Nehemiya 13:18 - Mawu a Mulluku

¹⁸ Ethiyo makhollwaanyu kheyeerillettho ddawi ddiidda nave Mullukwaahu khaanillakille m'muzindanimmu? Koma nyuwaano munapaalla ottatthamullattho owallaaye va Aisraele vooripihani nllapo na Sabata.”

Nehemiya 13:18 ပူးပေါင်းရင်းမြစ်များ

Ezekiele 23:26

Eneerewuurulla ddoowara ddawo ni owaakha ddawiireerihella ddawo ddoowallamella mutengo.

Ezekiele 23:8

Khaahiyalle makhallellwaaye ooraruwa ayo ahuddenreeye o Iguputo nko allopwana yararuwiiwana, enamuphara mapelle, enakonana ari namwalli,

Yeremiya 44:9

Ethiyo mootiwalla ddoonanara ddittheddene nnddo yeerille makhollwaanyu, mamwene a o Yuda ni awariwa navettho nyuwaano ni awarinyu, o ellapo ya Yuda ni m'misewuni dda mu Yerusalemu?

Yeremiya 17:27

Koma mwaahikiiwellella, mwaahisunga Nllapo Sabata naka wi nikhalle noopatuleya nave mwamutukhulla arive katundu munavollowana va millako dda Yerusalemu va nllapo na Sabata kineerewoosa millako ddennddo. Munllo woohithiimiheya oneeroshellelliha enyumba ddoomwene dda o Yerusalemu.”

Numeri 32:14

Vano nyuwaano mbado wanaanweene wa athu oochimwa muri wonanko makhollwaanyu vawi munapaalla wi mwaanjerere osha murima wawoopiha wa Apwiya va Aisraele.

Levitiko 26:28

kineerovaanyihanattho ni nyuwaano moowalli nave miyaano mwaneenaaka kineerewuullakani mwawaanjerera otthanu ni opiilli ekaamba ya machimwaanyu.

Levitiko 26:18

Mwaahikiiwellella moonille ddittheddenenndda, kineerewuullakanittho mwawaanjerera otthanu ni opiilli ekaamba ya machimwaanyu.

Yeremiya 44:22

Ekaamba ya yeella, Apwiya kheyaawonre ovillella mitteko ddanyu ddoonanara nnddo mwaddeereenyu. Sika ellapwaanyu yaatthattuwa ntepe, ello yooryiryiha mwiilli ni yootembeleliwa, ellapo yoohikhalla ni athu, wonanko ekhallelliiwa ollellova.

Yeremiya 44:23

Otulli yoolla wohuumorellani ekaamba yawi moosa lubani ni mwahaachimwella Apwiya vookhootani wiiwellella mawiiwa ni voohithwarani malamulo ni malangizwiiwa mattheene.”

Eksodo 31:12

Apwiya yaamulleellattho Mose wi,

Nehemiya 10:32

Ninimallupellattho wi orive muyakha nineerekovelleella magaramu masese a siliva awi epharihiweke mitteko dda o enyumba ya Mullukwaahu,

Amosi 8:5

muniikoha nyookha wi, ‘Ethiyo Ehakallallo ya Wooneya wa Mweeri enaamalle niini wi nikullihe ddoohata, nllapo na Sabata ninaamalle niini wi nimukullihettho tirigu, wi niyevihe ddoolingella katundu, wi niwellihe mitengo, wi niwiiyere athu ni masikelo awoottha,