Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Nehemiya 12:27 - Mawu a Mulluku

27 Vano voopatulani mpanda wa Yerusalemu yaawiithana Alevi ovenyera orive weko yakhalliiwa wi ewe o Yerusalemu voopatulani mpanda moohakallalla ni moothokoza vawiipani machipo moophariha mutteko ezida monga mapallapata, magitala ni azeze.

အခန်းကိုကြည့်ပါ။ ကော်ပီ




Nehemiya 12:27
34 ပူးပေါင်းရင်းမြစ်များ  

Vatulli viwa Davide ahaalamulattho oohoollella a Alevi wi yaatthoolle amodda mwa abaliiwa wi yiipeke ni murimiiwa muttheene voopharihani mutteko azeze, magitala ni mapallapata wi mawu eehakallallo yiiweyeke phaama.


Vano mwene Hezekiya ni enduna ddaye yahaalamula Alevi wi yiipe machipo owaatitimiha Apwiya moollikana ni mawu a Davide ni namallotella Asafu. Vano yahiipa moohakallalla nave yaakokhora ellapella.


Nave yaaniipa ni mawu oophwanaphwana voollapellani ni voowaatitimihani Apwiya. Ni misangwa, azeze ni magitala, yaaniipa wi, “Ddawoona, Apwiya tti aphaama, echikondiiwa yoohisintheya tti yoohimalla.” Vaavo enyumba ya Apwiya yaaddalliwa ni murapo.


Vano Aisraele attheene yaawaana nibokosi na echipangano na Apwiya ekhuwaka nave yiipaka eziitolilo, mapallapata ni misangwa. Nave yaaniipattho azeze ni magitala.


“Sika akhoto uullupalli eneerewaalleella athu wi, ‘Ethiyo ookhallavo vaava muthu oyo amakille enyumba yanaanweene koma khanavollowemo? Aarimi arivo, ahokollweelle owaniwa woova wi iiphiwa okhotoni muthu mmodda ttuuvollowamo.


Nave ahaalleella wi, “Nyu tti oohoollella a mabanja a makhollo a Alevi. Muddeellihe weekhiinyu ni abalaanyu wi mwakuse nibokosi na echipangano na Apwiya Mulluku a Aisraele nave mwanihiye o nipuro nno kakhozilleemi.


Vano Davide aatthukumaniha edduullu dda Aroni ni Alevi amoddattho.


Eerilleeye ddiiddo, ddoophatusiwa ddookumi ddisesenndde ni attekweene 24 yaakokhora vamiitthoni va mwaanaankhosooyo. Attheene yaakhalla ni magitala owaakattho embale dda golide ddooddalla ni mukutho wa lubani.* Ddawunkhellihanndda sika mavekello a athu a Mulluku.


Hakallallani mu eyaattano ni Apwiya enthawi ddittheddene! Kinallotattho yeella wi, hakallallakani!


Etitimihe nnddina niwa vawiinani, ewiipelle nchipo nooriya ni ekoma owaaka azeze.


Kineerewuutitimihani, nyu Apwiya, vawi mookikhumiha ovenyera moowallamella. Khamwaakhullenlle wi adanaaka ehakallallelle ohoosiwa waka.


Nave Aisraele, allupa mukutho ni Alevi amodda yakhalla mu echigawo ya Yuda nave arive muthu mu yoohallanaaye.


Vano athu attheene ayo yahokollowille wuukaporoni yaamaka misasa enakhalla mwemmo nave yaahakallalla wunchichi vawi waambeella enthawi ya Yoswa mwaana a Nuni ophiyera nllapo nenno, Aisraele yaari ehineereke ddenndda.


Vano athu a o Israele monga allupa mukutho, Alevi ni athu attheene yahokollowille wuukaporoni yaahakallallella opatuliwa wa enyumba ya Mulluku.


Allupa mukutho yahiimella m'mapuroni mwiwa mvo Alevi yiipiiwa machipo waatitimiha Apwiya voopharihani mutteko ezida ddiwa. Ezidanndda ddapangiwe ni Davide nave ddapharihiwa mutteko vawiipani nchipo na echikondi yoohisintheya ni yoohimalla ya Apwiya. Moowehana ni alliwaayo allupa mukutho yaaniipa mapallapata nave Aisraele attheene yaaniimella.


Wa Ahebroni, Yeriya sika aari owahoollella voothwarani ntthopoollo na mabanjiiwa. Muyakha wa 40 wa omwene wa Davide waheereya waashaasha nave waaphwanyeya wi amodda akhoto amasiva a mu nibanja na Yeriya yakhalla o Yazere o Giliyadi.


4,000 enaakhalle alonda avamullakoni nave 4,000 enaakhalle owaallapella Apwiya voopharihani mutteko ezida ddawiipella nnddo kiddipangilleemi.”


Hemani ni Yedutuni yahoollella wiipa misangwa, mapallapata ni ezida ddimodda navettho ezida ddimodda ddawiipella machipo oollapella. Anamwani a Yedutuni yaahiyalle wi ekhalle alonda a va mullako.


Asafu sika aari oohoollella nave oomukavihera yaari Zekariya, Yeiyele, Shemiramoti, Yehiyele, Matitiya, Eliyabu, Benaya, Obedi Edomu ni Yeiyele. Yaalla sika yatthoolliwe wi ekhalle awiipa asikoma ni azeze. Asafu sika aari awiipa misangwa,


Vano Davide ni Aisraele attheene yaari ehakallallaka ni murimiiwa muttheene vamiitthoni va Mulluku, enamwiipella machipo ni azeze, magitala, ekoma, misangwa ni mapallapata.


Vano Davide ahiiwa wi Apwiya aamudalisa Obedi Edomu ni nibanja naye nittheene ni ddeko ddaye ddittheddene aariiyena ekaamba ya nibokosi na echipanganonno. Sika aayaawo akusawo nibokosi na echipangano ovenyera o enyumba ya Obedi Edomu, ayaana o muzinda woowaniwa, Yerusalemu, ahakallallaka.


Sika muneerohakallalla vamiitthoni viwa, nyuwaano, aniinyu aallopwana ni aatthiyana, allupa muttekwaanyu aallopwana ni aatthiyana ni Alevi ayo munakhalleenyuna m'muzi mwanyu, alleto, akhwaadduni ni anaamukhwelle ayo enakhalla variyari vanyu.


Nave Solomoni aavelleella mikutho ddeeyaattano wa Apwiya dda eng'ombe 22,000 ni dda enkhosa 120,000. Sika mwenoolle ni Aisraele attheene yaayivelleella enyumba ya Apwiya.


Vano ahaahiya Alevi o enyumba ya Apwiya ni ezida ddawiipella machipo moollikana ni lamulo na Davide ni namallotella Gadi, oollohella a mwene, ni namallotella Natani. Vawi lamulo nenno tti na Apwiya oyeella mwa anamallotelliiwa.


Nave va nllapo nenno yaavelleella mikutho ddinchichi nave yaahakallalla wunchichi vawi Mulluku aaweeriha wi ehakallalle. Atthiyana ni anamwani yaahakallallattho nave ohakallalla wa athu a o Yerusalemu wahiiweya wuuteete.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ