Nehemiya 2:17 - Mawu a Mulluku

¹⁷ Vano kahaalleella wi, “Munnoona ddookatamiha niriihuna, mmo Yerusalemu atthattuwalleeye matepe nave machiwi a millako ddaye yohoosiwa. Ngawani nimakettho mpanda wa Yerusalemu wi nihiwulliwekettho muru.”

Nehemiya 2:17 ပူးပေါင်းရင်းမြစ်များ

Ezekiele 5:14

“We Yerusalemu, kineerewuutthattusa ntepe. Oneerokhalla oovevuwa m'mwiitthoni mwa athu a mitundu ddoowaapheella ni wa oovira.

Nehemiya 1:3

Nave yaakaakhulla wi, “Athu yahokollowille wuukaporoni ayo enakhalla mu echigawo eri mu ddoohoosa dduullupalli nave ennavevulliwa. Mpanda wa Yerusalemu wookumuwa nave machiwi a millako ddiwa ahoonongeya ni munllo.”

Masalimo 79:4

Hiyaano nootthattuwa ello yoovevuwa wa athu a mitundu ddimodda, athu a mitundu ddoonaapheella ennaninyemulla ni onittheya.

Maliro 3:51

Murimaaka onnavoreya vawoonani ddinaweereyella anamwani aatthiyana a mu muzindaaka.

Maliro 2:2

Apwiya yahoononga mooheerella echifundo mizi ddittheddene dda Yakobo. Ekaamba ya osha murima, aakumulla mipanda dda mizinda dda mwaana aamutthiyana a Yuda. Aaddikuhella vatthi moowulliha muru omwene wa Israele ni oolamulelliiwa.

Yeremiya 24:9

Kineerewaatthattusa ello yawoopiha yoonanara wa mamwene mattheene a va ellapo yavatthi, ello yoovevuwa, yoohikhalla ni mutteko, yoottheyiwa ni yootembeleliwa orive weko kinaawiikarelleemiwo.

Masalimo 79:12

Nyu Apwiya, ovevulla wulle athu yuuvevunlliiwani mwaahokolloselle otthanu ni opiilli.

Masalimo 44:13

Moonitthattusa athu oovevuwa wa akhwiihu awaatamana, athu oonaapheella ennanittheya ni oninyemulla.

1 Samuele 11:2

Koma Nahashi Mwaamoni ahaalleella wi, “Kineereweera echipangano ni nyuwaano mwakaakhullella wi arive muthu a nyuwaano kimutthorokolle niittho noonnattanatta wi kaawullihe muru Aisraele attheene.”

Nehemiya 2:13

Mahiiyu kaakhuma kiweella va mullako wa Ntapo kaphiya o ehime ya Enama Yam'maaddini ni va mullako wa Mashi nave kaheetella mpanda wa muzinda ni machiwi yoonongiwe ni munllo.

Nehemiya 2:16

Nave oohoollella kheyaadduwenlle nko kayiilleemi naari nnddo keereemi vawittho ngaalleelle naari Ayuda, allupa mukutho, attekweene, oohoollella amodda navettho athu amodda ayo yaphwanelle ophara muttekooyo.

Nehemiya 3:15

Nave Shalumi mwaana a Kolihoze oolamulella a echigawo ya Mizipa aamakattho mullako wa Neetuutu awuthunyella. Aamakellella maferemu vamodda ni machiwiiwa, ddoowallella ni mikoko ddoollipa. Aamakattho esiri ya nthiya na Shela ya emata ya mwene ophiya o masitepe ooya vatthi vookhumani mu muzinda wa Davide.

Ezara 9:9

Vawi hiyaano naari akaporo koma Mullukwaahu khamwaanihiyalle mu okaporwaahu. Koma mwaanooniha echikondaanyu yoohisintheya vamiitthoni va mamwene a o Persiya, onihihimulla wi nimake enyumbaanyu, nipotokose matepiiwa navettho mooniteteza mu Yuda navettho mu Yerusalemu.

Masalimo 44:14

Moonitthattusa oonyemulliwa variyari va mitundu ddimodda dda athu, akhwiihu ennatikha muru moonittheya.

Masalimo 102:15

Mitundu dda athu ddineerekewoova nnddina na Apwiya, mamwene mattheene a va ellapo yavatthi eneerekewoova ntitimiho niwa.

Mika 7:11

Ninaakhalle nllapo noomakattho mpandaanyu nave enthawi yeeyo maliraanyu eneerewoonjereriwa.