Nehemiya 13:13 - Mawu a Mulluku

¹³ Nave ayo kaatthoolleemi wi ekhalle oosunga eyuuma o ezipinda ddoosungellamo ddeko yaari Shelemiya mullupa mukutho, Zadoki namalembella, Pedaya mmodda a Alevi navettho oowaakavihera nnddina naye Hanani mwaana a Zakuri, mwaana a Mataniya vawi yaari oororomelleya. Muttekwiiwa waari wowaakawella ddeko Alevi akhwiiwa.

Nehemiya 13:13 ပူးပေါင်းရင်းမြစ်များ

Nehemiya 7:2

Kaamutthoolla mwanamunnaka Hanani ni Hananiya, muullupalli akhoto wi eellaayo elamulelleke Yerusalemu. Hananiya aari muthu oororomelleya ni oomoova Mulluku waakhwaranya athu anchichi.

2 Mamwene 22:7

Koma muheerengelle makobiri oovelleelliwa m'mattani mwa akapitawo vawi tti oororomelleya.”

1 Akorinto 4:2

Ello emodda yoopaalleya tti yawi oorumeyella yaalla ekhalle oororomelleya.

Mitteko 6:3

Sika, asinnaka ni arokoraka, atthoolleni mwa nyuwaano athu atthanu ni eelli oodduwanyeya wi tti oohoollelliwa ni Munepa Waweella ni eezeru nave naavahe mutteko yoolla.

Mitteko 6:1

Mallapo yaayo ookhulupilila yaatiiwa, Ayuda oollota Egriki yaanakangana ni Ayuda oollota Eheberi kaambiiwa anaamukhwelliiwa kheyaavahiwa ddookawiwa dda nllapo ni nllapo.

Nehemiya 12:44

Nllapo nenno waatthoolliwa athu oolamulella ezipinda ddoosungellamo ddeko o enyumba ya Mulluku wonanko ddoovelleella, ezipaso ddawaamba ni ddaneekhumi. Athwaayo yaatthukumaniha ddoovelleella ovenyera mu emata ddawaapheella mizinda wi ekhalle echigawo ya allupa mukutho ni Alevi moollikana ni malamulo. Vawi Ayuda attheene yaahakallalla ni allupa mukutho ni Alevi yarumeyellaayo.

2 Mamwene 12:15

Athu ayo yinnyiwa makobiri oollivella allupa mutteko oopotokosa enyumbeeyo kheyaakoha wi etthopoolle dda mmo yeetihelliiwa vawi yaari oororomelleya.

1 Timoteo 3:10

Alliwattho yaambe weesiwa, vatulli viwa, erumeyelleke yaphwanyeya wi tti oohikayikiha.

1 Timoteo 1:12

Kinamuthokoza Khrisitu Yesu Apwiihu oyo akivahille masiva va muttekwaakoolla. Kinamuthokozattho vookeerani oororomelleya ni okitthoolla wi kimurumeyelle,

Mitteko 4:35

yaavelleella wa murummwa nave makobiraayo yaanakawiwa wa arive muthu ollikana ni opaalla waye.

Luka 12:42

Apwiya yahaakhulla wi, “Ttaani ari mullupa mutteko oororomelleya ni eezeru? Tti oyo apwinnya enaamutthoolliiwa wi aawehereke allupa mutteko attheene a mpa mwaye ni waavaha ddoocha va enthawi yaphaama.

Nehemiya 12:35

Vaakhallattho anamwani amodda a allupa mukutho ayo yiipa mapallapata monga Zekariya mwaana a Yonatani, mwaana a Shemaya, mwaana a Mataniya, mwaana a Mikaya, mwaana a Zakuri, mwaana a Asafu.

Nehemiya 11:22

Kapitawo a Alevi o Yerusalemu aari Uzi mwaana a Bani, mwaana a Hashabiya, mwaana a Mataniya mwaana a Mika oyo aari mmodda mwa edduullu dda a Asafu, awiipa machipo va mutteko wa enyumba ya Mulluku.

Nehemiya 8:4

Nave Ezara namalembella ahiimella va nttattha namiteekho nno yanimakilliiwa ekaamba ya mutthukumanooyo. Onnattanatta waye wiimenlle Matitiya, Shema, Anaya, Uriya, Hilikiya ni Maaseiya. Wuunyotthoni waye wiimenlle Pedaya, Mishaele, Malikiya, Hashumu, Hashibadana, Zekariya ni Meshulamu.

Nehemiya 3:30

Vano esiri yawaatamana ni ya Shemaya yamakiwettho ni Hananiya mwaana a Shelemiya ni Hanuni mwaana aneetthanu ni mmodda a Zalafi nave esiri yawaatamana ni ya Hananiya ni Hanuni yamakiwettho ni Meshulamu mwaana a Berekiya moowehana ni echipindaaye.

Nehemiya 10:38

Nave mullupa mukutho, edduullu ya Aroni aneerothaanana ni Alevi yatthukumanihaka ddaneekhuminnddo. Nave Alevi eneerekowaana ddaneekhuminnddo o ezipinda ddoosungellamo ddeko mu enyumba ya Mullukwaahu.

2 Mamwene 12:16

Makobiri oollivella mukutho wa mullatu navettho makobiri oollivella mikutho ddoopepesella machimo kheyaavokha mu nibokosi na mu enyumba ya Apwiya koma yaari a allupa mukutho.