Nehemiya 13:25 - Mawu a Mulluku

²⁵ Vano kaakanganana ni waatembelela nave kaawuukutha amodda ni waatulla meehiiwa. Nave kahaallupelliha vamiitthoni va Mulluku wi, “Muhaatthellihe aniinyu aatthiyana wa allopwana eelleto nave nyuwaano ni aniinyu aallopwana muhaatthelle atthiyana eelleto.

Nehemiya 13:25 ပူးပေါင်းရင်းမြစ်များ

Nehemiya 13:17

Vaavo kahaahumullulla oohoollella a mu Yuda nave kahaakoha wi, “Ethiyo yoonanara muneerenyweella tti tini, oripiha nllapo na Sabata?

Ezara 10:5

Sika Ezara aavenya nave ahaallupelliha oohoollella a allupa mukutho, Alevi ni Aisraele attheene wi yeere moollikana ni mmo ddallotelliwiiwa nave yaallupella.

Deuteronomo 7:3

Nave muhitthellaneke ni alliwaayo nave muhaatthellaniheke aniinyu aatthiyana ni aniiwa aallopwana apaalle waatthellaniha aniinyu aallopwana ni aniiwa aatthiyana.

Nehemiya 13:11

Sika kahaahumullulla oohoollella wi, “Ethiyo kaambiiwa tini enyumba ya Mulluku ehiyiwiiwa ddiidda?” Nave kahaatthukumaniha Alevi ni awiipa machipo kaahiyattho m'mapuroni mwiwa.

Yesaya 50:6

Kaavelleella mutthanaaka wa ookuukutha, maramaaka wa ookitulla ereru. Ngaawiipitthihelle ekhove ookivevulla ni ookittaphera mare.

Miyambo 28:4

Oyo ahiniiwellella malamulo annaatthamalla athu oonanara koma oosunga malamulo annakanganana.

Masalimo 15:4

Tti oyo anamunyaambusa ookhootiwa ni Mulluku, oyo anaariiha athu oowoova Apwiya. Tti oyo eneera nnddo allupenlleeye, naari ddiri ddoovoreya mwawiidde.

Nehemiya 5:13

Vano kaattaphulla kittattha yoowaraaka killota wi, “Emoddamoddave yeeyottho Mulluku amuttatthe arive muthu ahinaaweere nnddo alonjezilleeye. Sika yooyo attatthiwe nave ahoowe, ahikhalle ni ello.” Nave mutthukumano muttheene wahaakhulla wi, “Amen” wahaatitimiha Apwiya. Nave athu yaheera nnddo yalonjezilliiwa.

Ezara 7:26

Oyo ahinaawiiwellelleke malamulo a Mullukwaawo ni malamulo a amwene allakiwe wunchichi vawiiphiwani apaalle voovenyihiwani mu ellapweeyo apaalle voowaakhiwani katundwaaye apaalle voovokhiwani mu endende.”

Deuteronomo 6:13

Muwooveke Apwiya Mullukwaanyu ni waallapella yaayove nave mullupelleke mu nnddina niwave.

Eksodo 34:16

Apaalle aniinyu aallopwana ttuuwaatthella atthiyana eelleto. Sika atthiyana yaalla yaachimwaka voollapellani milluku ddiwa, eneerewaakopa aniinyu aallopwana wi ellapelleke milluku ddiwannddo.

Yoswa 23:12

Mwahokollowella mutulli nave mwattakanyiherana ni mitundu ddoohalla nndda ddiri variyari vanyu munaatthella nave alliwa enuutthellani,

2 Mamwene 2:24

Vano Elisha aarukunuwa nave awoonille asombwaayo, ahaatembelela mu nnddina na Apwiya. Nave vaakhumellella ezimbalangondo piilli ddeetthiyana ovenyera ohakani ddiwiipha asombwe 42.

Nehemiya 13:24

Sika hafu a aniiwa yallota Esidodi apaalle ellotello dda mitundu ddimodda nave kheyaaworattho ollota Eyuda.

Masalimo 119:53

Kinnasha murima wunchichi ekaamba ya oonanara ayo ehinathwara malamulwaanyu.

Nehemiya 5:6

Vano kiiwalleemi okhupanya wiwanko, kaasha murima wunchichi.