Nehemiya 2:19 - Mawu a Mulluku

¹⁹ Koma Sanibalati Muharoni, Tobiya oohoollella a Aamoni ni Geshemu Mwaarabu yiiwalliiwa nnddo nakhozekelleehu wi neere, yaanittheya nave yaaninyaambusa ellota wi, “Muneereenyunndda tti tini? Ethiyo munavaanyihana ni amwene?”

Nehemiya 2:19 ပူးပေါင်းရင်းမြစ်များ

Nehemiya 6:6

Mukalatanimmo mwalembiwe wi, “Wohiiweya variyari va mitundu ddimodda nave Geshemu annallotattho emoddamoddave yeeyo wi nyuwaano vamodda ni Ayuda munapaalla owukila. Sika ekaambiiwa munamakeenyu esiri dda mpanda nave wohiiweyattho wi munapaalla mukhalle mweniiwa.

Mariko 5:40

Yaamuttheya mweepewe, sika ahaakhumiha. Ahaakusa attiitthinnya a mwaanooyo, amennya ni oohudderaaye araru, evollowa mmo mwaari mwaanooyo.

Aheberi 11:36

Amodda yaattheyiwa ni owashulliwa, yaamakiwa ni onyolo nave ehiyiwa mundende.

Mitteko 24:5

Noophwanya wi muthoolla tti ookatamiha, annaambiha owana variyari va Ayuda orive weko va ellapo yavatthi navettho tti oohoollella mulloko wa Anazarene.

Yohane 19:12

Pilato iiwalleeye nndda aapaalla omuttaphulla Yesu koma Ayudaalle yaakhuwa wi, “Mwamuttaphulla olliyooyo, khamunakhalla mukhwaaye a Kaisara,* o Roma. Muthu oyo anaddeera yeekhaaye wi mwene anavaanyihana ni Kaisara.”

Luka 23:2

Wenko yahaamba omuhumullulla wi oochimwa voollotani wi, “Naamphwanya aweerihaka athu a mutundwaahu wi ewukile nave aahiihaka okhoma musonkho wa Kaisara.* Nave aniiromolla yeekha wi tti Mesiya,* mwene.”

Yeremiya 20:8

Voollotani, kinnawelliha mawu, kinnakhuwa wi, “Ekhoto wuno, nohoonongeya!” Nyu Apwiya, mawaanyu aakitthattusa oovevulliwa ni oohumullulliwa mallapo mattheene.

Masalimo 80:6

Moonitthattusa ello yoovevuwa wa mitundu ddoonaapheella, adanaahu yakhalla vamodda ennanittheya.

Masalimo 79:4

Hiyaano nootthattuwa ello yoovevuwa wa athu a mitundu ddimodda, athu a mitundu ddoonaapheella ennaninyemulla ni onittheya.

Yobu 30:1

Koma vano enimakittheelliha ayo eri anamwani wa miyaano, ayo attiitthiiwa kaavevulleemi, oohiweesa oophwanella ophara mutteko vamodda ni anapwa oowehera eziweto ddaka.

Nehemiya 6:9

Vawi attheene yapaalla onoopopiha vooganizani wi Ayuda eneerohiya muttekooyo nave khovirellella. Koma vano Mulluku, llipihani mattaaka.

Nehemiya 4:1

Vano Sanibalati iiwalleeye wi naamakattho mpanda, aasha murima nave ahaattheya Ayuda mweepewe.

Nehemiya 2:10

Koma Sanibalati Muhoroni ni Tobiya oohoollella a Aamoni yiiwalliiwa wi muthu mmodda aawa aweerella Aisraele ddaphaama yaananariwana wunchichi.

Mateyu 9:24

aallota wi, “Khumani, attheene! Namwalloolla khakhwille koma animakona!” Vano attheene yaamuttheya mweepewe.

Nehemiya 13:28

Nave mmodda a anamwani aallopwana a Yoyada, mwaana a Eliyashibu mullupa mukutho muullupalli aari mukamwene a Sanibalati Muhoroni. Sika ekaambiiwa kamwiikarilleemi wi avenyewo o Yerusalemu.

Masalimo 123:4

Wa enthawi yoorekama, athu eeyuuma aaninyemulla, athu awiitukhulla aanivevulla.

Yeremiya 41:10

Vatulli viwa Ishmaele ahaaphara okaporo athu attheene yahanlle o Mizipa. Athwaayo yaari anamwani aatthiyana a mwene ni attheene oohalla o Mizipa ayo Nebuzaradani oohoollella a akhoto aahiyalleeye m'mattani mwa Gedaliya mwaana a Ahikamu wi akhalle oolamulella. Nave Ishmaele ahaaphara aayaana o ellapo ya Aamoni.

Masalimo 80:7

Nyu Mulluku, nihokolloselleni mwakhalle niwalihelleni ekhovaanyu wi nivulluwe.

Yesaya 36:5

Ethiyo onaganiza wi mawaawo ttuuphwanaphwana ni eruso ni masiva avakhotoni? Ethiyo vano onamuroromella aani voowukilani?