Nehemiya 2:8 - Mawu a Mulluku

⁸ Nave mukinnyettho kalata mmodda a Asafu oowehera otthako wamwene wi akivahe matabwa oopangella machiwi a millako dda mpanda wa enyumba ya Mulluku, a mpanda wa muzinda ni a enyumba eyo kinaakhallekeemimo.” Nave mwene aakinnya nnddo kavekilleemi vawi nnatta naphaama na Mulluku naari va miyaano.

Nehemiya 2:8 ပူးပေါင်းရင်းမြစ်များ

Ezara 7:6

Ezaroolla aawa ovenyera o Babiloni. Olliye aari muhuddihi eeruso a malamulo a Mose ayo Apwiya Mulluku a Israele aavelleelleeye. Nave amwene yaamwinnya ddittheddene avekilleeye ekaamba yawi nnatta na Mullukwaaye naari va olliye.

Yesaya 66:14

Muneerohakallalla vawoonani ddenndda vawi makhuvaanyu eneerewunnuwa wonanko munyepu. Sika muneerodduwella wi mi Apwiya kinnaakavihera oorumeyellaaka nave kinnaananariwella adanaaka.”

Nehemiya 7:2

Kaamutthoolla mwanamunnaka Hanani ni Hananiya, muullupalli akhoto wi eellaayo elamulelleke Yerusalemu. Hananiya aari muthu oororomelleya ni oomoova Mulluku waakhwaranya athu anchichi.

Daniele 1:9

Nave Mulluku ahoollowiha murima wa enduneeyo wi emweerelle echifundo Daniele.

Ezara 5:5

Koma Mulluku aanaawehera oohoollella a Ayuda sika athwaalla kheyaahiihalle omakattho ophiyera emulembenlle kalata mwene Dariusi nave kalatoolle aakhulliwe.

Genesis 32:28

Muthooyo aallota wi, “Nnddina nawo khanikhallattho Yakobo. Vawi woollipana ni Mulluku vamoddattho ni athu nave woopambana, sika nnddina nawo ninaakhalle Israele.”

2 Akorinto 8:16

Ninnamuthokoza Mulluku voomuvahani Tito ntthitti nowuukaviherani wonanko hiyaano!

Mitteko 26:22

Nave ophiyera ollello Mulluku sika akikavihere nave kiimenlle vaava ovelleella omboni wa athu attheene, attekweene ni aniiwa. Kinalloteeminndda ddaallotiwattho ni anamallotella owaaka Mose wi ddineereweereya,

Mitteko 7:10

Nave aamuvullusa mu ddoohoosa ddittheddene. Yosefe ayiilleeye wi oonane ni Farao, mwene a o Iguputo, Mulluku aamuvaha ezeru nave aamweeriha mwenooyo wi amukonde Yosefe. Nave mwenooyo aamutthoolla Yosefe wi akhalle oolamulella ellapweeyo navettho onyumbani waye otthewene.

Miyambo 21:1

Murima wa mwene tti wonanko muhinje wa maaddi m'mattani mwa Apwiya, ennawutthoonyihella nko enapaalliiwa.

Ezara 7:9

Vawi va nllapo nawaamba na mweeri wawaamba aavenyawo o Babiloni nave va nllapo nawaamba na mweeri waneetthanu aaphiya o Yerusalemu vawi nnatta naphaama na Mullukwaaye naari va olliye.

Ezara 6:22

Nave yaahakallallella Ehakallallo ya Buledi Oohikhalla ni Yisiti wa mallapo matthanu ni meelli. Vawi Apwiya yaaweeriha wi ehakallalle nave aarukunusa murima wa mwene a o Asiriya mwawi aaweerella echifundo nave ahaakavihera va mutteko woomakattho enyumba ya Mulluku, Mulluku a Israele.

Oollalleya 2:5

Kaallima emata ddooreera ni waallamo miteekho dda ezipaso dda mitundu ddittheddene.

Oollalleya 2:6

Kaakatattho ehime wi maaddiiwa ehellelleke miteekho ddoophuwa.

Ezara 6:8

Woonjerera vaavo kinalamula nnddo munaaweerelleenyu oohoollella a Ayudaalla voomakanittho enyumba ya Mulluku. Mwaallivelle athwaalla makobiriiwa mattheene nave muhaasellihe ovenyera mu nthumba na mwene na misonkho dda echigawo ya vakhopella va muhinje.