Nehemiya 13:17 - Mawu a Mulluku

¹⁷ Vaavo kahaahumullulla oohoollella a mu Yuda nave kahaakoha wi, “Ethiyo yoonanara muneerenyweella tti tini, oripiha nllapo na Sabata?

Nehemiya 13:17 ပူးပေါင်းရင်းမြစ်များ

Nehemiya 13:11

Sika kahaahumullulla oohoollella wi, “Ethiyo kaambiiwa tini enyumba ya Mulluku ehiyiwiiwa ddiidda?” Nave kahaatthukumaniha Alevi ni awiipa machipo kaahiyattho m'mapuroni mwiwa.

Nehemiya 13:25

Vano kaakanganana ni waatembelela nave kaawuukutha amodda ni waatulla meehiiwa. Nave kahaallupelliha vamiitthoni va Mulluku wi, “Muhaatthellihe aniinyu aatthiyana wa allopwana eelleto nave nyuwaano ni aniinyu aallopwana muhaatthelle atthiyana eelleto.

Mika 3:9

Ngiiwani, nyu oohoollella a nibanja na Yakobo, oolamulella a nibanja na Israele! Munniitana ni echilungamo, munnakhoromaniha ddeko ddawookowa.

Mika 3:1

Ngiiwani, nyu oohoollella a nibanja na Yakobo, oolamulella a nibanja na Israele! Ethiyo nyu khamuphwanenlle odduwella echilungamo?

Yeremiya 13:18

Mulleelle mwene ni amennya wi, “Kitthani va mipando ddoomwene vawi enduwira ddanyu ddooreera ddoomwene ddoomorella vatthi.

Yeremiya 5:5

Vano kineerooya wa oolamulella, kineerollota ni alliwa. Vawi alliwa sika enaadduwelle ettilla ya Apwiya, eniiwesesa ddoopaalla Mullukwiiwa. Koma kahoona wi yahinttaka nigoli* niwa, yaaphadda onyolwiiwa.

Yesaya 1:10

Vano nyu oolamulella a o Sodomu, iwani mawu a Apwiya. Nyu a o Gomora, apellani maaru nnddo Mullukwaahu anuuhuddiheeyeni.

Miyambo 28:4

Oyo ahiniiwellella malamulo annaatthamalla athu oonanara koma oosunga malamulo annakanganana.

Nehemiya 5:7

Sika kaaganiza m'murimani mwaka wi keerevo ello nave kahaahumullulla attekweene ni oohoollella voollotani wi, “Ethiyo tti ddawoona wi munimallivellihana naviikho anayaayove!” Nave kahiithaniha mutthukumano muullupalli wi kiwiipe mullatu.

Nehemiya 13:16

Navettho athu ayo yakhalla mu muzinda wa Tiro yaawaana ehomba ni malonda oohiyanahiyana nave yaakulliha va nllapo na Sabata wa athu a mu Yuda mu Yerusalemu.

Levitiko 19:17

“Muhiniitana ni mbalaanyu m'murimani mwanyu koma mumuhumullulle mwa echilungamo wi muhaakhullellane ni nichimo naye.

Ezekiele 20:13

Koma Aisraele yaakiwukila muchipululuni. Kheyaathwanre malangizwaaka nave yaakhoota malamulwaaka owaavaha okumi athu oowiiwellella. Athwaayo yaaripiha mallapwaaka a Sabata. Vano kaaganiza ddoowoonihella owallaaka ni osha murima waka ni owoononga muchipululuni mwemmo.