

Nave kaawaana oohoollella a o Yuda kiwellana va esiri ya mpandooyo. Kaatthoolla milloko miilli dduullupalli wi ddimuthokoze Mulluku ni machipo vawaapheellani muzindooyo. Mulloko mmodda wayiille onnattanatta va esiri ya mullako wa Mashi.

2 Samuele 4:2

Vano Ishibosheti mwaana a Saulo aakhalla ni allopwana eelli ayo yahoollella milloko miilli ddakhoto. Mmodda nnddina naye aari Baana, mmodda aari Rakebu, anamwani a Rimoni a nlloko na Benjamini a o Beeroti (vawi Beeroti yaari echigawo emodda ya nlloko na Benjamini.

1 Epilli 6:40

mwaana a Mikaele, mwaana a Baaseiya, mwaana a Malikiya,

2 Mamwene 10:15

Yehu avenyillewo, aakumana ni Yehonadabu mwaana a Rekabu oomuchingamella. Vano aamullochella amukoha wi, “Ethiyo maganizwaawo enniiwanana ni miyaano monga ekhallelle aaka ni aawo?” Yonadabu ahaakhulla wi, “Ee, ddaahu tti ddimodda.” Yehu aallota wi, “Ddaari ddiri ddiiddo, kiphare nnatta.” Yehonadabu aavelleella nnatta naye, Yehu aniphara, amuwelliha va nigareta.