Nehemiya 13:15 - Mawu a Mulluku

¹⁵ Enthawi yeeyo kaawoona athu mu Yuda empangaka vinyo nllapo na Sabata. Amodda yaanakusa vinyo, mpesa, namukuyu navettho katundu oohiyanahiyana enaareya abulu oyaana o Yerusalemu va nllapo na Sabata. Vano kahaachenjeza wi ehikulliheke erive ello va nllapo na Sabata.

Nehemiya 13:15 ပူးပေါင်းရင်းမြစ်များ

Nehemiya 10:31

Nave athu a mitundu ddimodda amwiillaponimmo yawaana tirigu apaalle ddeko ddimodda ddookulliha va nllapo na Sabata, khenaakulla nllapo nenno naarittho va nirive nllapo naweella. Orive muyakha waneetthanu ni piilli nineerewiithuuwiha emata nave nineerokhululukella ekongoli ddittheddene.

Nehemiya 13:21

Nave kahaachenjeza ni waakoha wi, “Ethiyo kaambiiwa tini munakoneenyu vakhuviru ni esiri? Mwaakullellattho kinimuumakani.” Nave waambeella enthawi yeeyo oya muhoollo, kheyaawattho va nllapo na Sabata.

Eksodo 34:21

“Muphareke mitteko ddanyu wa mallapo matthanu ni nimodda koma va nllapo naneetthanu ni piilli muhiphareke mutteko naari enthawi yoollima apaalle yoohata.

Yesaya 58:13

Apwiya enallota wi, “Mwiivaanyiheke weera ddawuuddivellani, muhiphareke mitteko ddanyu nllapo na Sabata. Nllapo na Sabatanna mweereke ello yoohakallalliha nave nllapo naweella na Apwiya ello yooriiheya. Munivaheke olemu nllaponna vooheeteetani, voohipharani mitteko ddanyu navettho voohillotani miyaha ddoohikhalla ni mutteko.

Ezekiele 20:13

Koma Aisraele yaakiwukila muchipululuni. Kheyaathwanre malangizwaaka nave yaakhoota malamulwaaka owaavaha okumi athu oowiiwellella. Athwaayo yaaripiha mallapwaaka a Sabata. Vano kaaganiza ddoowoonihella owallaaka ni osha murima waka ni owoononga muchipululuni mwemmo.

Yeremiya 17:27

Koma mwaahikiiwellella, mwaahisunga Nllapo Sabata naka wi nikhalle noopatuleya nave mwamutukhulla arive katundu munavollowana va millako dda Yerusalemu va nllapo na Sabata kineerewoosa millako ddennddo. Munllo woohithiimiheya oneeroshellelliha enyumba ddoomwene dda o Yerusalemu.”

Yeremiya 17:24

Vano Apwiya enallota wi, “Koma nyu mukiiwellelleke mi, muhiye omutukhulla katundu apaalle ovollowana va millako dda muzindoolla va Nllapo Sabata nave munisungeke oohiphara mutteko va nllapo nenno.

Deuteronomo 8:19

Muhaatiwalleke Apwiya Mullukwaanyu ni orukunuwella wa milluku ddimodda wi muddillapelleke vawi kinuuchenjezani moollupella ollello wi mweera ddiiddo muneerotthollowa.

Eksodo 35:2

Muthu aphareke mitteko ddaye ddittheddene mallapo matthanu ni nimodda koma nllapo naneetthanu ni piilli tti na Sabata nawiithuuwa, nllapo noopatuleya na Apwiya. Arive muthu oophara mutteko va nllapo nenna iiphiwe.

Nehemiya 9:29

Mwaanaachenjeza wi yaambeellettho wiiwellella malamulwaanyu yaaniitukhulla nave kheyaawiiwellella. Yaanachimwella malamulwaanyu oovaha okumi wa athu awaasunga. Vano yaanakhootave enummiha mirima ddiwa nave kheyaawiiwellella.

1 Atesalonika 4:6

Mwawi ddiidda, muheereke yoonanara apaalle omulleka mwanamunno apaalle murokoriyo. Vawi Apwiya eneerewaallaka ayo eneera yeeyo wonanko nuulleelleeyeni ni wuuchenjezani khalle.

Aefeso 4:17

Vano mu nnddina na Apwiya, kinimuuchenjezani wi muhivirellelle okhalla wonanko athu oohimullapella Mulluku, ookhalla ni maganizo ohikhalla ni mutteko.

Agalatiya 5:3

Wiillittho, kinamuchenjeza arive muthu anapaalla ophaddiwa wi anaphwanella wiiwellella malamulo mattheene.

Mitteko 20:21

Wa Ayuda ni athu ayo ehiri Ayuda kahaachenjeza wi erukunuwe murima ewe wa Mulluku nave ekhulupilile mwa Apwiihu Yesu.

Mitteko 2:40

Petro ahaallalleyella athwaayo ni mawu oohiyanahiyana manchichi aalleella moollipa wi, “Mwiivulluse nyookha o ollaka onawanko wa athu oonanara amuttano!”

Mika 6:3

Apwiya enallota wi, “Nyu athwaaka, kiweerenlleni tini? Ethiyo kuutopihalleni ni tini? Pepaani, kaakhulleni.

Yeremiya 42:19

Sika kaavirellella ollota wi, “Nyu oohalla o Yuda, muhiyeewo o Iguputo. Kohuuchenjezani ollello.

Masalimo 50:7

“Nyu athwaaka ngiiwani, miyaano kineerollota, kineerovelleella omboni wawuuvaanyihani Aisraele. Mi tti Mulluku, Mullukwaanyu.

2 Epilli 24:19

Naari Mulluku aarumalle anamallotella variyari viwa wi yaahokolloselle wa Apwiya anamallotellaayo yaahumullullalliiwa yaakhoota nave kheyawaapwathille.

Nehemiya 13:16

Navettho athu ayo yakhalla mu muzinda wa Tiro yaawaana ehomba ni malonda oohiyanahiyana nave yaakulliha va nllapo na Sabata wa athu a mu Yuda mu Yerusalemu.

Miyambo 28:4

Oyo ahiniiwellella malamulo annaatthamalla athu oonanara koma oosunga malamulo annakanganana.

Amosi 8:5

muniikoha nyookha wi, ‘Ethiyo Ehakallallo ya Wooneya wa Mweeri enaamalle niini wi nikullihe ddoohata, nllapo na Sabata ninaamalle niini wi nimukullihettho tirigu, wi niyevihe ddoolingella katundu, wi niwellihe mitengo, wi niwiiyere athu ni masikelo awoottha,

Eksodo 31:12

Apwiya yaamulleellattho Mose wi,

Eksodo 31:16

Aisraele ni mibado ddiwa ddittheddene ddamuhoollo esungeke na Sabata wonanko echipangano yoohimalla.

Nehemiya 10:32

Ninimallupellattho wi orive muyakha nineerekovelleella magaramu masese a siliva awi epharihiweke mitteko dda o enyumba ya Mullukwaahu,

Yobu 39:12

Ethiyo ttuuroromella wi olliye ttuutthukumanihella mmiddwaawo vanipuroni nawo nawuuputhella?