Nehemiya 13:22 - Mawu a Mulluku

²² Nave kahaalamula Alevi wi eddeellihe weekhiiwa nave ewe wi ewehereke va millako wi nisungeke nllapo na Sabata wi nikhalleke naweella. Nyuwaano Mullukwaaka, upuwellanittho ddenndda, mukeerelle echifundo nave mukisunge moollikana ni echikondaanyu yuullupalli ni yoohisintheya.

Nehemiya 13:22 ပူးပေါင်းရင်းမြစ်များ

Nehemiya 12:30

Vano allupa mukutho ni Alevi yaaddeelliha nave yaaweelliha athu, millako ni esiri dda mpanda.

Nehemiya 13:14

Nyuwaano Mullukwaaka, kuupuwelleni ekaamba ya ddenndda. Muhitiwalle ddaphaama nnddo keerilleemi va enyumbaanyu nave mitteko ddiwa ddittheddene.

Nehemiya 13:31

Nave kahoonesesa wi ekhuni dda mukutho ni ezipaso ddawaamba ddinnavelleelliwa mu enthawiiwa. Nyuwaano Mullukwaaka, kuupuwelleni ekaamba ya ddenndda.

Yesaya 49:23

Mamwene enaakhalle wonanko attiitthi awuullellani, mamweene aatthiyana enaakhalle wonanko amoowe oowaamwihani. Eneeromoriha ekhove ddiwa ni wuukokhorellani, eneerollanndda nthupi na m'manyalloni mwanyu mwawiiyeviha. Vaavo muneerodduwella wi mi tti Apwiya oyo anakiroromella miyaano khawa awulliwa muru.”

Yesaya 38:3

“Nyu Apwiya, upuwellani wi kaanuurumeyellani moororomelleya ni mwawiivelleella nave kaaneera ddawuuddivellani.” Eerille ddiiddo ahaamba winlla moovoreyiwa murima.

Masalimo 130:7

We Israele, atiyerelle Apwiya, vawi wa Apwiya wookhalla echikondi yoohisintheya, wooddalla woopolla.

Masalimo 51:1

Nyu Mulluku mukeerelle echifundo, moollikana ni echikondaanyu yoohisintheya. Muvuhellelle machimwaaka, moollikana ni echifundwaanyu yuullupalli

Masalimo 5:7

Koma miyaano kineerovollowa mpa mwanyu, ekaamba ya echikondaanyu yoohisintheya. Kineerokokhora moowarama, owiitthoni wa enyumbaanyu yaweella nave kineerewuullapellani.

Nehemiya 12:10

Yeshuwa aamuyara Yoyakimu, Yoyakimu aamuyara Eliyashibu, Eliyashibu aamuyara Yoyada,

Nehemiya 5:19

Nyuwaano Mullukwaaka, upuwellani ddaphaama ddittheddene kiweerelleemi athwaalla.

2 Epilli 29:30

Vano mwene Hezekiya ni enduna ddaye yahaalamula Alevi wi yiipe machipo owaatitimiha Apwiya moollikana ni mawu a Davide ni namallotella Asafu. Vano yahiipa moohakallalla nave yaakokhora ellapella.

2 Epilli 29:27

Vaavo Hezekiya aalamula wi mukutho wooshellelliha ovelleelliwe va nikuwa. Nave mukutho wooshellelliha waambille ovelleelliwa, yahaambattho owiipella machipo Apwiya. Nave mapallapata ni ezida ddimodda dda Davide mwene a o Israele ddahiipiwattho.

2 Epilli 29:24

Vano allupa mukutho yaawiipha anankhorwaayo evelleella nikhame niwa va nikuwa monga mukutho woopepesella machimo a Aisraele attheene. Vawi mwene aalamula wi mukutho wooshellelliha ni woopepesella machimo ddeereye ekaamba ya Aisraele attheene.

2 Mamwene 23:4

Sika mwene Yosiya aamulamula Hilikiya mullupa mukutho muullupalli navettho allupa mukutho aneepiilli wa olliye ni alonda a va mullako wi evenyihemo mu enyumba ya Mulluku ddeko ddittheddene ddoollapellana mafano a Baala, a Asherimu ni a etheneeri. Ddittheddenennddo aaddoosella otte wa Yerusalemu, o emata dda o Kidroni nave ntuura niwa yaayaana o Betele.

Deuteronomo 5:12

“Osungeke nllapo na Sabata wi nikhalle noopatuleya moollikana ni mmo Apwiya Mullukwaawo yuulamulelliiwa.

2 Akorinto 1:12

Ninnakotella wi yawuupusella murimaahu ennanisimikizella wi naakhalla moolungama ni moororomelleya makamaka nakhalleehu ni nyuwaano. Khanaawerille nndda oweella mu ezeru dda athu koma oweella mu echisomo ya Mulluku.

Yesaya 55:7

Oonanara ehiye makhallellwiiwa oonanara, oohilungama ehiye maganizwiiwa oohilungama. Ehokollweelle wa Apwiya, wi alliwa eweerelle echifundo. Ehokollweelle wa Mullukwaahu wi alliwa yaakhululukellesese machimwiiwa mwawoollowa murima.

2 Mamwene 20:3

“Nyu Apwiya, upuwellani wi kaanuurumeyellani moororomelleya ni mwawiivelleella nave kaaneera ddawuuddivellani.” Eerille ddiiddo ahaamba winlla moovoreyiwa murima.